بسم الله الرحمن الرحيم
الحمدلله في الاول والاخر وفي الظاهر والباطن حمدا كثيرا كماينبغي لجلال وجهه وعظيم سلطانه ... وصل اللهم على نبينا محمد وعلى آله وصحبه اجمعين
انا يااخواتي متأخره في الحمل سنتين وهاذاني داخله في الثالثه .. الحمدلله على كل حال
طبعا انا في البداية تعالجت اخذت حبوب هرمون ونزل الحمد لله وبعدين اخذت كلوميد ووصل حجم البويضه 23 وماصار حمل ... وتركت العلاج ورحت لوحده مرختني وجات الدوره بعدها.. له الفضل والمنه ورحت اخذت عمره ودعيت انا وزوجي كثيرمع ان الدورة جاتني وانا في مكه .. ورحت المدينه والله ان قلبي يتقطع ماني قادره ادخل المسجد وبعد مارجعت صرت اشرب قرفه وقت الدوره وعصير اناناس وميرميه وتعلق قلبي بالحمل وصرت ادعي كل وقت واستغفر واتصدق الى ان
تأخرت دورتي وحللت وطلعت حامل .. فرحت صح بس ماادري كان شعوري غريب كنت احس ان الحمل هاذا ماهو لي ماهو يخصني .. لكن ان المفاجئه ان حللت في الليل ونزل مني دم الفجر واروح المستشفى واعطتني الدكتوره مثبت وحللتي هرمون حمل وكان الهرمون ينزل .. والمصيبه ان الدكتوره ماكانت تشوف لاكيس ولاجنين ولا شئ وقالت احتمال انه حمل خارج الرحم وفكي المثبت وسبحان الله فكيت المثبت ونزل على طول وحولتني على مستشفى حكوموي قالت لازم تقعدين تحت الملاحظة
صرت خايفه وبس افكر انه لوحمل خارج الرحم ويفجر الانبوب وارجع في مشاكل اكبر من الاول.. وصرت ادعي ان كان في هاذا الحمل شر ان يدفعه الله عني والحمد فضل الله على عبادة عظيم قعدت يوم وطلعوني يقولون كل شئ كويس
الحكمه من القصة ... على قد شدة تعلقي بالحمل وبذل الاسباب الاان مدة حملي ماكان الااسبوع وثلاثة ايام مرت زي الحلم .. الانسان مايدري وش الله كاتبه والاكيد ان الله مايكتب لابن ادام شر .. الرضا اساس كل شء ( اللهم اقسم لنا من اليقين ماتون به علينا مصائب الدنيا) كلمه قلتها عند اجهاضي يسرها لي المولى عزوجل ( لله مااعطى ولله مااخذ وكل شئ عنده بقدار) .. الغريب ان اليوم اللي سقطت فيه وقبل ماينزل الجنين تحلمت حلم .. ويوم فسرته قال الشيخ هاذا شر وراح عندكم .. سبحانك ربي مااعظمك
وعسى ان تحبوا شيئا وهوشرلكم .. ومن هاذا الحمل استفد ان الله حقق حلمي ولو لساعه .. ان الله رحيم بعبادة وكل شئ عنده لحكمه
فأسأل لي ولكم الخير كله عاجله وآجله ماعلمت منه ومالم اعلم واعوذبه من الشر كله عاجله وآجله ماعلمنا منه ومالم نعلم
والحمد والله ان الله ربط على قلبي بشكل انا ماكنت متخيلته لشدة تعلقي بالحمل
فما ندري تأخرنا هاذا قد يكون فيه خيرا كثيرا وسأل الله ذلك .. والمؤمن مبتلى
والحمة في الصبر والاحتساب.. والجزاء يوم لاينفع مال ولابنون الا من اتى الله بقلب سليم
وفي النهاية الدعاء والاستغفار تقرب كل بعيد
اسأل العوض بالحمل السليم المعافى على صحة وعافية عاجل غيرآجل انه ولي ذلك والقادر عليه
وتدمتم بخير
كل الاسامي*انا @kl_alasamyana
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ربي لا تذرني فردا وانت خير الوارثين