شوفوا ريجيمي ..وعطوني رايكم فيه.. لا تفشلوني

السلام عليكم ورحمة الله وبركاته........

يا بنات عالم حواء الحلوات

ودي أشكركم على كل الدعم الي حصلته منكم في موضوعي السابق.
وأنا أعرف انكم ما بتقصرون معاي خلصينا وقولي شو عندج.

أنا يا بنات يا حلوات .. أسوي ريجيم ..لكن هالريجيم من عقلي. أنا خذت من كل ريجيم شوية وسويت هالريجيم ، لإنه يناسبني وايد ..وأحسه الأسهل لي .. والوحيد الي أقدر أستمر عليه..

بكتب الريجيم وأتمنى من البنات الي عندهم خبرة ومعرفة فهالموضوع أنهم يساعدوني وبينولي إذا هذا الريجيم مناسب وإلا لا .. وأذا كان مناسب كم سعرة حرارية تقريباً في اليوم..وكم مقدار النزول في الوزن في الأسبوع الواحد لمن هم تحت ال100 ، وإذا كان غير مناسب أتمنى يوضحولي السبب ..ويعدلون فيه شوي بحيث يكون نظام مناسب. ويا بنات لو سمحتوا الي تعرف اخصائية تغذية تسألها عنه..

انتظر ردودكم .. لا تفشلوني

الإفطار :
شريحتين توست أسمر مع جبن قليل الدسم أو لبنه قليلة الدسم + عصير برتقال طازج

الغداء:
سلطة خضراء مع ملعقة صغيرة زيت زيتون.

العشاء :
فواكه مشكله أو مقدار قليل( ملعقتتين تقريباً) من عشاء البيت العادي.

بنات أنا سويت هالريجيم لإني الريجيمات الي بدون أي نوع من الخبز أتعب فيها وايد، وأحس اني نعسانه طول اليوم، لكن مع هالريجيم الحمدلله ما أحس بالجوع ولا بالتعب.:21: وأنا تعمدت أني أحيانا أذوق أكل البيت عشان ما أحس بالحرمان وبعد الريجيم أرجع مرة ثانية الوزن اللي خسرته.:23::o

السبب اني ما اتبعت الريجيمات الموجودة في المنتدى ، لإنها تنقسم لقسمين:
1):44: أما ريجيمات قاسية جداً ومعقدة ، مثلاً أنا ما قدر اكل لحم حاف بدون خبز ولا عيش، أو أكل بيض مسلوق بدون ملح.
2):( أو ريجيمات أحس ان مقدار الأكل فيها كثير جداً بحيث أن وزني ما ينقص.

ملاحظة : مقدار الوزن اللي أريد أنزله تقريباً 26-30 كيلو في مدة 3 شهور.

انتظركم.
:21: