السلام عليكم ورحمه الله وبركاته
قبل لا ابدا اللهم ارزق كل محروم الذرية الصالحه .. قولوا اميين
اخواتي العزيزات انا حللت رابع رمضان والحمد لله حامل ..بس
من بدايه هالحمل وانا ميته من التعب من لوعه والم ظهر وبطن وغيرة .. مع انه مو اول حمل((الرابع ماشاء الله )) واحمالي السابقة كانت الحمد لله عادية مع اني كنت في الجامعه وامشي في الجامعه من محاضره لمحاضره يمكن كيلو وكنت ساكنه بيت اهل زوجي وصراحه انا وحده سنعه لو ارد تعبانه انزل لهم تحت وساعات واسوي العشا او الغدا اذا كنت بالبيت ..(قلت لكم قصة حياتي) .. المهم ..
بس هالمرة ماساه بعد اسبوعين من التعب لان كل ماله يزيد رحت للدكتورة وقالتلي عندج جفاف وسوت تلفزيون وقالتلي اذا ما سمعت النبض بسوي تلفزيون داخلي بس ماشاء الله النبض كان واضح بس قالتلي عندج تقلصات لان الرحم يحاول يطرد الجنين عشان شذي بطنج وظهرج يالمج وبعطيج مسكنات خفيفه (( الصراحه انا اول مرة اسمع ان الرحم يحاول يطرد الجنين والصراحه خايفة )) وبعدين فحصت المهبل لان من بدا الحمل وانا عندي افرازات تكرمون صفرا فحصلت دم خفيف .. نصحتني اني ما اتحرك وعطتني حبوب مثبت الحمل .. ((((امي تقول يمكن توام لانها هي جابت توامووايد تعبت فيهم مثل تعبي الحين واللي اعرفه ان التوام وراثي واهل زوجي بعد ماشاء الله عندهم توام ))) ابغي اعرف التوام في اي شهر يبين خصوصا اذا في مشيمه وحده ؟؟؟؟ بس انا الحين وايد تعبانه وزوجي يقولي بيوديني عند دكتورة ثانيه لانه مستغرب من هالدكتورة يوم قلت لها شرايج افطر قالتلي مالا داعي بس عوضي بعد الافطار من سوائل ..
انصحوني الله يخليكم
بنت عسولة @bnt_aasol
عضوة نشيطة
يلزم عليك تسجيل الدخول أولًا لكتابة تعليق.
ام احلى وردتين
•
الله يقومك بالسلامه ماعندي فكره الله يرزقك اللي تمنين ومو بعيد تجيبين تؤام لان التؤام المراه تورثها من اهلها الرجال ماله دخل
انتي اهم حاجه ارتاحي ورخي اعصابج وادعي ربج يتمم عليج حملج بالخير والصحه وما تشوفين شر ان شاء الله
الصفحة الأخيرة