السلام عليكم ورحمة الله وبركاته
ضايقه فيني الدنيا ومو عارفه كيف اتصرف
انا محكوم علي اني ادوس ع كرامتي واهين نفسي لعشان اعيش
لو واحده ثانيه عندها ام واب او اخوان واهل كان زمان تطلقت وارتاحت من العذاب النفسي
مشكلتي مره شفت محادثه لزوجي مع بنت وحاط اللوم علي انتي ليش تفتشي جوالي وزعل
طنشت وكبت بقلبي
وكنت والله مهتمه بنفسي مرا وهو ع الصامت وسرحان ماتوقعت انه مشغول بس الشيطان
حلى بعيونه الحرام
وكم مرا اكشفه يتابع افلام اباحيه كامله مو صور بس لا شي ادهى ومقزز زنا ولواط وو
سكت وماتكلمت وكل يوم ادعي له بالهدايه
وقلت خلاص ماراح اشوف ايش يتابع لعشان ماكسب ذنب من اللي اشوف
وقبل كم يوم اتصلت على امه ابتحمد لها بسلامه ع رجعتها من سفر وكان بالي مع المكالمه وجواله عندي وهو جالس وبعدين قام للحمام ونسي جواله مع انه حريص عليه
بس شكله قال تكلم ومشغوله
شفت محادثه مكتوبه من غير مافتح الجوال كلام اباحي من صاحبه واخذت الجوال ابشوف بنت ولا ولد من المحادثه طلع ولد وصاحبه كمان وزوجي راد عليه كلامهم وصف لحرمه ويقول تراهم معروفين حلوين والثاني راد تحصل **بيضاء ومن البياض محمره
والله لاشعوريا جلست ابكي عند بنتي الصغيره ورحت لغرفتي
وشكله مطول بالحمام كعادته
ارسلت له طلقني وقلت له ياحقير ياواطي انا عفيفه طول عمري ماننفع لبعض روح لمجتمعكم
ال **
وجاني قالي ماطلبتي شي طلاقك راح يتم
مادام وصلت فيك تفتشين جوالي الثقه راحت
واذا الثقه راحت الطلاق احسن
ماكلمت مرة ابوي بنيته وشكيت همي لله
وارسلت له تعال خذ البنات يشترن مراييل وشنط
ارسل ماعليكي فيهن هم عندي واشتري لهن
ارسلت لا بس ابكمل وارتب لهن قبل ماروح
رد رتبي وضعك مع اهلك وبس
طبعا كلامه دقه لانه يعرف اني ماحبهم ولا يستقبلوني
سكت مارديت وصرت ماشوفه الا يغير ملابسه ويخرج
امس ارسلت له تعبانه وفعلا تعبانه ارسل ماعاد تهميني زي زمان حتى الحب اللي جاء من العشره راح
انا مو عارفه كيف وضعي يبغا يطلق صح ولا كلام
حاسه بحرقه بقلبي ان كل شي ينتهي وماتخيل اني ابعد عن الاولاد بسهوله بنتي ع وجه بلوغ لارحمها ولارحمني
عمري 32 وحاسه اني عجوز من الهم
بنات الحين كيف اتصرف مابغا طلاق والله ماحد يستقبلني ومالي اهل
ابغا اعيش اربي العيال ببيتي بس كرامتي راحت
اللي بسني لساء ماتزوجن وانا مضغوطه مرا وشلت الهم بدري
وقاهرني بدل انا ازعل واحاسبه هو يزعل ويحاسبني وضاغط علي
نساني المشكله اللي زعلت عليها وانشغل بمشكله ماله داعي اعيش معه مافيه ثقه
ايش ارسل له لاني ماشوفه
والله محتاجته بالبيت امس غير رحت للبقاله مشوار مرا لعشان اجيب اغراض
ارسل له جيب كذا وكذا و يطنش واذا لحيت وزدت بالكلام يرسل طيب ولا اشوفه
اتصالاتي مايرد عليها
والله يابنات توي جايه بعز الشمس اجيب غرض ناقص ومشوار علي
ايش اسووي كان موجود ونافعنا الحين تطنيش لاكلام ولا شي
ايش اسووي والله ماقدر اتحمله غير حرقه القلب ببالي وين سهران عند مين جالس لايكون راح لها لايكون يفكر بمسيار لان ع كلامه مو مرتاح وانا سبب المشاكل
انصحني ايش اسووي
بنات ابغا ردود لاني راح احذف الموضوع
لحن الحزن* @lhn_alhzn_2
عضوة نشيطة
يلزم عليك تسجيل الدخول أولًا لكتابة تعليق.
zhzhzh
•
لاتطلبيه انتي شي خلي بناته هم يكلموه ويطلبوه كی شي حتی الاكل
الله يفرج همك ياقلبي حزنت عليك
بس فهمت من كلامك ان أبوك متزوج طيب وين أمك أو اخوانك من أمك راح يحنو عليك روحي عندهم وطنشيه
وبعدين بيني له أنك قويه وكلامه ومعاملته أبدا ماكسرتك ولا خلتك ضعيفه
بالعكس أذا جاء أضحكي واللعبي معي عيالك وهوه أحقريه وطنشيه
ومثل ماقالت وحده من البنات أذا تبغين شي خلي البنات يطليونه
وأسال الله أن ييسر امرك ويفرج همك
بس فهمت من كلامك ان أبوك متزوج طيب وين أمك أو اخوانك من أمك راح يحنو عليك روحي عندهم وطنشيه
وبعدين بيني له أنك قويه وكلامه ومعاملته أبدا ماكسرتك ولا خلتك ضعيفه
بالعكس أذا جاء أضحكي واللعبي معي عيالك وهوه أحقريه وطنشيه
ومثل ماقالت وحده من البنات أذا تبغين شي خلي البنات يطليونه
وأسال الله أن ييسر امرك ويفرج همك
الله يسخره لك
بس دام انك ماتبين تروحين لاهلك وعارفه وضعك
خلاص سايسي الرجال واعرفي مصلحتك لا تناشبينه انتي عارفته
ليش تلاحقينه وتفتشين جواله وبالاخير تتعبين انتي وانتي عارفه ان حالته صعب تتصلح
عيشي الامر الواقع وحافظي علي عيالك ببيتك وانسي امر هالزوج عامليه كانه ضيف ان جا حياه الله وان راح بسلامته
هذا اللي تقدرين عليه وريحي راسك ووكلي امرك ﻟﻠﻪ
بس دام انك ماتبين تروحين لاهلك وعارفه وضعك
خلاص سايسي الرجال واعرفي مصلحتك لا تناشبينه انتي عارفته
ليش تلاحقينه وتفتشين جواله وبالاخير تتعبين انتي وانتي عارفه ان حالته صعب تتصلح
عيشي الامر الواقع وحافظي علي عيالك ببيتك وانسي امر هالزوج عامليه كانه ضيف ان جا حياه الله وان راح بسلامته
هذا اللي تقدرين عليه وريحي راسك ووكلي امرك ﻟﻠﻪ
الصفحة الأخيرة