معليش حبيبتي بس حبيت اوضح لك نقطه ترى فيه بنات الله خالقهم حساسات يعني أي كلمه محرجه تقولينها لهم عند الناس تسبب ضيقه وكدر بنفوسهمهم كذا مايقدرون يغيرون انفسهم غلط نسميهم راعين مشاكل او راعين هواش لااا هم حساسين شوي ولازم إذا نحبهم ننتبه لكلامنا معهم ومانحاول نقول كلام يحرجهم او يزعل لو كنا على نيتنا ....وهالنوعيه من الناس تراهم اكثر ناس يتعبون من الدنيا لان الناس احيانا ماتوزن الكلام اللي تطلعه!!!!للاسف

شوفي عزيزتي
بالنسبة لموضوع الاكل من برا وهالامور ترا هذا شي تعودت عليه
مو شرط قصدها تقليل احترام او كسل
لاني اشوف هالشي عندنا
اذا جتنا زوجة اخوي نقعد نفكر وش نحط عشاء ووش نحط مع القهوة و الشاهي
ومرات ننزل للسوبرماركت بنفس اليوم نجيب اغراض مع اننا عادة اذا اجتمعنا لحالنا من غيرها
مانفكر نطبخ ونتكلف ونجيب من برا حتى اذا جبنا شوكلاته لازم نرتبها بصحون وكذا
بعكس اهل زوجي جدا جدااا بسيطين مع انهم ماشاء الله طباخات ويقومون بعزايم ومو معتمدين على الشغالات
بس اذا اجتمعنا عادي مايفكرون بالعشاء واذا جت الساعة تسعه قالوا يلا اشرايكم نطلب
وفعلا تجي وحده منهم تاخذ طلباتنا وتجمع القطة كأننا شباب باستراحة
حتى القهوة ان احد من بناتهم جاب حلا والا جابوا شوكلاته كت كات وباونتي وهالطقه
وحطيناها بيينا بكيسها وتقهوينا اهم شي الوناسة والسوالف وسعة الصدر
ومره قلت لخواتي وش رايكم اذا جت زوجة اخوي نطلب من برا قالوا لا عييب مستحيين منها
مع انها اصغر منا وتحب الاكل السريع اكثر من الطبخ وداخله معنا بقوة بس تعودنا نطبخ اذا جت
لذلك لاتربطين تصرف زوجة اخوك بالكسل او تقليل الاحترام
عادي جدا هي طبايع وبالعكس انا مرتاحه جدا على اسلوب اهل زوجي احنا اجتمعنا نبي نستانس ونسولف
ليه نضيع الوقت بالمطبخ والطبخ حتى الاطفال صاروا ينبسطون ببيت جدتهم علشان مرتبط عندهم بالوجبات والالعاب والشوكلاتة

بالنسبة لموضوع الحمل
هي لانها متأخرة صاير الموضوع حساس بالنسبة لها
يعني انا مرات اقرأ مواضيع لعضوات يشتكون من مواقف بسبب تأخر زواجهم
والله اني اغلب الاحيان احسها سوالف ومواقف عادية ولاتزعل بس هم لانهم متأخرات
يشوفون ويحللون هالموقف من وجهة نظر ثانية ومالومهم والله النفسية مهما كان تأثر
وانا صار لي موقف مع وحده كنت اتراسل معها وشفتها بمناسبة الا البنت متغير اسلوبها معي مره للاسوأ قلت يمكن متضايقة من شي وخليتها على راحتها
شفتها بعدها بفترة ولاحظت تعاملها معي انا بالذات غير عن الباقين عرفت ان الاسلوب مقصود لي شوي جت وحده خذتني على جنب قالت لي بينكم شي انها اول مره اسمعها تسب فيك قعدت اراجع نفسي وش صار وليه زعلت وطلعت جوالي ورجعت للمحادثة وعرفت ان كل الي صار بسبب كلمة مني يشهد علي ربي اني ماقصدت فيها شي بس هي لانها متأخرة زعلت على بالها ادق عليها بالحكي خليتها على راحتها ولازعلت منها مع انها تكلمت فيني
ولما جا نصيبها وبيوم ملكتها جلسنا وسولفنا ورجعت تعاملني زي اول اذا مو افضل
وزي ماقالت وحدة من العضوات ان لكل انسان نقطة ضعف يتحمل كل شي بس عند هالنقطة خلاص ينهار وهذا الي صار مع زوجة اخوك
انا احس ان كلكم طيبات وزوجة اخوك من النوع الي فيها عفوية وتتصرف بسذاجة يعني ماتخطط وتدبر باين الي بقلبها على لسانها والناس من هالنوع ترا طيبين مهما كانت تصرفاتهم مزعجة
حتى لما قلتي غيرت اخوي احس على طبيعة شخصيتها مستحيل تغيره لانها واضحة وماتعرف تلف الحكي حتى لو تقول شي بتقوله مباشرة اختك سوت وعملت وهاالاسلوب مايأثر على الرجل
غالبا الي تأثر يكون عندها دهاء ومكر واسلوبها من تحت لتحت وتلميحات
يمكن اخوك مشغول بشي هالفترة

الله يسخركم لبعض ويجمعكم على الخير
بس وش رأيك باطول رد على مستوى المنتديات ههههههههه 😂 :biggrin2:

انا السبب في طلاقي اخوات الزواج وامهم من اول سنة وانا تحت المجهر
اسال الله من خبب وفرق بين زوج وزوجته ان يفرق بين الام وبناتها ويرد لها بناتها مطلقااات

صاحبة الموضوع حركاتك تخبيب وتخريب بيوت مااااااااااااااالك خص حركة تبطين الاخلاق واضحة يرحم اووومك خليك في حالك
جارحينه بالسمنة والحمل ووضحت لك وما صدقتي خبر وتعرفين امك ما راح تعديها
وتتشمتين باهلها اغلبهم مطلقات واخوي ووو اتقي الله اتقي الله
وربي انك موضوعك من اوله لاخره وردوك شر والله العظيم ان تدور الدائرة عليك مو شغلك اتركيهم لحالهم
وراها دراسة ومو فاضية لكم

مااشوف احد غلطان لاامك ولامرة اخووك زوجة اخوك توها صغيره وعقلها صغير وفهمت امك غلط واكيد بتقلب الحكي وتقول قصدها كده ولاقالت لامك شي قالت لك انتي قوليلها والله امي كانت ع نيتها وامي معتبرتك زي بنتها ولااراح اوصل الكلام لامي لانها تحبك وتعزك وراح تسكت زوجة اخوك وبس

استغفر الله وأتوب إليه