شوفوا ريجيمي وش رايكم فيه

اهلين بنات حابه اعرض عليكم ريجيمي والحين لي اسبوعين او ثلاثه ماشيه عليه مع المشي على السير 45

دقيقه يوميا احيانا بالويكند اطنش فالبدايه طولي صراحه ماني متاكده منه ههه لاتضحكون ماقد قسته لكن

تقريبا 154 او حوله ووزني 67 عارفه انه زايد لكن مشكلتي التشيز كيك والحلويات عموما يوميا لحد مافقت

لنفسي وحسيت وزني زايد المهم بدايت بها الريجيم ومن راسي اخترعته لانه بعض انواع الريجيم تدوخني

الفطور فطور عادي ممكن بيض مقلي وجبن كرافت وقشطه احيانا كورن فليكس طبعا حرصت انه يكون فطور

عادي لانه قدامي يوم طويل ومابغى اكون مرهقه طبعا مع حبتين توست اسمر واحيانا ازيد نص


العصريه اخذ تفاحه واكل نصفها واترك الباقي وقت الجوع طبعا اكلها عشا ن وراي تمرين اللي هو المشي على

السير ماخلص منه الا احس بدوخه وعطش فاشرب مويه وعصير تفاح

الغدا حاذفته هو اللي كان مدمرني خاصه اذا كان رز والله انه هو السبب في زياده الوزن لو يخففون الناس كانوا

بخير لكن ثقافه الشعب للاسف اذا مافيه رز يكبس بطونهم ماصار غدا والله ارتحت وريحت عيالي اذا سويت رز

ابيض وعلى القد ومو يوميا لانه حرام اسوي ريجيم وادمر عيالي بالرز حتى هما تعودوا خلاص ماعاد يطلبونه كثير

نجي للعشا اسوي لي سلطه ابدع فيها صراحه كل الخضار وجبن شرائح وتونه مع شوي دريسنغ


وباقي الوقت اشرب مويه كثير

الحين بعد ثلاث اسابيع نقصت 3 كيلو وزني الحين 64 بعد 67 وهدفي 56 57 اهم شئ تحت الستين وماني

مستعجله قدامي شهر كمان احيانا والله تضعف نفسي ودي بشوكولاته او شئ حالي لكن انبه نفسي واني

لازم اوصل لهدفي مافيش مستحيل

وهذا ريجيمي وانتظر تعليقاتكم يمكن اتاخر في الرد لاني خارج البلاد فراعوا اختلاف التوقيت