شوفوا قصصنا مع ام احمد الممرخه في الجنوب

اخواتي وحبيباتي بنات حواء تعبنا من المستشفيات والمراجعات والحمل والاسقاط ...فقيل لنا عن امراءه كبيييره في السن تعلمت التمريخ من امها وجدتها ماشاء الله ...وبعد سماعي لقصص كثيره عنها وعن من يذهبون لها ...
قررت الذهاب وتوكلت على الله ...
بيتها في بالجرشي في المكارمه ...كلمتها قالت تعالي باي وقت ما في مشكله ..
طبعا بيتها شعبي وقديم وامها عايشه معاها وفي نفس الغرفه اللي امها بيها تعتبر صالة انتظار لنا ...دخلت وماشاء الله المكان زحمه مررررررررره طبعا كل وحده عارفه متى جت وتدخل عند ام احمد في دورها ...
طبعا لي الحين خمس ايام اراجع عندها وتعرفت على المراجعات وصرنا اخوات واللي يسلينا نتبادل الحديث طول الوقت ونبسط بعض ونواسي بعض بالقصص اللي سمعناها او عايشناها عن ام احمد ...
طبعا ام احمد تعالج : الاسقاط
تعالج للحمل
تعالج التاخرات بعد الطفل الاول او الثاني
تعالج الجلطات
تعالج الشلل بعد اذن الله
تعالج الاطفال المشق الفتاق الامساك اذا الاطفال مايكلون او الرضع يطرش بعد الرضعه ...
ماشاء الله تبارك الله
طبعا في جلوسي مع الحريم اللي هناك كانت قصص كثيره منها ماشاهدته انا ...بحكم اني اراجع يوميا ..وكانت كالتالي

وحده بنتها عمرها 15 تعبت والدكاتره قرروا لها عمليه بالراس ومن الخوف سوو للبنت العمليه وسببت لها شلل نصفي سمعت عن ام احمد وجت ببنتها عند شيخ هنا اسمه ابو عمر وقراء على البنت وصارت تقدر توقف بعدين جت عند ام احمد والحين ماشاء الله البنت تمشي بسم الله عليها ماشاء الله ولسى تكمل العلاج
ووحده عندها جلطه برضوا سوت لها مساج والحين تمشي حبه حبه وبمساعدة من الموجودات او بنتها والله يعافيها يارب وتصير تمشي لحالها
ووحدها حصل لها حادث قبل 9 سنوات ولها 9 ايام عند ام احمد اذكروا الله امس ماشاء الله تقل لولا مره تحس بشيء والم خفيف في رجلها حست بيها ماشاء الله .
الحين نجي مع الحوامل
وحده لها 16 سنه ما حملت جت عندها وقالت لها عندها انسداد في انبوب وتكيسات وماشاء الله حملت وخلفت ماشاء الله .( ماشاء الله اختها كانت موجوده جت تتعالج عندها حكتنا القصه )
ووحده جلست عشر سنوات وتعالجت عندها 3 شهور متتاليه والحين عندها بنت تقريبا عمرها 4 سنوات والحين تراجع عندها مره ثانيه للخلفه اسأل الله يرزقها ويفرح قلبها ولا يحرمها بنتها .
ووحده لها ثمان سنوات كلمتها وقالت لها انها حامل واحنا عندها ..
وسلفة وحده من المراجعات جتها بعد سنوات وماشاء الله قبل كم يوم ولدت بتوئم ولد وبنت
ووحده كلمتها وانا عندها تبشرها انها جابت 3 بنات توئم ماشاء الله بعد 11 سنه
ووحده بعد سنه ما شاء الله راجعتها وحملت وخلفت والحين تراجع عندها مره ثانيه ..
طبعا هذولا كلهم ماشاء الله انا لقيتهم وتكلمت معاهم غير القصص الثانيه للي يقربون للمراجعات
واهم شيء اذا جتها وحده تقل لها اذا حالتها مالها علاج تقول لها يابنتي مالك علاج عندي وتقل لها السبب وهذي برضوا وحده جتها وقالت لها كذا لان رحمها صغير جدا جدا حتى لو حملت تسقط ونفس السبب قاله الدكاتره لها كمان .
واهم شيء تعرفيه عن ام احمد انها كبيره في السن وان امها عايشه معاها ويتها شعبي لان وحده اسمها ام احمد صغيره في الثلاثين تسوي نفسها هي ام احمد المشهوره انتبهي لا تروحون لها لانها ماتجيد ومبتدئه وبصراحه هذا العمل فرااااسه ووراثه اما تعليم كذا احس ما يجي على كل حال .



واهم شيء كمان اني كتبت كل هذا الكلام عشان اللي عندها التصاقات او تكيسات او ماعندها شيء اصلا بس ما خلفت لاتفقد الامل فالله سبحانه وتعالى جعل الداء والدواء ويعلم الله ماكتبتها الا للافاده وابي منكم دعوات فقط لاغير وليس دعايه ,... ولاني اعلم بان الكثير نفسهم في ممرخه مجيده وامينه ومشهوره واستفاد منها كثير


واي سؤال انا بالخدمه ....


اسأل الله ان يرزقني واياكن الذريه الصالحه عاجلا غير اجل ياااااارب ...اللهم امين



سبب كتابة الموضوع افادة اكبر قدر منكن والاخذ بالاسباب ...وابي منكن دعوات بالذريه السليمه المعافاه عاجلا غير اجل ...

:27: