شوفوا زيت الجديلة شو سوى في شعري ,,, ما ادري تعرفونه والا ؟؟!!

لسلام عليكم حبيباتي ...

والله اني تولهت عليكم وااااااااااااااااااااااااااايد واااااااااااااااااااايد ,, بس تعرفون مشاغل الحياة تبعد الواحد عن احبابه,,,

ها اخباركم ويا الخلطات ولزيوت ,,, ان شا الله زينه ,,, ولله انا اخباري عال العال ,,, خصوصا عقب ما لقيت الزيت ,, اللي وقف لي التساقط الشنيع اللي كان عندي في مرتين بس ,, تخيلوا مرتين بس سويت فيهم لزيت ووقف لي التساقط على طول ,, يعني شعره وحدة ما قمت اشوفها في المشط ,, يالله الحمد لله ,,, والله لو شفتوا شعري اول كلف كلف يطيح خلاص خلاص صلعت ما شي غير كم حبة كانوا يتريون دورهم في لطيحة لين ما ربيعتي خبرتني عن زيت يديد ينباع ,, بفسرت واشتريته ,, مب لاني كنت حاسة انه ممكن يساعد لا بس لاني كنت اريد اقول حق عمري انا جربت كل شي وما نفع ,, لكني ابد ابد ما توقعت ان النتيجة تبين في مرتين بس ,, واستعماله مرة عادي وسهل .. بس تحطون شوي في فروة لراس والشعر ,, وتتريين حتى ساعتين او من الليل لين الصبح على كيفي ,, وعقب اسبح شعري بالشامبو ,, في البداية يوم يجف الشعر صراحة اول مرة تخرعت من شكلي تقول اسد انا وشعري جاف وطاير استغفر لله شرات لاسد بالضبط ,, لكني كملت تعليماتها اللي طرشته حقي الحرمة راعية الزيت ,,, ومشطه ولفيته ,, وعقب 3 ساعات فتحته ومشطته مرة ثانية ,, وما شا الله وااااااااااااااااايد كان نايم ,, وتميت على طريقتها اللي في الورقة يعني كل 3 او 4 ساعات لازم امشط شعري ,, وكل مرة وهو ناعم اكثر وحبة حبة تشوفينه ,, وفي خلال شهر كامل ,, تعالوا شوفوا شعري ,, طبعا تساقط خلاص يادوب حبة حبتين في اليوم ,, والكثافة والله اي قمت اشوف شعر صغير وااااااااايد نبت وصار شعري اكثف عن قبل وانعم وفيه طراوة وايد حلوة ,,,

بصراحة ما تخيلت اني ممكن استفيد من الزيت ,,, ( زيت الجديلة ) واااااااااااااااااااااايد رووووووووعة واااااااااااااااايد استفدت منه ,, الله يوفقها ربيعتي للي تباه يوم خبرتني عنه ,, والله يجزاها كل خير الحرمة راعية الزيت ,,,

هيه صح نسيت اخبركم سعر لزيت 70 درهم ..

*&^ انسانة ^&*