شوفوا شسوى ولدي فيني بال00000000

السلام عليكم ورحمة الله




يا بنات اليوم صارلي موقف بالسوق ان شاء الله مايصير معاكم :(:(


اليوم رحت لسوق واخذت ولدي عمره 4سنين الله يحفظه ونزل معاي وابوه بسياره يدور موقف لان مافي مواقف زحمه السوق ودخلت المحل انا وولدي والمحل بالسرداب وكبير شريت ملابس وجيت بحاسب عند المحاسب ولا قال ولدي بروح لبابا بسياره قلت لا 00 وجيت بفتح شنطتي ولا الولد ركض لسلم المتحرك وصعد فوق وطلع برى
الشلرع واركض وراه ومالقيته ادوره ومالقيته واسأل الناس يقولون ماشافوه انا اهنيه انجنيت وقفت عند باب المحل واطالع والا السيارات والناس والمحلات زحمه وانادي ولدي بصوت عالي واقول انا شلون ادوره بهالزحمه واجي عند الناس اترجاهم يدورون معاي والله اني صرت مجنونه كل واحد اترجاه واتصل على زوجي ويطلع مشغول واتصل ويطلع مشغول يمكن ربع ساعه وانا اتصل وادور انجنيت واقول خلاص ضاع ولدي ماراح القاه بالزحمه هذي اكيد انخطف سبحان الله يابنات والله اني تعوذت من الشيطان واستغفر وادعي ربي وقعدت استغفر ولا زوجي دق علي قالي وينج خلصتي قلت اولدي ضاع قال شنو وينه قلت مدري وانا قاعده ابجي:icon33: ولا قال كاهو جاء عندي قلت وينه انا حسبالي يجذب علي علشان مااتخرع واصيح ولا ولدي يكلمني ماما عند ابوه واركض عندهم ولا الولد ماخذ نظاره ولعبه وماشي وامسكه واطقه طق سبحان الله اللي خلا ابوه يوقف عند المكان اللي نزلنا فيه وهو ماشاء الله عليه عارف المكان وحلفت انه مايروح معاي السوق الله يحفظه ان شاء الله تكفون ادعوله ان الله يحفظه والله الولد هذا يخوف عليه حركات تخرع الله يهديه وتكفون انتبهوا لعيالكم بالسوق وبكل مكان الله يحفظ عيالنا قولوا امين بس الحمدلله ان الله ستر عليه ويابنات اذا صار لكم اي شيء الله لايقوله ادعوا واستغفروا ربكم