كوبونات الراقية تسجيل الدخول

كذا بس
كذا بس •
للاسف عدوة مش صديقة
لا وتبيها تسامحهابعد زين م ذبحتها بس !
أسماء
أسماء •
اساور من ذهب اساور من ذهب :
انا حصلي موقف شبيه بهذا صحبتي عشره عمر معايا وكنا اكثر من الاخوات لدرجه كنا ننام عند بعض اتزوجت قبلها وعادي صحبتي احكيها كل شي ودائما تسال عن زوجي وانا عن حسن نيه اجاوب ابدا ماجا ببالي انها تفكر فيه وكانت دائما تجيني في بيتي وتسهر عندي لساعه1 او 2 طبعا صعبه اخليها تروح مشي لحدت الشارع العام وتاخد سياره،كنت اخاف عليها احد يخطفها فكنت اوصلها انا وزوجي لحدت البيت وفي السياره تهرج معايا بصوت واطي بس كلها تريقه وضحك،،ودائما زوجي يقولي شكل صحبتك فله فرفوشيه واقوله يعني مو دائما وردت فعله انو يبتسم ،ومره ولدت وكنت عند اهلي نفاس وجاتني 3 يوم تعرفو النفاس كيف الوحده تكون تعبانه وشكلها الله بالخير وجلست عندي لاذان الفجر افتكر امي مره عصبة وكل شويه تقولي ماعندي احد يرجعني البيت اتصلي ع زوجك وديني البيت فقلتلها في اخويا يوديك قالتلي لا استحي انا متعوده ع زوجك،ومن هبالتي وافقت واتصلت عليه وصحيته من النوم وخليته يجي يوديها،،طبعا اخذت تهزي معتبر من زوجي وترجيته لحدت موافق،قولتلها اجهزي دحين زوجي جاي قالتلي ارتاحي انا اروح معاه هذا اخويا وهبله وافقت ولما لبس
انا حصلي موقف شبيه بهذا صحبتي عشره عمر معايا وكنا اكثر من الاخوات لدرجه كنا ننام عند بعض اتزوجت...
كملي ﻻمو معقوووووول ؟
كذا بس
كذا بس •
كملي يااساور حمستينا ؟
اساور من ذهب
اساور من ذهب •
معليش اترسل قبل مااكمل
لما لبست عبايتها حطت اللثمه وهيا تقتل بالثمه قالتلي انزل كدا قولتلها عادي قالتلي مستحيل اسويها حرام اخلي زوجك يقارن بيني وبينك وانا اللي اكسب ،الا شويه اتعطرت غرقت نفسها بالعطر وقتها امي نادتني وهيا معصبه مني قالتلي اشبك مالبستي قلتلها صعبه امشي قلتلي لااخنقك البسي عبايتك وروحي معاها قلتلها الخياطه تنفتح قالتلي ان شاء الله تسير المنطقه شوارع عندك وقرصتني من اذني قالتلي متى تفهم،الا زوجي اتصل وقلي يالله قلتله دحين تنزل قلي نعم بعصبيه وانت قلتله تعبانه قلي انزلي معاها ماني ناقصه تمسكنا الهيئه
،،،وغصبن عني نزلت اول ماركبت السياره نغمة صوتها اتغيرت وكشفت وجها يعنني ماني شايفه وتقرب جيهة زوجي وتقوله كيفك يااخويا،زوج سكت مارد عليها وتقرب اكثر وتقولي يااخويا كيفك مبروك ماجات ورد عليها زوجي وطول الطريق وهيا تقطع فيا بشكلي بعد الولاده وكيف صار جسمي وانا وزوجي ساكتين،،وانا من جوه اغلي،لحدت ماوصلناها بيتها وتنزل وهيا كاشفه وتقولي باي وترسلي بوسات عاد الله واعلم ليا ولا لزوجي،،الا زوجي معصب قلي اخر مره هذي البنت تدخل البيت سامعه قولتله ليه قلي هو معصب شوفي الساعه كم كان ع اذان الفجر،،،
واول ماوصلت بيت امي حظرتها وطبعا اخذت تهزي من امي معتبر وصارت كل ماتتصل ع امي امي تقولها راحت بيتها زوجها مارضي تجلس عندي،،،وبعدها علاقتي انقطعت فيها نهائي اكثر من7 سنوات ماكلمها،وسبحان الله في رمضان شفتها في الحرم وجاتني سلمت عليا وبالاحضان بيني وبينكم اشتقتلها وافتكرت الايام الحلوه الا شويه تقولي ايش اخبارك واديتها اخباري الا قالتلي انا اتزوجت واطلقت يالله زوجيني زوجت ولا انا اخذه بالغصب ،،والله العظيم ردي مكان شماته لها قد ماكونت بقهره قولتلها زوجي ميتزوج مطلقه،حسيت انها زعلت وطلبت رقمي واديتها رقم من راسي واتصلت لقته مقفل واوريها جوالي انه مفتوح وقلتلها امكن مع الضغط الشبكه تدي مقفل،وثاني يوم اتصلت ع رقم اهلي وامي كلمتها وافتكرتها قالتلها ماني حافظه رقمها،والحمد لله بعدها مااتصل
اساور من ذهب
اساور من ذهب •
نهايه الهرجه الطويل مافي صديقه ولا قريبه ولا اخت
تثقي فيها وتحكيها عن ايجابيات ومحاسن زوجك