شوفوا زوجي وش سوى فيني .. ابي امي ابي ابوووي اهئ اهئ

سلام




هذا الله يسلمكم انا زوجي يدرس بامريكا وجيت معه وانا توني متخرجه من الثانوي بس ماقدرت ادرس هنا لان لازم شهاده امريكيه شهادتي الثانويه مايقبلونها لازم ادرس من جديد وبطلت وانجلطت بالبيت .. المهم رحنا السعوديه مره وانا زي مانا وهم كللهم استقبلووني ويوم شافووني
انصدموا .. ليش ماتغيرتي ؟

على بالهم شعري بيصير اصفر وعيوني زرق اذا جلست هنا خخخخخ

المهم اننا الحين بنروح الصيفيه و قلت ابغير شكلي

لان انا شعري اسود ماقد صبغته وطويل وماابغى اقصه فقلت اصبغه احسن ..

انا هنا مافكيت حجابي لاني زوجي معيي قلت بروح مشغل قال مافيه

كل مشاغلهم فيها رجال ولو فكيته عندهم ابحلقلك ياه عالصفر ..

المهم جلسنا نفكر في طريقه وقام ابو الشباب وطق الصدر وقال

بسسسسس انا اصبغلك :blink: .. وانا من غبائي وقله حيلتي قلت خلاص :icon20:

ورحنا محل تبع صبغات واشياء تجميل وانا خبله ماعندي لغه ماغير فاغره فيهم ومدري وش يقولون

قام زوجي قلي وش تبين تصبغين قلت ابي اصير كني امريكيه عشان يصدقون اني جيت من امريكا :icon30:

قام يضحك بدهاء ومكر :S_45: وقال طيب انا اخليك امريكيه

واشترى وقعدوا يبربرون وانا مثل الاطرش في الزفه وهو يعلمه كيف نحطها ومدري وش .. ورجعنا لبيتنا وبدينا نخلط الاصفر والاحمر

وجلست وتنفشت الصبغه وانا خايفه احطها وهو متحمس يقوول اجلسي بسسس وعد مابخربلك يااه < على باله جوني مندلق على غفله :unsure:

واستسلمت وقام وحطه كله .. المصيبه شعري طوويل مرره والصبغه جت الين كتفي بس :icon33:

وهو الفالح صبخها كنه اسمنت وقام بكل ثقه ولف شعري بشباصه وقال استني شوي واغسليه وشوفي كيف بيطلع ..

وجلسنا ونقرقر ونسولف ونسيت شعري (وجه حزين ) مرت يمكن ساعه واحنا نتفرج ودقينا حنك وتعشينا وشعري مغطى ونسيته ..

ويوم جيت اغسل مواعين العشا تذكرت شعري .. وهاتك ياصرريخ بغيت انجن .. وعلى طول فتح الدش وغسلناه

الله لايوريكم .. كان من فوق اصفففففر وبالوسط برتقااالي ومن تحت اسووود :crap:

زوجي تسدح من الضحك ولاهمه وانا ابكي .. وهو يقول مالي دخل انتي قلتي لي :booo:

الحين شعري انعدم .. لفينا تكساس كلها نبي مشغل في حريم مالقينا ويوم لقيت مشغل فرحت لكن تذكرت اني ماعندي لغه واجلس كني طرما ااشرلهم ومايفهموني <احززن

وش السواه الحين .. ابسافر عند اهلي تشرشحت هناا :icon33:

خايفه اصبغه اسود وينعدم .. نفسيتي تعبت

من قد خربت شعرها ورجع زي اول؟؟؟؟؟؟؟؟؟ اعطوني امل ..
هالمطفوق يبي يقصه لي ويخلي الاصفر بس
بسسس توبه مااطيعه :icon33: