السلام عليكم ورحمة الله وبركاته
كيفكم حوائيات اتمنى تكونوا جميعا بكل الخير والله ييسر لي ولكم الخير ويسهل امورنا في الدنيا والاخره
ويمن علينا بفضله وكرمه ويرزقنا الذرية الطيبة المعافاة حسنة الخلق والخلقه بارين بنا
قولوا امين
اللهم امين امين امين
بقول لكم ايش صار معي البارح
في يوم من الايام كتبت للدكتوره منى في منتدى ثاني مشكلتي اللي هي انو عندي
كسل بالغده الدرقيه زياده على كبر سني وعند زوجي تشوهات بالحيوانات المنويه
وكان رأيها اني اسوي حقن مجهري عطتني امل بأنها طريقة ممكن تنجح معي بعد 5 اسقاطات مع اني راجعت
دكتورات ولا وحده اهتمت
تصدقون الى الآن اسمع عن متابعة التبويض وعن اشعة الصبغة عن اشياء كثير توضح مشاكل الحمل بس انا
ولا شي من هذي الاشياء سووها معي من تزوجت وبدأت اراجع الى اليوم
المهم فرحت فرح محد يتصوره بكلام الدكتوره منى
وفي هذا الوقت جتني فلوس طرت فيهم من الفرح قلت بروح اسوي تلقيح مجهري واخير بيتحقق الحلم
وكان ثالث يوم بالدوره يوم الجمعه اللي هو امس خفت يروح الوقت مني وبعدين يقولون تأخرتي كان لازم تجي
من ثاني يوم بالدوره حسب اللي قرأته هنا بالمنتدى
ماطول عليكم طوالي فكرت في مستشفى سليمان فقيه طبعا مالقينا ولا دكتوره مافي غير دكتور اسمه شادي
قالي زوجي مافي غير رجال قلت عادي نكلمه اهم شي يقول لنا ايش ممكن نسوي من تحاليل او علاجات علشان بس مايضيع الوقت تمهيد لمقابلة الدكتوره يوم السبت وعلشان ماكون متأخره عن الوقت المناسب للحقن المجهري
الله يابنات ياطول لحظات الانتظار لقيناه في قسم العمليات وطبعا هو مجرد طبيب مناوب حسبي الله عليه ونعم الوكيل
جاء من العمليات وسبقه قلبي بضرباته اللي حسيت ان الكل شافها من تحت العباية للغرفه وكانت عيوني مع كل الناس المنتظرين مثلي وماصدقت سمعت اسمي بعد طول انتظار من بعد العشاء الين الساعه وحده وكلي امل انه يرشدني ايش اسوي
دخلت عليه وقال نعم ياستي
قلت ابد يادكتور انا جيب ابي عيال قال
قال الساعه وحده جايه تبين عيال انا هنا للطوارئ قلت لا بس ابيك ترشدني في بعض الامور
قال كم عمرك قلت له 45 سنه لوى بوزه على طول انكسر قلبي قال لزوجي هي زوجتك الاولى ولا الثانيه قاله الثانيه قاله عندك اولاد قاله ايه قال كم عمر اصغرهم قال اربع سنوات
تخيلوا ايش
قال اني كبيره علشان كذا بويضاتي غير صالح ممكن تحملي بس حتسقطي العمر له عامل مهم وكبير
قال زوجي طيب يادكتور التحليل حق السائل المنوي قاله من غير مايشوف التحليل لا لا مش منك دا منها
حتى لو كانت نشبة التشوها 60% مايأثر وطالعت ناحية زوجي طالعني الدكتور وقال منك مش منه قاله زوجي هي املها في انها لو عملت تلقيح مجهري او اطفال انابيب ممكن تنجح العمليه وتخلف
قال بقول لو عملت مجهري او انابيب حتسقط يعني حتسقط دي كبيره والعمر له عامل كبير
ولنفرض اكتمل الحمل بتجيب منغولي
طلعت من عنده وانا اجر اذيال الخيبه وكلامه معايا حسيت كأني قاتله ابوه
اعرف اني كبيره بس هل علمه اكبر واعظم من علم الله وقدرته انا شفت حريم اكبر مني وحملوا وجابوا اطفال سليمين معافين
والله يابنات من البارح ودموعي عيت تجف وكل ماتذكرت كلامه عني قدام زوجي اموت من القهر
حسبي الله ونعم الوكيل فيه
في النهاية رجعت الفلوس لاصحابها والغيت فكرة الروحة للدكاتره طول عمري
المهم اللي تحب نفسها لا تروح لهذا النذل ابدا ترى هو استشاري نساء وولاده ومدري ايش كمان
حاجه وحده اتمنها منكم يابنات لا تنسوني من دعواتكم بالذرية الطيبه المعافاة فما على الله شيئ صعب اوبعيد
والله يرزقك كل وحده فيكم بالذرية الطيبة المعافاة حسنة الخلق والاخلاق
في امان الله
يلزم عليك تسجيل الدخول أولًا لكتابة تعليق.
*لحن الحياة*
•
يابنت الحلال خليك منه وخلي املك بالله كبير ولاتخلين مثل هالاشكال تقلل من عزيمتك ولاتياسي من رحمة ربي والله يرزقك الحمل ويفرح قلبك .
اللهم امين واياكم حبيباتي
الله يجزاكم عني خير الجزاء ويوفقكم لما يحب ويرضا ويرزقكم باللي تتمنون
الله يجزاكم عني خير الجزاء ويوفقكم لما يحب ويرضا ويرزقكم باللي تتمنون
اللهم امين واياك حبيبتي
مسك وربي هالدكتور حطمني وخلاني اكره كل الدكاتره والمستشفيات
لو احد يعطي على التحطيم درجات كان الدكتور هذا اخذ 100 من 100 حسبي الله ونعم الوكيل
مسك وربي هالدكتور حطمني وخلاني اكره كل الدكاتره والمستشفيات
لو احد يعطي على التحطيم درجات كان الدكتور هذا اخذ 100 من 100 حسبي الله ونعم الوكيل
الصفحة الأخيرة