السلام عليكم و رحمة الله و بركاته
كيفكن يا حوائيات , الله يديم عليكن الصحة و العافية
طبعا انا من متابعي هذا القسم و بشغف و هذي كم شغلانة عملتها و قلت خليني انزلها لبنات حواء و يستاهلون كل خيير
القائمة :
_سلطة دجاج
_سلطة الباذنجان
_تشريب
_تشيز كيك
_كشنة الخضار (للرز)
سلطة الدجاج
الطبقة الأولى خس و جرجير مقطع
الطبقة الثانية جبن شيدر مبشور
الطبقة الثالثة تسلقين الدجاج ثم تطلعين العظم منه ,
و تحطين له شوي ثوم و ملح و تحمسينه على خفيف مع فلفل حار
و ترشين عليه شوي جبنه .
سلطة الباذنجان
باذنجان مقطع مكعبات و مقلي
بصل مقطع جوانح
الصوص:
بالخلاط(بقدونس + زبادي + طحينه سايله + ملح + زيت زيتون )
تضيفينه على البصل و الباذنجان و تحركينه ثم تقدمينه .
تشريب
1_تحمسين بصل لين يذبل ثم تضيفين له فلفل بارد مقطع و تحمسينه معه
2_دجاجة مقطعة أرباع بدون جلد تضيفينه عالبصل و تضيفين البهار و تحمسين شويتين
3_تضيفين طماط و تحمسين لين يذبل
4_تضيفين له خضرة مقطعة مكعبات وسط (بطاطس , جزر , كوسة , باذنجان )الكوسة و الباذنجان لا تكثرينهم بس شوي
تحمسين الدجاج و الخضرة و تضيفين له صلصة طماط و تخلينه كم دقيقة بس عشان ياخذون نكهة بعض و ممكن تضيفين بيالة ماء
عشان ما يلصق بالقدر .
4_أضيفي له ماء و خليه لين يستوي , كمية الماء تكون أكثر من كميته للإيدام العادي .
5_إذا استوى قطعي خبز ( النوع اللي ترغبين أبيض , بر , خبز الصاج الرهيف ) و حطي عالايدام و خليه تقريبا 5 دقايق ثم
قدميه .
كشنة الخضار
بصل مقطع جوانح و مقلي
بطاطس و باذنجان مقطعة مكعبات و مقليه
بقدونس مفروم
كزبرة مفرومة
شبت مفروم
بهار + ملح + صلصة طماط
تخلطينهم مع بعض و تخلينهم عالنار يتسبكون شويتين ثم حطيه عالرز .
تشيز كيك
أنا من الناس اللي عندهم عقدة نفسية من التشيز كيك :( مع ان محاولاتي قليلة , لكن لما اشوف الصور و اشوف الطبقة البيضاء اللي في النص اقول لو اموت ما تصير متماسكة معي كذا فصرت اي تشيز كيك اكتفي بالبحلقة بالموضوع دون التفكير بالتطبيق مطلقا
إلى أن الله هداني و طبقت هذا و الحمد لله انحلت العقدة النفسية
الطبقة الأولى كيكة حليب النيدو المحموس المعروفة
الطبقة الثانية بالخلاط (كاسة شاهي حليب+ 14 جبنة كيري + كاسة شاهي سكر ) تحطينه عالكيك و تدخلينه الفرن تتماسك شوي
الطبقة الثالثة بقدر صغير (ظرفين كريم كراميل + 3 ملعقة شكولاته +6ملاعق حليب جاف + كوب و نص ماء ) و نغليها ثم نصبه عالطبقة الثانية بشويش ثم حطيه بالثلاجة لين يبرد .
و صحتين و عافية على قلوب الغاليات
وحابه اجرب التشيز كيك لكن...........
بغيت أسال عنه وش تقصدين بكاسة الشاهي ؟؟؟
هل المقصود فنجال الشاهي المعروف في منطقة نجد والبعض يسميه (بياله)
وجزاك الله خيرا