شوفوا زوج اختي العروس وش يسوي فيه في الفراش/اكتفى من الردود

بسم الله الرحمن الرحيم


بالبداية احب ارحب بكم وياليت تعطوني ارآئكم بدون استهزاء وسخرية لأن لحظت بهالقسم نااااااااس تشن هجوم


ونااااااااس عسل مثلكم وشرواكم<<<<<<<<خافت تحقدون عليها:35:


المهم حبيباتي هذي سالفة اختي توها متزوجة من شهر ونص وسبق لها الزواج وهذا زواجها الثاني


راح اقولكم كيف تمت خطبتها وعن طريق من


قبل 6شهور تقريبا اتصلت علينا خطيبة وقالت ان فيه نااااااس يبغون يخطبون منكم امي رحبت واخذت معلومات


من هالخطيبة وقالت انه متزوج وعنده اثنين اطفال وعمره 38 اختي انبسطت كثير وخااااااصة انها موب صغيرة


ياقلبي عمرها 39 داخلةالاربعين امي ماارتاحت مرة وقالت خل يجون ويصير خير


اخوي كان جايب لها خطيب صحيح كبير عمره ستين بس والله الكل يشهد له اخلاق ومركز وقيمة


اختي بغت تموت تقول لو وش مااخذ شااااااايب يمين يسار عيت على الخطيب من طرف اخوي وردينه


واستقبلنا حق الخطيبة المهم جاوا يمنا ولا طلعت عليهم لاني كنت نفااااااس


وهم عندنا اهل الولد دخلت علي امي قااااااالت تفاحة<<<<<<<<لا تصدقون اسمي تفاحة ههههههه


قلت سمي قالت تدرين من هاللي عندنا قلت من قااااااااالت هذولا جيران اول هذولا عمانهم الفلان صراحة


صكت فيني الدنيا:( استغفر الله العائلة والنعم مااقول فيهم شيء بس ماارتاح لهم اول ابد ونغزني قلبي


واختي كااااااانت مبسوطة وبعدين سألت امي اخت الولد ومرت ابوه ليش بيتزوج على زوجته وش الاسباب


قااااااااالت انها ماتهتم بوه ومهملته وراعية دجة ماتقر في بيتها تطلع من غير شورة ولا تخلي عييلانها يحظرون


عزايمنا:09: وماخلت ولا بقت قالت امي يصير خير لان الولد مايسووووووووق سيارة عنده سواق خاااااااص


المهم طلعوا من عندنا وجاء اخوي الكبير وقالته امي هو نفس شعوري مارحب بالموضوع بس قال يصير خير


وبنشوف بعدها بيومين جانا عريس الهناء واستقبله اخوي وابوي قبل مايطيح مريض الله يرفعه بالعافية:icon33:


وشافه اخوي يقول شكله مايطمن ابد وماارتاحت الصراحة شكله اهبل استغفر الله وشكله مو بذاك الزود


يعني بالعربي شين حيل استغفر الله وهذا خلق ربي ومانقول شيء بس هذا الواقع اختي قالت لاخوي شكللك


ماتبيني اتزوج وتبوني تحت رحمتكم وعشاني رفضت الخطيب من طرفك ومن هالكلام اخوي قال والله مايصلح


وهي مصرة الا اسألوا عنه بأخذه كان مدحوه وانا كبيرة موب صغيرة واخاف يفوتني القطار وابي عيال


وووووووو


قال اخوي يصير خير وسأل عنه بس موب على طول جلس اسبوع بعدين سأل وكان كل ماجاء عندنا


قال لها يافلانة انتي صبرتي سنين طويلة وتصومين وتفطرين على بصله وهي ولا تسمع الله يهديها


اخوي كااااااااان يقول انه من تجلس معه موب مريح وغير عليه حركات مدري وش تبي بالعربي


موب صويحي الولد وهي مصرة انكم ماتبوني اتزوج


واسأل اخوي وهو ماوده به ابد سأل جيران اول عيال عمه وامام المسجد والعمل والكل مدحه


ولانه مايسوق اكيد ماعرف اخوي اماكن طلعاته وزملاءه واكتفى بكذا


وبرضو اخوي يحاول فيها واحنا بس ماسمعت ابد ودها وقالت مستحيل اتراجع


وتمت الخطبة وجاواء اخوانه معه لان ابوه ميت


وحددوا الملكة بسرعة وكنت اقول لامي موب مرتاحة وسبب زواجه موب مقنع وكنت على اخر نفاسي فلانة استخيري


قالت استخرت وخلاص قلت الله يوفقك ورحت بيتي وبعدها بيومين تملكت


ومن تملكت ماعاد لاهم حس ابد لا كلم ولا جاء ولا شيء حتى خالته اللي هي مرت ابوه اول غاثتنا ماعاد


كلمت من تملكوا وكانت تجهز وكنا نتناوب نروح معها وانا اقل وحدة بما اني عند مولود فصعب مرة


كنت اقول لها غريبة فلانة زوجك ماكلمك قالت عادي يمكن يستحي قلت انتي شفتيه قالت ايه وقلت شين مرة


شكله وحيش قالت موب ذيك الدرجة فلان يبالغ تقصد اخوي عاد وحدة من خواتي شايفته من الشباااااااااك


هههههههههه تقول من شفته اقول مستحيل هذا يصير زوج اختي موب عشان شين استغفر الله بس والله


يابناااااااات وحيش ماترتاحين له ابد ابد واختي اللي خذته نفسها شينة حيل ماادري كيف تقبلته:09:


بعد 5شهور كلموا حضرتهم حددوا الزواج وكان وقتها ابوي تعبان لان ابوي تعب بعد الملكة بأسبوع والى


يومكم هذا على فراشة الله يشفيه ويخليه لعين ترجيه يااااااااارب


وقلنا بنتظر شوي يمكن يخف هي ابغت تنجن قالت لا تبغون تأجلون عشان تخربون علي


وتم الزواج والله يابناااااااااااات انه في يوم زواجها كنه عزى استغفر الله يعني فينا ضيقة موب طبيعية


وحتى العزى احسن مير سوالف واخذ علوم والعالم تتقهوى وتتفنجل:icon28:


وكان الصراحة شكلها روعة مكياااااااجها فستانها كل شيء فيها ماشاالله


ومافي الااحنا اهل البيت وزوجة اخوي الكبير بس اما زوجة اخوي الثاني ماجاءت لظروف عندها


وزوجة اخوي تقول وش فيكم مافليتوها وين المسجل وين الحركاااااااات قلنا ابوي تعبان ولا لنا خلق شيء


وحطينا ابوي في عربيته وسلموا عليه الرجااااااااال


ودخل عريس الهناء ولا سلم على امي قالت امي يمكن ماعرفني ولا شيء بس طلع سبيه من جد


وراحوا وطلعت مع الباب احس بشيء يخنقني وموب انا بس حتى امي وخواتي واخوي الكبير


واخوي الثاني اللي انصدم لانه ماشافه الا هالمرة وقال وش ذا استغفر الله وين جاكم منه ووووووو


عاد تعرفون تريقة الرجااااااال الله يهديهم


المهم انا رحت بيتي نفس اليوم اما خواتي الباقيات جلسوا وناموا عند مامي عشان يرتبون ماعندها ياقلبي شغالة


واليوم الثاني جاء زوج اختي عشان الفستان ترجعه لانه بأيجار ورن جرس الباب بزراين اختي فتحوا


الباب وخافوا قالوا يمه زوج خالتي يخوف حتى البزران مرتاعين سبحان الله موب من الشكل بس وحيش حيل


جلست ثلاث ايام كلمت اهلي وسألتها امي عسى مبسوطة وامورك زينه قالت كل تمام الحمد لله


وقلت لامي عطيني رقم جوالها حتى اكلمها قالت امي للحين ماعطها جوال


طبعا لاسافرت ولا شيء بهالبيت وعذره مايسووووووق مع ان عنده سواق خاص


مرت الايام وقالت له اختي مارحت لعيالك تقصد زوجته هب بوجهها وقال مالك شغل وموب رايح


وشكله طلق زوجته ام عياله اختي ضاق صدرها قالت عسى موب انا سبب للحرمة


وجلست اسبوعين ماشفنها عقب الزواج قلنا اجل ان شاالله مبسوطة


وجاءتنا بعد اسبوعين ماااااااش متغيرة حيل وجهها اصفر ذبلان لان هي بيضاء ونحفانة وصايرة تضحك


وتبوسم من غير سبب مش طبيعية ابد وسألنها قالت عادي مافي شيء


وكنا كلنا متفقين ننام عند امي ذيك الليلة وقلنا نامي معنا قالت لا مرة ثانية


المهم صارت اختي الوسطى تكلمها عالثابت وتسولف معها وتقول انه اول مايدخل زوجها تقفل السماعة تقولون ملك


الموت جاها واختي صارت قلقانة اللي كلمتها وقالت لاخوي الكبير قال والله اللي علي سويته لدرجة انها اتهمتني


اني ماابغاها تتزوج واني ابغاها تحت رحمة زوجتي وانتوا سمعتوا بأذنكم قال هي شكت لكم قلنا لا بس


شكلها قال اذا شكت يصير خير ولو اني زعلان منها


بعد ثلاث اسابيع جاءت وكنت عند اهلي ويا اختي الصغيرة وكانت حاطة شعرها على وجهها


انا استغربت الحركة وقلت وش هالتسريحة وش تبي والم شعرها والقى فيها زي الكدمات بوجهها


وارتاع وقلت وش ذا قالت من المكياج قلت علينا طول عمرك تستخدمين هالماركة ماتاثر فيك وبشرتك صافية


وجلست تطالع فيني وتبوسم فقعت مرارتي الصراحة


قامت اختي الصغيرة عن المجلس وقربت مني اختي وقالت فلانة بسألك سؤال قلت وش


قااااااااالت فلان اذا جااااااااااء يجامعك يضربك ويعضك انا انصرعت قلت وووووووووووش


مجنونة انتي ليش متزوجني ولا لقيني في الشارع قلت زوجك كذا هزت رأسها طلعت الكدماااااااات


منه جعل ضروسه الهد ذا بو ضروس الخايس وقلت وليش ساكتة قالت لا لا لاتعلمين امي


قلت مدري قولي لاخواتي انا ماافهم في هالامور يمكن في رجااااااااال كذا بس استبعد انه طبيعي


واختي الصغيرة جابت احمر خدود وحطته قالت لو يشوفك احد وش يقول مصدقة المسكينة انه من المكياج


وجاءت اختي اللي اصغر منها بشوي وتسألها انكرت وقالت كل شيء تماااااااام طبعا هي قالت لي


عنه سوالف موب زينة هالحيوان الحقير بس حلفتني مااقول لاحد وقلت ابشري


وكانت ماجاءت الا المغرب بسم الله بعد صلاة العشاء جاء يأخذها قالت امي توك ولا امداك تجلسين


مع خواتك ومعنا وابوك تعبان الدنيا مافي مطاول قالت روحي قولي له ودي اجلس وكانت مرعوبة


طلعت امي تبي تحاكيه ركب السيارة ولا كنه يشوف امي


وراحت لبيتها وهم فهموها قالوا شكلها تنضرب وجهها متغير وووووووو


عاد تعرفون الحريم مايخفاهن شيء ولمحت لهن وامي نغزها قلبها وقالت بكرة كلميها لانها ترتاح تتكلم


معااااااااي على اني الصغيرة تحب تفضفض لي بس انا اعصابي ماتتحمل لو سمعت شيء واظل قلقانة


ونفسيتي تتعب وحتى زوجي راح يلاحظ علي فقلت لاختي اللي اكبر مني ولا قصرت وكلمتها


قالت فلانة اسألك بالله مبسوطة وكيف زوجك معاااااااك وليش ماتجين كل اسبوع مثلنا


قالت فلان يعي ومايرضى قالت ليش قالت خليها على الله وبدت تكلم اختي عن اطباعه الخايسة هالشين


وسألتها الكدمات اللي فيك مكياج ولا شيء ثاااااااااااني قالت موب وجهي حتى جسمي كلها رضوووووووض


قالت اختي ليش طيب قااااااالت مدري عنها وقت الفراش يضربني ويهجم علي كنه بيغتصبني وانا موب


مستوعبة وسألت فلانة تقصدني انا اذا زوجها كذا قلت ممكن بعض الرجااااااااال طبعهم كذا مع حريمهم


بس السالفة مسخت وجسمي تشوه من كثر الضرب وودي اعالج اخاف يسبب لي عاهات مستديمة


قلت مزعلته قايلة شيء قالت لا هو يحب كذا وشكل زوجته طفشت منه وعشان كذا فلسعت بيت اهلها


حسبي الله ونعم الوكيل في مرت ابوه واخته هالكذابات يااااااام قلت لهم زواجها ماله اي اسباب مقنعة


وكنت اقول اسألوا زوجته كانت اختي تقول اكيد زوجته بتسبه يعني وش توقعين اثاري بنت الناس


شبعانة ضيم وجاء دور اختي


عاد اختي اللي كلمتها مايحتااااااااج بالتفصيل الممل لامي الله يحفضها شب قلبي امي حريقة عليها


لان كلنا في بيت اهلينا معززات وعلى اخر الزمن يصير في بنته الكبيرة كذا وصارت تقول بقول لفلان


عاد اخوي هذا مايحتااااااااج دوروه في المشاكل لسان طويل ومده يد ياسلالالالالالالالالام والله بتكمل


كلمت امي وقلت لا تستعجلين كلميها خذي علومها انتي يمكن تبالغ يمكن انا مصدقه اختي بس ابغى


امتص غضب وزعل امي وكلمتها وتقول كل شيء تمااااااام قالت ليش الكذب تبغين يصير فيك مثل فلانة


هذي سالفتها سالفة من بنات الجمااااااعة ياحياتي نفس اختي واخر شيء قتلها جعله النار اللي تحصده واهلها


تنازلوا المهم اختي خااااااافت وقالت لامي كلش وقالت تعالوا خذوني قالت امي لا هو يجيبك وهو حمار


اللي فيه ومافيه خل اشوفه والله لا اشرشحه وحسبي الله عليه اللي مايخاااااااف ربه وعى مرت ابوه جعلها تشوفها


في بنتها يوم تكذب علينا وتغشنا قالت لامي لا تزيدين علي انا فشلة في اخوي فلان لانه قال مايصلح


واروح اخذه ولا سمعت كلامه قالت امي لو جابك هالمرة مافي روحة قالت اكيد


وبروح اخلعه في المحكمة وبقدم شكوى لضربه لي لان جسمها معلم للحين حسبي الله عليه ونعم الوكيل


وانا ادري كله حكي بحكي موب مسوية شيء


اللي قاهرني يابنااااااااااات انه طرار وشين يجيب الهم وهذي سوايه يعني لو وسيم وغني نقول يمكن يغتر


شاف حاله يعني لاتجي وحدة تقولي الفقر موب عيب ومدري وش والشكل مايهم هذا جامع كلش اعوذ بالله



وفي حديث صحيح قال الرسول صلى الله عليه وسلم


<<ثلاثة لايكلمهم الله يوم القيامة ولا يزكيهم ولا ينظر اليهم,ولهم عذابً اليم


شيخ زان , وملك كذاب , وعائل مستكبر>>


والحال مع هالمتخلف وش السواة والله ياني مقهورة حيل منه هالشيفة وياضروسه لا احد يلموني من حر


مااونس واللي جربت اكيد ماراح تستغرب كلامي:(


مشاركة جديدة ومالي الا ثلاث مشاركات باليوم قلت اكمل هنا


انا اخر مرة شفتها قلت لها فلانة انتبهي تحملين ترى بتخسرين ضاااااااااق صدرها حيل حسيت الدورة للحين ماشرفت وياخوفي لاتكون حاااااااامل


وانا من النوع اللي اصبرها واليوم امي هاوشتني وقالت لا احد يصبرها هذا شيء ماينصبر عليه ان شاالله لو نرمي عليه مهره هالخاااااايس


وللحين مافي ولا رجااااااااال يعرف شيء الموضوع بين امي وخواتي


والله يستر يااااااارب