السلام عليكم ورحمة الله وبركاته
سمعت قبل كم من يوم قصه من احد المشايخ حفظهم الله بس من جد انقهرت وما تخيلت انه فيه اوادم ما تخاف الله وظالمه لهالحد :44:
القصه وما فيها:::::
يقول الشيخ انه احد القضاه قاله القصه وهي انه بيوم جا عنده رجال :arb: ومعاه اخته ومعاهم ورقة تنازل من الاخت لاخوها المهم الشيخ يقول للبنت انتي عارفه ايش بالورقه قالت :ايوه يا شيخ :(
بس سبحان الله يقول القاضي ماني مرتاح احس ان البنت ما تدري ايش السالفه المهم قال لاخوها اطلع برا ابغى البنت
بكلمه وطبعا الاخ قام يصارخ ويتكلم بصوت مرتفع ما اخلي اختي وخلها توقع ونخلص وطول بالكلام :09:
الا القاضي يقول :اقول اطلع برا شوي وبعدين القاعه مليانه ماني انا واياها لوحدنا وطلع الاخ وهو بينفجر من الغضب
والعصبيه لدرجة ان القاضي يقول انا هنا حسيت ان الموضوع فيه شي غلط
المهم يقول اقول للبنت :يا بنتس انتي عارفه ايش بتوقعين عليه ردت :ايه عارفه ورقة تفويض لبيع عماره احنا شراكه بورثها :44:
هنا القاضي قال لها :اسمعي الورقه الي قدامي وكاله عامه لاخوك بكل ما تملكينه من مال واملاك وعقار ويملك حق تزويجك وتتطليقك بهالوكاله يعني بتسلمين نفسك له تمتما وما يسير لك اي حق انك تتصرفين بقرش من مالك وما لك حق ترفضين لو يزوجك واحد عمره 100 :42:
المهم البنت انجنت وتقول مستحيل يا شيخ اخوي ما يسويها هو مفهمني ان الوكاله بس لعماره وحده يبيعها ونتقسم ثمنها مع بقية الورثه وما توقعت انها يضحك علي
طلعوا هم مجموعة اخوه وهي اختهم من امهم وماتت الام وبينهم بس العماره مشتركين بورثها وهي عندها ورث من ابوها وخير وطمعوا فيها مسكينه :icon33:
حسبي الله ونعم الوكيل فيهم
المهم نادى القاضي الاخ وقال له ان الوكاله باطله مادام اخته ما قرتها والحين قرتها ورافضه توقع فغير الصياغه
وقال له كلمتين خوفه بالله وعاقبة الظلم والحمد لله وجزاه الله القاضي خير الجزاء خلاه يغير الصياغه وما طلعت البنت
من عنده الا موقعه بس على بيعة العماره واخوها يحلف انه ليسوي ويسوي الي ما يخاف ربه :(
-------------------------------------------------------------------
يعني شين وقوة عين حسبي الله ونعم الوكيل في كل من ياكل اموال الناس بالباطل فكيف بالايتام
وسلامتكم بس بالله ايش رايكم مش قهر:44:
-------------------------------------------------------------------
بس مانملك الا ندعي ان الله يكثر من امثال هذا القاضي ويوفقه بالدنيا والاخره ويقويه على كل ظالم
حلم عشناه @hlm_aashnah
محررة
يلزم عليك تسجيل الدخول أولًا لكتابة تعليق.
العاقبه للمتقين
•
الله يكثر من امثال هالقاضي العادل يالله الظلم ظلمات يوم القيامه الحمد لله اللي انقذ هالبنت قبل مايصير شي
حسبي الله على الاخوان الى مايخفون الله
الله يكثر من امثال هذا القاضي ويوفقه بالدنيا والاخره ويقويه على كل ظالم
الله يكثر من امثال هذا القاضي ويوفقه بالدنيا والاخره ويقويه على كل ظالم
حسبي الله ونعم الوكيل
الله يجزاك خير اختي ع النقل
رضيت بالله ربا وبالاسلام دينا وبمحمد صلى الله عليه وسلم نبيا ورسولا
الله يجزاك خير اختي ع النقل
رضيت بالله ربا وبالاسلام دينا وبمحمد صلى الله عليه وسلم نبيا ورسولا
الصفحة الأخيرة