شوفوا شسوي رجلي بهداياي

مقهوره ميته قهر الله يسامحه بس
اول هديه تلفون غالي احدث شي كان نازل بالسوق كنت عند اهلي ووصيت اخوي يجيبه الله يوفقه جابه ولا واحلي لون بعد ومعاه كفر هديه
واهديته له بطريقه حلوه مرني وهو راجع من السفر ومعاه اخوه وكان الجو غيم ومطر يجنن طبعا كنت
راكبه وراه بالسياره ودق عليه واحد من اخوياه يبيه ضروري وكل شوي تلفونه يفصل لان البطاريه
خربانه وانقهر قلتله جيب تلفونك عشان احط شريحتك بتلفوني وتكلم علي راحتك ويوم عطانياه
حطيته له بالتلفون الجديد ومديته له والله يبنات انه فرح فيه كثير اكثر مما كنت متصوره
وقام يطالعني من مرايه السياره ويحرك شفايفه الله يخليك لي لان اخوه يقري جريده فما انتبه
بعد فتره بسيطه جاني من غير التلفون سالته قال ان اخوه خذاه وضاع منه وانا متاكده والله واعلم انه ما ضاع ان اخوه باعه لان هذي طريقه اخوه دايما وجابله بداله تلفون مستعمل وبعد كم يوم خذاه
منه وباعه
اما ثاني هديه قلم كرستين ديور يقطه بكل مكان ومره نساه عند واحد من اخوانه وتركه فتره
فردته لي مرة اخوه جزاها الله خير
والمره الثانيه عطاه واحد معاه بالدوام فالظاهر انه قام يدق فيه شئ لين تعفطت حديدته وما قام يطلع راس القلم طبعا هو ما يدري انا نبهته
وابشركم بالاخير ضاع كل ما عاتبته يقول نسيت ما دريت لوكم مكاني شتسوون
قهر صح