بسم الله الرحمن الرحيم ..
اولا ..
احب اهدي ها المجهود المتواضع لكل عضوات القسم ومشرفاته وكل من كتبت وشاركت بتجاربها في المنزل والحياة وبالذات ( تجمع الحريم السنعات ) لاني بصراحه تعودت امر ع موضوعهم كل يوم عشان اتشجع واكون سنعه مثلهم ..او نصهم .. ما شاء الله لاقوة الا بالله .. الله يوفقكم ويزيدكم سناعه ونحن معاكم ..:39:طبعا الكل عارف انه حواف المطبخ وخاصه اللي حول الحوض دائما تسود او يصير ع اطرافها تجمعات صابون او عفن والمنظر مقرف ...:11: هذا غير انه مرات يصير فتحات فيها ممكن تسرب الماء لداخل الدواليب اللي تحت الحوض او ممكن فتحات يستغلها النمل ويعشش فيها ... ( واللي ساكنين باجار بيحسوا فيني .. اخخخ ع الاجار .. :والامثله كثيره : الحمامات .. فراغات بين السيراميك ... فتحات المكيفات والنوافذ .. الخ ..:44:
وطبعا الشغله يمكن يعتبرها البعض صعبه وتحتاج لسباك او عامل انه يصلحها ويشيل السيلكون القديم ويحط السيلكون الجديد ...او ع الاقل صاحب المنزل :arb: ... بس بعد اليوم لاااا والف لا .. انا قلت لنفسي ليش الحوسه والدعك والفرك بها الحواف وبالنهايه النضافه يدوب تبان ؟؟؟؟ :mad: او ليش انتظر متى يفضي بو الشباب عشان يوفر عامل يمر ع كل البيت ويشيل السيلكون القديم ويحط جديد ( ويا ريت بذمه ) .. شغل نص نص وكله فتحات وبدون نظافة ؟؟؟ :08:
والحل هو اني اشتري المعدات واسوي بنفسي .. بالنهايه الموضوع مو اختراع ذره ولامحتاج شهادات ...:35:
وبعد ها المقدمه اللي صرعتكم اكيييييييييد ... خل نشوف شو الطريقه والمكونات :
اهم شي قبل البدء اللي شايفه نفسها ما تقدر وممكن تياس بسرعه يفضل ما تسوي من البدايه لا تدعي علي بعدين .. واهم اهم اهم شي استخدام الكمام لانه ريحته تسكر وتدخل بالصدر وفتح جميع منافذ الهواء اثناء العمل وبعده ... لا تقولوا ما قلت ترا ريحته تصرع ...
طبعا هذا المنظر سابقا لحواف حوض المطبخ
وهذه الحواف تسرب ماء لداخل الدولاب اللي تحتها :
اولا :
باي جمعيه كبيره او محل معدات البناء خذي سيلكون والمسدس ماله .. طبعا رخيص بحدود 10 دراهم ..
وهاي صورته :
^^
سكين او اي اداه بحافه حاده لازاله السيليكون القديم .. ومد الجديد .. انا استخدمت الاداة الخاصه بالتقشير واضحه بالصور..
شيلي بطرف السكين الحافة القديمه بتروح بسلاعه لانها مطاطيه ..
وبعد ما تتاكدي انه كل السيلكون القديم زال سمي بالله وابدي ضخي من الانبوبه السيلكون داخل الفتحات وبهدوء ..وبعدين ابدي سويها بالاداه مثل الصوره عشان يتوزع كل السيلكون داخل الفتحات ..ونعمي السطح وشيلي الزائد ..
وبعدها انتظري ساعه ونظفي ..
بس وهاي النتيجه ..
<< فرق عن قبل ..نظافه ولون حلو وترتيب .. واحلى شي شغل ايدج ..
اتمنى انكم تجربوها بصراحه سهله جداااااا وتعطي احساس بالتجديد وطبعا ممكن تسدون اي مكان بالبيت محتاج بنفس الطريقه بالضبط ..
اتمنى اني افدتكم وانه موضوعي جديد ومفيد ويكون ع قد المستوى .. واللي يعجبها موضوعي وتمر يا ريت تدعيلي بالصلاح وانه الله يسخر لي زوجي وعيالي ويشفي ولدي .. طبعا ما عندي مانع من النقل للافاده مع ذكر المصدر ...