شوفوا شلون تأثرت بطخومة

السلام عليكم ورحمة الله وبركاته

توني راجعة من المدينة و المنورة مثل ما بعضكم عارف وشوفي شنو صار
طبعا هالشي الي صارلي تأثرت بقصة العضوة القديرة طخومة و شاجعتها و كيف ان الحق معاها وما سكتت

المهم انا زوجي يدرس في المدينة

الصبح اكون لوحدي فقلت حق زوجي ابي اروح الحرم قالي اوكي بس على شرط لما تروحي تغطين وجهج قتله يا غالي و الطلب رخيييييييص و غطيت وجهي
مر تقريبا 4 او 5 ايام تقريبا تقرييييبا بسلام كنت اتعرض لمغازلة بعض الشباب الله يهداهم بس كنت مطنشة و قلبي يرتجف

الفندق قريب جمب الحرم بس اعبر شارع واحد و على طول يكون الحرم قبالي


وفي احد الايام الخامس يمكن كنت ابي ارجع من الحرم والي الاقي الطريج الي متعوده ارجع منه في حفارة فوقفت شوي والا اييني رجال يشتغل بالفندق المجاور حق الحرم قالي

الخروج من هنا

و انا رحت معاه و الي موديني حق المصاعد
قتله ابي اخرج في باب ثاني انا شفته يوديني على طول للفندق
قالي ذاك الباب مغلق ومافي خروج الا من هنا
توني كنت بروح معاه و انا كنت في طريجي معاه
قالي تعالي نشرب شاي وقهوة
انا قمت ارجف و قعدت اعلي صوتي قلت شنو شاهي شنو قهوة انا زوجي ينطرني
على صوته قالي تعالي تعالي
خليته ورحت حق رجال ثاني قلتله اقدر اخرج من هالباب قالي تفضلي طلع لا اهو مقفول ولا شي



رحت الفندق و انا ارجف وميتة من الخوف


اتصلت على رجلي و انا ابكي
جا زوجي تبارك الله و ضرب الرجال و افصلة من شغلة
و الحين الرجال عاطل عن العمل







بارك الله فيك يا طخومة
جا ابوه حب راس رجلي والرجال اعتذر و اخو جا وزوجي يسالني
قتله ما اتنازل عن حقي


:):26: