هذا الكشري الله يسلمكم سويته من ليلتين تقريباً تعشيت عشا خفيف وجلست على النت وما غير اطالع
في طبخاتكم اللي تخلي الواحد غصب يقوم يسوي له عشا من كثر ما يتشهى في الاكل والله عاد انا ما
كان فيه اطبخ شي بالذات إن الوقت متاخر يمكن الساعة ثنتين بس حاولت اصبر نفسي واني ماني
قادرة اتحمل الجوع وذا الصور قلت يا بنت سوي لك
اكله سريعه وفكرت ياربي شا اسوي أبغى اكله لذيذة وسهله وتذكرت
إنه عندي عدس الكشري قلت إيوه ليه ما أسويه
والله واقوم للمطبخ واسلق كاس رز مع شويه زبدة وملح وفلفل اسود
وشوية مكرونه حلقات وسط
وفي قدر ثاني سلقت عدس الكشري وفي قدر ثالث
سويت الصوص الاحمر وهو عبارة عن
بصل وثوم وحمرته شوي وحطيت عليه طماطم مفرومه بالخلاط مع شوية صلصه جاهزة
وفلفل وملح وبهارات مشكله وشوي شطه وبعدين قليت بصل حلقات وبس ويوم استوى
غرفت الرز مع المكرونه ورشيت عليه العدس وصبيت عليه الصلصه الحمرا
وطلع ماشاء الله لذيذ وترى ما اخذ مني وقت مدري انا من الجوع كنت
اطبخ بسرعه ههههههههه وبالعافيه علينا
و صورته وحبيت تشوفونه وتشوفون عشياتكم وش سوت فيا
وهذا الصحن للي بيردون علي خلاص انا اكلت الصحن
الأول وهذا تنغصته لكم
