شوفوا قصتى من البداية

انا وحدة عادية من اسرة عادية ابوى وامى اعتبرهم احسن ابوين فى العالم يحرمون نفسهم من كل شى عشانى انا واخوانى وان كان ابوى يعتبر عصبى والله يابنات انه ماعمره ضربنا وحتى لما يهاوش احد منا يرجع يراضيه وحالتنا المادية كانت صعبة لان ابوى موظف بسيط بس الحمد الله اخوى توظف وظيفه زينه ويساعد بمصروف البيت وانا اكبر وحده فى اخوانى تخرجت وطبعا مافيه وظيفه انا واخواتى ستات بيوت من الطراز الاول لان ماعمر الشغالة دخلت بيتنا عشان حالتنا المادية سابقا والان ماعندنا اطفال فمالها حاجة وانا على قدر من الجمال مااقول ملكات جمال بس نعتبر جميلات درسنا فى مدارس التحفيظ محافظين وماعندنا عرى وعباية على الكتف الكل يمدحنا المشكله مايجينا خطاب ابد انا عمرى 32 واخواتى 31و26و23فكرنا فى الخطابات ودقت امى عليهم وجابت لى واحد متزوج وعمرة تقريبا 50 وتزوجت زواج عائلى وكان عمرى 29وقلت ماعليش اهم شى يعاملنى زين واصير ام وحتى زوجته الاولى والله يابنات عسل انا وياها مثل الاخوات وفرحت انها طلعت طيبة تخيلوا ترسلى فطور برمضان تقول مالهداعى تطبخين وانا طابخة طابخة لما يكون عندها ويجون عيالها ادرسهم لاانها ماكملتة تعليمها المصيبة فية قاسى بخيل وراعى مكالمات ونت احد عندة زوجتين زى الاخوات ويسوى كذا ولما واجهته بقصت المكالمات تركنى فى بيت اهلى ولاسال عنى وانا مليت وطلقنى ومن شهر انخطبت بعد من خطابه لواح عندة بنتين وزوجتة مريضة وسالنا عنه يمدحونه وسويت التحليل وشافنى الشوفه الشرعيه ومن كم يوم طلب يجى عندنا قلت يمكن يتكلم فى الملكة والمهر جا يقول الاجارات غاليه وما اقدر استاجر بيتين بيته الاول اجار بتزوجها واجلس عند اهلى لين تتحسن الاوضاع وبعدين ياخذلى بيت طبعا رفضت وتحطمت وبكيت انا مانشترط مهور غاليه الى يجيبة ناخذة وبس ولانبى عرس كبير وشكليات كل اللى نبى زوج صالح وستر ونكون امهات اخوى يوم خطبنا له ابوها جلس يتشرط نبى ونبى وحصلوا الى يبونه وتملك اخوى الله يوفقه كرهت نفسى واسمى وبيتنا وعايلتنا واتمنى انى وحدة ثانيه اشوف الناس احسن منا وكانهم فوق وانا تحت اكتب وعيونى مليانة دموع وادرى انى فيكمخير كثير تكفون تكفون ادعوا لنا لعل الله يحدث بعد ذلك امرا:44: