هذا الغدا امس سويتة وكنت مستعجلة والى الاان مستعجلة
شوفوا الصور اول ::::
اول شي هذي السلطة من اختراعي
وهي عبارة عن :
بطاطس مقشرة ومقطعة مكعبات ومسلوقة في ماء وماجي
اهرسيها واضيفي لها ملعقة جبن سايل ومايونيز ومايحتاج ملح الماجي عمل عمايلة
ورشة فلفل اسود وحطيها بصحن التقديم
وقطعي شوي خيار وبصل اخضر وفلفل رومي وبقدونس
وممكن تضيفي ذرة او زيتون اسود مقطع
اعصري نص ليمونة وذرة ملح وشوي دبس رمان عشان المزازة وزيني الطبق بلخضرة ورشة سماق وزيت زيتون
الطبق الرئيس:
صدور دجاج متبلة بثوم وبصل وكزبرة وبقدونس و3 ورقات نعناع وفلفل اخضر وبهارات مشكلة وعصير ليمون وشوي ملح
وطبعا بعد ماتغسلي الصدور بالماء والملح وملعقة خل ابيض
شقي الصدر من الجنب عشان تحشية بالتتبيلة واتركية في الثلاجة افضل قبل بيوم عشان ياخذ النكهة تمام
انا احيانا احط زبادي بيعطي نكهة غير
واذا بغيتة بنكهة هندي احط كاري وفلفل وزنجبيل اكثر
واذا مكسيكي شطة قوارير وشوي صويا
واذا ايطالي طبعا بهارات الايطالي واورغيانو
لا اطول عليكم
اخر شي حطيها في الحماية او محمصة العيش طبعا قبل رشة زيت على المحمصة عشان ماتلصق واقفلي عليها واتركيها تنضج ويبان عليها اذا استوت يتغير لونها واغرزي سكين وشوفي عموما ما تاخذ وقت
وباقي التتبيلة حطي عليها قطع خضار تحبيها وقلبيها واخر شي حطيها مع الدجاج
وخلاص قدميها وبالعافيه مع رز او عيش
واخيرا
المنتو الكذاب اكيد كلكم تعرفوه بسيط مررررة ولذيذ وينفع في الزنقات
جاء ولدي من المدرسة يقول لي سوي لي هذاك اللي يتلف وفيه لحمة يعجبني
طبعا ماراح اكسر بخاطرة وعلى طول سويتة ماياخذ دقايق
اضاءه الشمس عامله شغل
الطريقة للي مايعرفة
لحم مفروم مخلوط معاه بصل كثير مفروم وملح وفلفل اسود وكمون وشوي دبس رمان وحبة طماطم مقطعة صفير جدا
وبس
افردي رقاق السمبوسك واقطعية من النص وحطي شوية من المفروم ولفية زي الاصابع
وتكوني فارشة الصينية بحلقات البصل والطماطم حبة حبة كفاية ورشي عليه ملح وفلفل اسود
ورصي الاصابع وكاسة ماء حار مذوبة فيه حبة ماجي وصبيها علية وغطية بالقصدير وادخليه الفرن وهو حامي وثلث ساعة كفاية وعند التقديم رشي كمون وفلفل اسود عليها .
انا زادت الحشوة شوي كورتها وحطيتها عليه
وسلامتكم
وهالله هالله بالردود اللي تفتح النفس
والدعاوي الحلوة
ولنا لقاء باذن الله
تسلم ايدج