شوفوا طيبتي وش سوت فيني..........النار شابه بقلبي

السلام عليكم

انا عندي مشكله من يوم ماتزوجت مالقيت لها حل انا تزوجت واحد ابوه متوفي وعنده اخت وحده و6 اخوان هو رقم 3 ههه
بس تزوج اول واحد المهم انا ماعاملت اهل زوجي الابكل طيبه مااعتبرت امه الا مثل امي واخوانه اخواني وكنت دايم اوصيه عليهم وامدح فيهم وهم يسبون فيني وماخلوا فيني ولا كلمه مع انهم والله ماشافوا مني شر بالعكس والله ان المشاكل جاتني من قبل اتزوج حتى ماادري ليه تخيلوا اخته الكبيره مدرسه من اول سنه تزوجنا تقول انا بزوجك عليها على حسابي بس انت وافق حسبي الله عليها وانا دايم ادعي لها ان ربي يوفقها وتتزوج لانها كبيره بالعمر

المهم مشكلتي هالطيبه كنت اعاملهم على نياتي حتى اذا جينا نسافر اجي اقولهم سافروا معنا وهم مايصدقون عى الله اساسا حتى لو ماقلت لهم بيروحون تخيلوا يابنات مارحت انا وزوجي بروحنا الا شهر العسل وبعدها ياويلنا لو رحنا بدونهم حتى كم مره تنعد يمكن 3 او اربع تمردنا وسافرنا بدون مانقولهم اول مايدرون شوفوا مكالمات السب والشتم ولاهانه اللي تجيه
من امه واخته ويتنكد زوجي ومانعرف نتمشى مثل العالم ونرجع بسرعه
المهم فيه زواج واحد من قرايبي بالرياض يوم الاربعا و قلت له توديني ورفض
ويوم الثلاثاء قالي بروح الرياض عندي كم شغله وفيه اثنين رجال من اقاربنا بيروحون معي قالي تروحين معي قلت له ايه متى ترجع قال الخميس عندك وقال احسن اجلسي واذا رجعت احجز لك روحي الرياض ساعدي اختك لانها تنقل بيت جديد او اختاري اي مكان اوديك واول ماوصل الرياض تدق علي اختي تقول ليش ماجيتي مع زوجك وامه جايين يحضرون الزواج ................مع انه مايقرب لهم بس زوجي جاه كرت دعوه وماقالي ان امه بتروح معه
المشكله بعد مايجي اكيد بيسافرون معي وانا ابي اروح بروحي ابي اخذ راحتي البس واتدلع واسوي اللي ابي ماهو كاني شغاله بقميص وجلال حتى لو اروح الحمام الله يكرمكم وطوال اليوم مسكره علي بالغرفه عشان اتغطى من اخوانه وهم كلهم جالسين مع بعض وماخذين راحتهم واخوانه كل شوي يضربون في ولدي وانا ساكته

تخيلوا في الاجازه اللي فاتت قالوا لزوجي نبي نروح الرياض ومايبوني معهم بس اهلي كانوا كلهم مسافرين ومافيه احد اروح عنده فااضطريت اني اروح معهم اول ما شافتني اخته الاتقول انتي بتروحين معنا قلت لها بكل براءه كل اهلي سافروا وشوي تجي امه وتقول وش ذي وش اللي جابكم وانا ساكته وطول السفره كل شوي واخته عمرها 35 تهزء في ولدي الصغير عمره 5سنوات تقول وش جابكم معنا حنا مانبكم وولدي مايدري وش السالفه بس تبي تسمعني

لا تقولين ردي عليهم مره زوجي يعاير في ابوي وهم معنا في السياره وهم يضحكون قلت له لو سمحت ماابي اتكلم في ابوك وهو ميت وهبت فيني امه واخته هواش وابونا احسن من ابوك ومن هالكلام وابي ارد وزجي يصارخ علي يقول بس وشوي ويقوم يضربني وامه واخته ماقالهم شي الله لايوفقهم

المهم زوجي لانه يعرف اني بزعل لو قالي اهلي بيسافرون معنا ماصار يقولي مااشوفهم لا في السياره وماادري وش اسوي ؟؟؟؟؟؟؟؟؟؟

لاتقولون لي حرام عليك ترى فيه غيره 2من اخوانه متزوجين واحد اكبر منه وواحد اصغر ومااحد يروح معهم كل يوم يسافرون براحتهم مره سافر الكبير وقلت لام زوجي ليش ماتروحين معه قالت رجال وزوجته وش يوديها معهم

انا في بيت لحالي بس ماافتكيت
وكلمه حق تنقال والله زوجي احبه وكل شي فيه زين بس مشكلته اهله حتى مصروف مايعطيني ويعطي امه مع انها ماعليها قاصر عيالها يعطونها ومعها الضمان والتئمينات عطها بالعافيه بس انا بعد لي حق تعطيني والله اني تمر علي شهور لو تفتحون بوكي ماتلقون ريال وامه ماتدري وش تسوي بالفلوس والمصيبه مايبن بعينهم يحبون اخوه الكبير اكثر منه ويحترمون زوجته اذا جاتهم كانها ضيفه وانا اجي احيانا واروح حتى كاس الماء مااشوفه


تكفون ساعدوني احس اني بنفجر النار شابه بقلبي ومااحد حاس فيني

افكر اوريه الموضوع واوريه الردود وش رايكم يمكن يحس