شوفوا قصتي مع الحمل ونعمة الله علي ...

السلام عليكم ورحمة الله وبركااته ..
انا عضوه جديده بس قديمه هههههه يمكن من اول المشاركات في عالم حواء بس مقله في المشاركات ودايم انسى الرقم السري والبريد بعد ههههههههه:21:

بنات المنتدى الغاليات انا ودي اقولكم قصتي فقط عشان تعرفون رحمة ربي في عبده المسلم ,

انا متزوجه من اكثر من 10سنوات وعندي ماشاء الله لاقوة الا بالله بنتين وولد بس طبعا مااحمل فيهم بسهوله الى بعد اكثر من ثلاث سنوات بين كل واحد والثاني , قصتي بدت بعد ماجبت ولدي الاخير وانا في فترة النفاس تغيرت حياتي فوق تحت سرت دايم تعبانه ومتضايقه
وحتى بعد ماطلعت من النفاس سرت ماطيق زوجي يلمسنس سته شهور انام عند بناتي في غرفتهم وكل مره بعد الجماع هذا بعد الموت اوافق ينزل معي نزيف شديد وانا مو عارفه له سبب ماخلية دكتوره ولا تحليل الا سويته لاني كنت اتعب حيل من الالم , المهم بعد فتره رحت مع وحده ماحملت حق شيخ يقراء القران كنت اقولها يمكن فيك عين عليك بالقران وسبحان الله كانت المفاجاءه بالنسبه لي بعد كم يوم من مراجعة الشيخ رجعت انا الي رايحه بس مرافقه معها ابتغي الاجر استفرغت دم احمر بصراحه تخرعة المهم القصه طويله وماراح اكملها كلها

لاكن بختصار شديد طلعت الخادمه الي عندي مالها خلق اني احمل مره ثانيه والله اعلم حطتلي عمل في الحلبه الي اشربها وانا نفاس ومن بعدها سارت حالتي مايعلم فيها الى الله من كره لزوجي وبنتي الكبيره بشكل مرعب وطبعا رحت حق دكتوره بعد سنتين من الالم واكتشفت انه عندي مرض اسمه بطانه الرحم المهاجره ويوم اكشفت لي بالسونار قالت كان رحمك رحم وحده ماحملت من عشر سنوات انا مااخفي عليكم حسية بحزن شديد والم بس الله الهمني في لحظتها اني اقول انا لله وانا اليه راجعون اللهم اجرني في مصيبتي واخلفني خير منها



رجعت البيت وانا متوكله على ربي وقعدت اشرب ماء زمزم مده سنه والعسل والحبه السود
مع الدعاء والتوجهه لله سبحانه انه يرفع بلاي مو بس عشان احمل وعن معاناتي اثناء الجماع وايضا مع بنتي المسكينه


استمرية بالدعاء والتوجه لربي وفي شهر تسعه ميلادي جتني الدوره ورحت حق مره تمرخ ومرختني ثلاث ايام وعطتني ادويه وقالت عندك ميلان في الرحم المهم الحمد لله رب العالمين
حملت الحمد لله :32: وكنت فرحانه لاني صدقة مع الله ولان الله ماخيب دعائي حتى الدكتوره استغربة وقالت هي نعمه من الله اللهم لك الحمد حتى ترضى ولك الحمد اذا رضية ولك الحمد بعد الرضى .

خواتي ادعولي ان الله يفك مابقى من السحر والعين يارب ويتمم علي حملي الله يرزقكم الذريه الصالحه ااااااااامين ...:44: