شوفوا شغالتي الوديعه ايش حصلت معها

السلام عليكم ورحمة الله
خواتي بنات حواء قدمت عللا شغاله بنقاليه يعني بنجلادشيه ومشتغله فى احدى دول الخليج 5سنوات ويوم جتني مامعها الاشنطة يد صغيره ويوم فتشتها مافيها الا صورها فقط وكانت جدا رحومه ودمعتها ماتملكها بسسسسرعة تدمع (دموع تماسيح ) المهم مره حاطه ذهبي على التسريحه كله 5خواتم وسلسله وتعليقه وحلق واكسسوار كأنه ذهب نظفت الغرفه انا كنت واقفه معها فتذكرت الذهب واقولها انه ذهب قالت انها رمته بالزباله الله يكرمكم وانها ماشافتها لانه مان بمنديل فاين . خليتها تدور بالزباله وانا واقفه معها ماله أثر فقامت تصيح وانها مظلومه وخذي شنطتي فتشيها بصراحه صدقتها وبنفس الوقت مستغربه انها يوم شالتها ماحست فيه المهم حلمت ان هره نطت علي من الشباك وصرخت بوجهي فاتصلت على شيخ يفسر قال انتبهي من شغالتك وفتشيها وديتها عند اهلي ورجعت افتشها لقيت شعر كانه باروكه ثلاث وصلات كلمت الشيخ قال خلي زوجك يجيبه ويجي للهيئه يوم راح طلع توصيل مو سحر نسيت اقول ما حصلت ذهبي هذا الي خلاني اثق فيها طبعا هذه السالفه كان تو مشتغله مالها ثلاث شهور مرت الايام احيانا احس بخوف وعدم الارتياح لدرجة اني اقفل غرفتي لما انام بديت اكرها وعرفت انها كذابه وانصحها عن الكذب لما صار لها تقريبا سنتين عندي صارت تقول ابي اسافر وتبي رواتبها سبحان الله رب ضارة نافعه والي صارلي رحمة من الله كلمت زوجي عشان رواتبها وان شغلها موقد كذا واني لما اقولها مسحي الغبار تنقلب علي ماتبيني اقولها شيء قلت له رد نفسها اعطيها لو 1000 ريال تشتري لنفسها قبل لاتروح فعصب علي وراح ناداها وقامت تصيح وتشتكي مني ومن العيال انا اكبر اولادي10 سنوات وان ايدها تعورها وقام يهاوش علي انا وعيالي ومسكم صف يبي يظربهم وقلت والله تكذب عليك ايدها هي قطعت ايدها يوم تقطع الدجاج طبعا انا الي اطبخ لاني اقرف منها والله شكلي انا واولادي يحزن سوت مشكله بيني وبين زوجي وانا كنت ابيها تآخذ فلوسها قلت والله ماجلست دقيقه تهين كرامتي عشانها واخذت ولدي الصغير عمره 2 شهر وبنتي 4سنوات ورحت عند أهلي وزوجي واولادي بالبيت يتابعون مبارة مع زميل زوجي بعد مانتهت المباره اتصل علي وارسل الاولاد المغرب وصار يكلمني ويترجاني اني افكه من المشاكل ولنه يبي يرسل الشغاله فقلت طيب وجابها طاعت من بيت اهلي ورحت مع زوجة اخوي واولادي وديتهم عند اخوي وانا وزوجة اخوي واختي بالسيارة نتمشى اتصل زوجي وطلب مفتاح البيت لان ماعندنا الا مفتاح واحد فقلت المفتاح مع الشغاله بشنطة حموده ارسل السايق وأخذ المفتاح انا رجعت لبيت اهلي ومادري ان زوجي مرسل السايق طلبت مفتاح البيت من الشغاله قالت اخذه ابو ..... قلت لها اجل اركبي وقلت لاخوي ينزلني بيتي لما وصلت البيت لقيت سيارة زوجي وزميله دقينا الباب الجرس مافتح صوت الجرس منخفض جدا ومامعي رصيد اتصل فارحت لجارتي واتصلت وقلت انا عند الباب افتح دخلت البيت وشلحت العبايه كان زوجي وزميله يتعشون في المقلط والمقلط بجنب المطبخ دخلت المطبخ لقيت الشغاله تسوي شاي قلت لها اذلفي انا اسوي الشاي ويوم سمعت صوت زوجي راحت تشتكي له دخل علي المطبخ والله مسك ثلاجة الشاي بغى يضربني فيها وقام يهاوش طبعا قمت ادافع عن نفسي وسمع زميله الصوت وخرج من البيت دخلت لها اترجاها تسكت وانه بابا عنده رجال مسكت جزمتها تضرب برأسها جعله للكسر دخل زوجي يسب ويشتم وبغى يضربها وان اقوله تعوذ من الشيطان والله اني بغيت اتطلق بسببها المهم قال لاتجلسي في البيت مابغى اشوفك انت وهي قلت له ماعندي رصيد اتصل وطلع ارسل مع السايق بطاقة شحن واتصلت على زوجة اخوي وارسل الاولاد من بيت اخوي وجلست على اعصابي لما هدا الوضع راحت زوجة اخوي ونمت واليوم الثاني فجر الجمعه اسمعها تصيح بصوت عالي وطنشتها ماكأني اسمعها وقامت تشتغل والظهر حممت اولادي وصليت وقلت يالله نروح بيت بابا انا قالت ماروح اروح مكتب طيب تروحين بس امشي معي خذي 2ملابس وامشي لاني ناويه مارجعها رفضت تماما قالت آخذ ملابس كلها قلت طيب خذيها ويوم وصلت بيت اهلي نبهت عليها لاتتكلم مع ابوي وترفع ضغطه لانه مريض وجلست عندهم وتغديت وفبل العصر رحت لبيت اخوي ومقهورة منها يوم شافتني زوجة اخوي مابي الشغاله قالت لي تذكري يوم رحنا السوق قبل اسبوعين وتركتي اولادك تقول قالت لي شغالتي الاندونسيه ماتفهم عربي ان شغالتي دخلت غرفتها وفتحت شنطه وكلام مكسر ماتفهمية وزوجة اخوي جتها شغاله اندونسية بيوم الجمعه انا جبتها من المطار تفهم عربي مررررره نادتها وقلنا لها ترجمي كلام الشغاله الي كلامها مكسر قالت شغالتي دخلت غرفة زوجة اخوي وفتحت المحفظه وفتشت الشنط واحذت ملابس انا اذكر يوم روحنا للبيت شفت معاها كيس قالت ملابس بنتي فصدقتها الآن بعد سواليفها هذي ايقنت انها سارقه ذهبي وقلت لزوجة اخوي روحي لبيت اهلي وكانك بتوديها السوق واجي انا افتش اغراضها بالرغم اني متوقعه انها ماتروح لانها بلوى فاهمة كل شيء وراحت زوجة اخوي وحاولت معها رفضت وقالت مامعي فلوس فعطتها اختي 150 ريال حتى تروح ولا البلوى قالت لشغالة اهلي انتي لاتروحي طبعا رفضت وراحت معها واتصلت علي اختي وقالت راحوا تعالي وجيت ودخلت المستودع ولقيت ثلاث اكياس فتشنا الكيس الاول لقيت كيس مسكر بالمشابك وسميت وفتحته :angry2: واحصل ملابس داخليه جديده انا جبتها لها مالبست منها ولاشيء ولقيت سونتيانه من الداخل مخيطه وفيه فتحه بسيطة وحاجه بورقه كانها حجر يوم طلعته لقيته ذهبي الي لها مخزن عندها سنه وسبع شهور وافتح الكيس الثاني لقيت كرتونين جوال جديده وماعمرها راحت السوق وكل رواتبها ارسلتها ولقيت علبتين عطر ولقيت ملابس زوجة اخوي ولاخواتي محد عطاها ولقيت شيله سوداء وبطرفها شرابي المخرم ورابطه الشيله وشاحن جوال الي اخذته الذهب فقط والباقي خليته مكانه ولما تجي تروح افتشها مره ثانيه حتى الملابس الداخليه بجيب لها وتغيرها قدامي بس انا خايفه لاني ماخذيت الشراب معقوله نفسها بالشراب .ناس قالوا يمكن عشان ماتدخلين غرفتها ورد يت انا واختي كل شيء ورحت بيت اخوي واتصل زوجي ويوم جانا انا ماكلمته قلت لولدي الكبير قوله اننا حصلنا ذهب ماما مع الشغله وناداني ويوم شافه ذهل وقال ياحبايبي يا عيالي بغيت اضربكم عشانها هي الان عند اهلي والسافه هذي لها اسبوع وحجزنا لها من غير ماتدري
الله يكفيني ويكفيكن شر الخدم قولوا لي ايش اسوي وشلون افتشها واسالها من فين الجوالات والعطور
انا احمد الله الي نورني والله لو ماصارت المشكله ماضنتي بحصل ذهبي لاني قبل كذا فتشتها وماحصلته (رب ضارة نافعه) حبت اقول لكم كل شيء وبالتغصيل وتنتبهوا من شرهن وابي منكن الفايدة والشراب الي معها ايش تبي فيه :(