السلام عليكم ورحمة الله وبركاته
ابدخل بالموضوع على طول يوم الخميس طلعت لسوق عشان اقص شعر بنتي وأشتري بعض الأغراض المهم طلعت من بيتي بدري قبل الزحمه وأول مادخلت السوق رحت للحلق وطبعا مزحوم مثل العاده لا ومافيه غير اثنين بس يحلقون اخذت رقم وجلست انتظر لين يجي دوري:time: والناس اخر العصر يبدون يزيدون وجت حرمه وقصت لها رقم طبعا رقمها متاخر بحكم انها جايه متأخره وهاذي الحرمه ماجلست بالكراسي الانتظار مع الحريم كانت واقفه يوم خلص الحلاق قص شعر الطفل اللي قبل بنتي وقمت ابي احط بنتي لأنه دورها جت وحطت ولدها وجلست تصارخ وتقول حلقوا شعره جيت ابي اكلمها واقول لها انه دور بنتي وهذا رقمها جلست تصارخ علي :06:وتقول لا تتكلمي معيا لا تتكلمي معيا وأنا هاديه قلت لها تدرين ليش ماتبين تتكلمين معي عشانك تدرين انك على غلط وانا على صح ماعندك شي تقولينه لي ولاتوجهينن وجلست تسب وتقول الفاظ باذيئه مكان ودي ان بنتي تسمع مثل هذالكلام وقلت لهالاتحسبين اني مارديت عليك خايفه منك اومن طول لسانك مارديت لأنه فيه رجال وانتي ماتسوين من يستأثم عشانه والله قهرتني اكلمها بكل ادب رغم انها غلطانه وهي تسب وتغلط وجلست تصارخ بأعلى صوته وتقول للحلاق احلق شعر ولدي وهو مسكين يناظر السوداني اللي يقص الكروت وهذاك خايف منها لما جيت اكلمه السوداني واقوله ليش تسمح لها انها تتعدا ادور الناس وتصارخ عليهم انت وش دورك الا انك تنظم الناس ولاتسمح بالفوضى قال هاذي حرمه ولانقدر نقول لها شيئ بصراحه اشك انها مراءه المراءه مو بس اسم اوشكل المراءه حياء ادب حشمه وهي الحمدلله الذي عافنا مما ابتلها به مافيها ولاشيى من هذولي المهم سمعوا كلامه وحققوا لها اللي تبيه وهي واقفه وتطالع الحريم والرجال اللي ينتظرون من فوق لتحت بغرور واحتقار وكأنن جاين نطر من بيتها وكل شوي تلتفت علينا وهي واقفه مع الحالقين ومكتفه يدينها حركاته استفزازيه وانا ماسكه اعصابي متعوذه من ابليس
وليته على كذا ولدها الكبير يحلق خلص الحلق اللي جنبه من قص شعر بنت اخذت ولدها الثاني وقالت حلق لولدي ورجعت تطول لسانها عليه غصب حلق له ويجي رجل ويكلم السوادني ويهوش اول ولد وسكتنا تجيب الثاني بعد وخاف السوادني منه لأنه شخيصه كان ماشاءالله عليه رغم انه ماله دخل بالموضوع الا انه مارضى بالغلط
وهي تصارخ تعال قص شعره ولا حد يسمعها برد قلبي الله يبرد قلبه انا ما نقهرت منها انها اخذت دوري واني مضطره اجلس لبعد المغرب اللي قهرني اسلوبها معي ليتها جت بأدب كان عيوني اقدمها واتبادل معها الارقام بس اسلوبه من جد يرفع الضغط ابي رائيكم فيها ولوكنتوا مكاني وشتسون
يلزم عليك تسجيل الدخول أولًا لكتابة تعليق.
الصفحة الأخيرة
وخروف والا ماحد قد دعس على الطحال عندها وعلمها الأدب عساها ماتلحق ان شاء الله
ياكرهي للحريم اللي تسترجل قدام الرجال والا يطلع حسها
قدام الحريم هايطي بس الرجال الزمي ادبك
ليتني مكانك قسم بالله وربي النعمه وربي لأكون سويت لها درس ماتنساه طول عمرها بأسلوووووووووووووووووووووووووب يكسر عظمها