نورتوا يالحبايب:)
طيب..ندخل بالموضوع...
انا عندي شغاله اندونيسيه والحمد لله ماشين تمام
لا اغلط عليها ولا تغلط علي
معاملتي لها ممتازه ..لا اعاتبها ولا اهاوشها ولا اكرفها ..واعطيها اوقات للراحه
واشتري لها حاجاتها..وآخر ماعطيتها جوال عندي قديم وشريحه ..تبي تراسل زوجها وعيالها باستمرار..ما الومها..عطيتها وقلت خليه تحت في المطبخ ..
الهم فرحت وشكرتني
كانت من كم شهر اذا سوت رز تكثر..واحيانا يبقى نص الرز واقول لها لاتكثرين ..واحدد لها الكميه ويجيها طاري وتزيد مع انها ما تاكل كثير..
قبل اسبوع كانت عندي عزيمه اهلي وبنات اخوي..وكنا نشتغل ونطبخ وننظف قبل بيوم
وانا معها اساعدها في الطبخات
وفي نفس يوم العزيمه الظهر دخلت المطبخ وشف الغداء باقي نصه والكل خلص..قلت يابنت الحلال ليش تكثرين ..انا اقول لاتحطين الا كاسين وليش حطيتي ثلاثه!!!!بدون ما ارفع صوتي..بس انا متضايقه ليش تكثر وما تفهم
قامت تتعذر باني هذاك اليوم طلبت منها تنقع كاس زياده بطبخه لزوجي العصر لان شهيتنا منفتحه وقرب يخلص الغدا
لكن ما احتجنا لهالكاس وما طبخناه لان فيه احد ما بغى غداء
قالت هذاك اليوم..انا في زياده قلت هذاك اليوم حاله اضطراريه وانا كثير اقول لا تزيدين..عصبت ورفعت صوتها وتعفط وجهها وهي تاخذ قدر صغير وتقول انا سوي اول كاس زياده . هذا قدر..>>مصره على هالكاس ما نسته
قلت مومشكله نزيد اذا جتنا حالة الجوع ..لكن مو كل يوم تكثرين ونكبه وما نبي نحمي
هي شاده وتعتبر نفسها ماغلطت وان معها عذر!!واخر شي قالت استغفر الله بعصبيه
سكت انا وهي وكملت تغسيل المواعين وطلبت منها شي وشفت وجهها ودموعها نازله..خييييييييييييييييير !!الحين هي اللي تهاوش ومعصبه وتصيح!!المفروض انا اللي اصيح:icon33:
ما تكلمت انا.. بس اشتغل في الطبخات
بعد ساعه انقلبت وصارت عسل ..تبي بس شي تسويه لي ..اذا تكلمت تترك اللي في يدينها وتقول وشو؟!!
ماغير تبتسم لي وكأنها تطلب رضاي
انا عاديه معها ماقلت شي
استمرت وصارت انظف من اول وانشط من اول ..هههههه>رب ضارة نافعه
المضحك في الموضوع انها كانت كل كم يوم اطلب منها تسوي لي مساج لرجولي ويديني..
وكانت تسويه برضى تاااام وطبعا اعطيها عن تعبها..
ماعاد قلت لها تسوي لي وانا اتمنى هالمساج ..لكن عشاني ما اتكلم معها الا للحاجه ومسويه نفسي زعلانه ما طلبت منها
هي امس قالت لي مدام انا سوي مساج ؟ قلت لا شكرا>>>وانا شوي وأقول ايه تكفين
عاد انا ودي بهالمساج ومابي اسوي نفسي راضيه عليها لعلها تتعدل وتستهدي..
ما ادري وش اسوي؟!!!!!
مالي الا ارضى واخليها تسوي لي مساج وترجع للكسل..
او اني اثقل نفسي واخسر المساااج:44:
وش رايكم وش اسوي ؟
بس الله يسخرها لك..