شوفوا قصتي مع الشغاله

السلام عليكم

بنات بحكيلكم قصه صارت معايا


دحين انا موظفه وادرس بنفس الوقت وعندي بنت سنه و9 شهور

المهم

عندي خدامه من سنتين ليها عندي

راحت اجازه ورجعت
المهم هي مررررررره طيبه وتحب البنت وبنتي تحبها

حتى بنتي ماشاء الله تناديها

المهم رجعت من اجازتها على شعبان نصه على اساس تجلس سنتين تانيه

المهم رجعت مخطوبه وشكلها ماكان طبيعي زي أول

طنشت قلت المهم تقعد وبعد كدا براحتها



جاتني على بداية رمضان مكالمه دوليه على جوالي ومو طالع الرقم

دق كم مره اخر مره رديت قالتلي وحده انا ام نور ( الخدامه) ابغى اكلمها انا من طيبتي خليتها تكلمها قلت يمكن يبغوا فلوس احولها ولا شي

المهم دي قعدت تبكي قلتلها ايش فيه

قالت ابويا مات وامي تعبانه مرررررررررررره وابغى اروح تقول اخويا ساكن بلد تاني لازم اسافر بعد رمضان

المهم قلت لماما قالتلي طنشيها تلاقيها كذابه تبغى تتزوج ولا شي

للملاحظه انا طبعا خسرت فيها تذكره رايح جاي وجددنا اقامتها سنتين

المهم سكت سكت ولا كانه صار شي

اليوم جات تقولي مدام متى تسفريني خدي راتبي حق رمضان واشتريلي تذكره سففريني قلتلها لمن تيجي امي تكلمك


جات امي اليوم وكلمتها وقالتلها احسن تجلسي وانتي من فين تصرفي ونصحتها تقعد اذا تبغي الا و الا تسافري استني لين مانقدم على وحده تانيه ولمن تيجي بعد 7 او 8 شهور نسفرك ولا ترجعي

المهم سكتت مااتكلمت والخدامه بس بكى بكى بكى بكى وراحت ماما دحين بس انا وبنتي في البيت وبنتي مره تحب الخدامه وتروح عندها كتير

جات الخدامه اخدت البنت وغيرتلها ورفعت الصاله وانا بعدها بشويه رحت على السرير قاعده على النت وبنتي تلعب جمبي بالغرفه والخدامه رايحه جايه الحمام المطبخ

المهم شفتها دخلت غرفتها وفي يدها سكينه طويييييله




:icon33::icon33::icon33:

بس سحبت بنتي بسررررررررررعه وقفلت الباب علينا بالمفتاح وزوجي كان في مكان بعييييييييييييييد ساعه من البيت المهم اتصلت عليه الحقنا الخدامه مدري ايش بتسوي زوجي مات من الرعب وكلمت امي وقالت انا جايه قلتلها لأ وكيف افتحلك الباب انا حابسه نفسي في الغرفه ولا يمكن اخرج

المهم وكلمت اخويا
اخويا ساكن حوال 10 دقايق مني

المهم جا اخويا ورميتله المفتاح من الشباك وطلع اخويا وبعد 10 دقايق جا دق باب غرفة النوم :icon33:

وفتحت الباب الا الاقيه ماسك الخدامه بيده ويقولي خلاص هي ماتبغى تقعد سفريها خلاص

طالعت فيها وهي عيونها حمره زي الدم قلتلها روحي لمي ملابسك وسافري ماأبغاكي خلاص

المهم جات ماما بعدها وقالتلها عيب وانتي كم سنه قعدتي عندها وليش تسوي كدا الا طلعت كانت اخدت السكينه عشان تفك مسمار لعبة بنتي وتركب البطاريه وجا بعدها زوجي وقالولها خلاص استني الين مانجيب خدامه تانيه وسافري بعده انتي كمان قدري ظروفنا من الاول قلتي تبغي تيجي ومدام عندها دوام والخ الخ وقعدت تقول انا اخدت سكينه عشان اصلح البطاريه انا مو مجنون ماما قالتلها هي مدام خايفه عليكي مو على نفسها


طبعا الخدامه زعلت عشاني افكر انها تاذينا وبنتي طبعا صغيره راحت لصقت فيها وتقولها نو نو وقلتلها شفتي كيف بنتي تحبك وقلها زوجي انتي زي امها انتي ربيتيها


المهم لا تضحكوا علي بس ايش اسوي خفت على بنتي تعرفوا مهما كانوا طيبين الواحد مايامنلهم


بس وهي قاعده ودخلت نامت سبتها في حالها


ايش رايكم بالله؟؟؟؟؟؟؟؟؟؟؟؟؟؟؟؟؟


بنات بالله لحد يعلق تعليقات مالها داعي ولحد يقولي لاتجيبي خدامه وسفريها واقعدي في البيت راعي بنتك


هدا مستقبلي وانا بحول اطور شغلي وادرس ماستر وبالله خليكم في الموقف :):icon28: