نفس الحكايه كنت موظفه في مدرسه اهليه وراتب 1800لمدة خمس سنوات اقسم للك بالله ان الي قلتيه صحيح تخيلي حطيت بطاقه صراف على اساس بوفر وكل مااستلمت الراتب عطيت الوالدة 500ريال طبعا هذا الي اقدر عليه وطبعا طلبات غرفه المعلمات ماتخلص من قطه 20 ريال للقهوه والشاي 20قطه الفطور جبن سايل ومعلبات طبعا كل اسبوعين لانها ماتكفي وجدول للحلى والله ساعات زوجي يضايق من الصواني اللي اشيلها كل اسبوعين ومرات مانبغى فطور سندويشات نبي اكل بيت كل وحدة تشد حيلها وتسويلنا طبق حلو ولاتقول مادريت ترى فيه ورقه معلقينا في غرفه المعلمات روحو اقروها وهاذي وحدة والدة نبي هديه تسوى باسمنا وهي صديقتنا وهاذي وحدة بتتزوج نبغى نشتريلها طقم صغير تعبير عن محبتنا ووش رايكم اليوم نطلب فطورنا من المطعم ملينا من سندويشات الجبن السايل وخبز الصامولي ونبغى نسوى درع تذكاري للمديرة والمساعدة تعبير عن شكرنا وترى اللي مهيب دافعه ماراح نحط اسمها واذا بقى دخلت الباقي للصراف جا زوجي:arb: تكفين حبيبتي انا مديون هالشهر تكفين عطيني اللي عندك وبعدين بردلك قلت طيب رحت وجبت بطاقه الصراف وعطيتهيها طبعا يعرف الرقم السري واذا جا الشهر الجاي قلت العيال يبغون ملابس قال تكفين حبيبتي اشتري لهم من راتبك وان شالله بسدد لك واذا جالشهر اللي بعدة قال تكفي بقسطلك المبلغ بعطيك الحين 400 والباقي الشهر الجاي واذارحت عند اهلي يوم الاربعاء خواتي متجمعين وجو ضيوف فجاءه لازم نوفر حلا قهوه وفطاير واحياننا يكون الوالد غير موجود ويكون العشاء على حسابي طبعا انا الوحيدة من خواتي موظفه واذا عطيت اخوي الفلوس قال تكفين ابغى بنزين اقوله ماعندي يقول انتي عندك خير
ومرات يجي يقول تكفين ابغى فلوس صدمت بالسيارة ومهوب انا المخطي والله اهو بس انحاش وبعدين انا مامعي رخصه واذا جت الدوريه بحطون الحق علي تكفين بصلحها قبل مايشوفها ابوي ويهاوشني وهاذي حالتي خمس سنين في اهليه كرف ومذله واهانه وفي النهايه ماطلعت ولابشي الاهم الخبرة وطبعا مافيه وظايف الله يرزقنا من واسع فضله يارب تكفون ادعولي بالوظيفه الزينه معليش طولت عليكم اعذروني مقهوره والاخت الكريمه فتحت جروحي:09:

صدقتي والله

محد يرحمك لانك معلمه ـوالعالم متخيلينك بنك الراجحي يمشي على الارض
مايدرون ان على ظهرك قروض وديووون

نحمد الله ونشكره على هالنعمه بس نتمنى الخلق تغير نظرتها للمعلمه وانها مجرد مصدر مال

والطلبات عليها تكون ضعف باقي الناس حتى لو باقي الناس اكثر منها راتب

بس مجرد مسمى معلمه يخلي الواحد على طول يتخيل الفلوووووووووووووس

وربي تعقدت من هالسالفه

الحمد لله على كل حال ,,

الله يبارك للجميع ,,

ايو الله مافى بركه من عيونهمممممممممم اهبوووووووووووووووووووووووو:35: :35: :angry2:


مااقول الاكثرو الصدقااااااااااااااااات حتى تبارك دراهمنااااااااااااااااااااااااااا:icon18: :icon18: :icon31:

يامعلماااات

ياموظفات


ابقولكم كم كلمة بس ماابغى احد يزعل مني >>> والكلام موجه لي قبلكم

(( الحريم دايما يتشكون من نعم ربي معطيهم اياها وحارم غيرهم منها ))



يعني نتشكى من الدوااام وطيرة الراتب وغيرنا يتمنى الوظيفة ولو بنصف او ربع الراتب

ونتشكى من الزوج وغيرنا يتمنى يتزوج

ونتشكى من العيال وغيرنا يتمناهم

ونتشكى من الاهل والحموله ومطالبهم وغيرنا يتمنى ان له اهل وعزوة

يعني انه مايملى عيون بني آدم غير التراب

فالواجب علينا نحمد ربي ونشكره على هالنعم اللي نتقلب فيها وحنا ماقمنا بحقها (( واما بنعمة ربك فحدث))