انا مع الاخت وازيدك من الشعر بيت الطلاق ارحم من الذل ذا كله حتى لو انك مو سعوديه لاتذلي نفسك انصحك تتطلقي من الشخص المتوحش مايكفي انه عنده ضعف ومأخرك عن الحمل سبع سنين لعل الله يرزقك بمن يصونك ويعزك وتملين البيت منه عيال
الله عشان كذا حلل الطلاق

صباحكم خير وسعاده يااغلى اخوات

صباحك رضا من الرحمن..

كتبت من قبل انه ليه
"7سنين ماجبت عيال وكل ماقال الدكتور سليمه زوجين بهدلني"

طبعا لمعلومياتك بعض الأزواج لما يحس انه العيب فيه تخيلي بِــ̯͡سّ لما يحس يقوم يبهدل زوجته بالعربي كدا يتمرجل عليها لانه يحس نفسه ناقص..
الحرمة الشاطرة اللي دائماً تحسسه انها شاريته بخيره وبشره
يعني مثلا لو جات سيرة بزوره
تقولي والله أَنٌـ«❤»ـآإ مؤ شاغل بالي دا الموضوع
بعدين يكفيني من دي الحياة انت❤
وزي كدا يعني..

اليوم بعد ماجلست بدون لاب توب 3 ايام قلت احكي لكم ايش صار معايا
واشوف رأيكم
طبعا لا وحده تقول روحي عند اهلك ولا اطلبي الطلاق
مو تقصير من اهلي 
بس ابويه متوفي من 13 سنه
وماعندي الا امي و2 اخوان ذكور واختي 
اخواني مايعرفوا ياخدوا موقف او يعلموا انه ورايا اهل وعزوه واني غاليه عليهم 
لو صارت مشكله ماعندهم الا رفع الصوت والسب والشتم وكده تزيد المشكله 
ووضعنا المادي مو كويس وانا بالاخير ماعندي استعداد ازيد هم امي ابدا
اعمامي يقوموا بالواجبات الضروريه بس 
بعد سنه من زواجي زوجي ضربني اشتكيت لعمي وطلبت انه بس يتصل عليه ويقوله لا تمد يدك عليها 
ولا عاد رد عليه ولا عبرني 
ومن بعدها لو زوجي يقتلني مااتصل اشتكيه
اهل زوجي امه وابوه متوفيين
مربيه اخوه وزوجته كل مااتصل اقول انه ضربني او شي يقولوا مالنا شغل مالنا شغل مانقدر نعمل شي ولا ندخل
اخوالي خارج المملكه كلهم
ده حالي يعني ماعندي الا بيتي وزوجي 

فيه بعض الامور مستحيل تنحل ولازم طلاق
ودا شرع ربنا،،
لعله يسد باب ويفتح اخر..

زوجي عنده بعض الصفات الطيبه مرات حنون طيب كويس يمكن لاني مجروحه منه مو عارف اذكر صفات الطيبه
المهم بعد ماكتبت موضوعي 
هو كان مزعوج ومو تمام
قال بيسافر عشان يجيب خالته من المدينه وانا اهلي في المدينه ومن المدينه يسفرها على تبوك هناك ساكنه
وهو كان قبل مايتزوجني كاتب كتابه على بنت زوج خالته
انا قلت له اذا بتروح المدينه خدني معاك صار يتحجج السياره ماتكفي 
انا مو مطول كلها ساعات واكون عندك
قلت له اخاويك على الخط واونسك طبعا صار يحاول يعجزني 
قال ماراح اجيب اكل وماراح اوقف عند اي بقاله
مع العلم اني مريضة سكر ؟؟؟؟
المهم قلت له مو مشكله اعمل معايا كيك وخفايف من البيت 
وهو روحه طالعه مايبغا ياخدني معااه والسبب مجهول؟؟؟؟
مع اني متأكده انه عشان طليقته على قوله ماابغا اجرح مشاعرها 
كل مانروح تبوك اقوله نروح نسلم على خالتك يقول لا اخاف نجرح مشاعرها واستحي من ابوها
او انه متفشل مني ومايبغا اكون مع اهله
مع انه سافرت معانا زوجة خاله مره ومدحها في ذوقي وضيافتي لها على طول الطريق 
وصلني

اول شي انتي هنا غلطانة من ساسك لراسك ليش تكرري وانتي عارفه انه يتحجج؟؟
خلاص حبيبي يصير اخاويك المدينة نتونس كدا ع الطريق
فلنفترض قال لك لا ماينفع،،
تقولي مثلا ليش ياعمري؟؟؟
يقول لك أَنٌـ«❤»ـآإ مؤ مؤ مطول ساعات بس..
خلاص هنا ولا كلمة تقولي حاضر ياقلبي الله يحفظك <<وبابتسامة..
خذيها قاعدة في اي موضوع ماله داعي تصيري زنانة
خلاص خلي كلمته وحده
مؤ عشانه لا عشانك..
واذا انتي قلقانه من موضوع خطيبته الاولى
فاتركي عنك التفكير دا ولا تحسسيه انها شاغلتك..


المهم 
كلمه مني وكلمه منه زادت المشكله 
كالعاده صار يهددني اكسر لك التلفون اكسر اللاب توب افصل سلك الدش اقفل الباب واخد المفتاح عشان مااروح لجارتي الانسانه الوحيده اللي احبها وتسليني في غربتي وعرفتها من سنه بس
قام كسر التلفون واخد اللاب توب 

لا لا لا ليش كذا وربي انقهرت!!!
ليش توصلي نفسك لهذي المرحلة؟؟؟؟؟؟
ليش تزيدي في الكلام؟؟
اسكتي!
لازم يعاملك بطريقة سيئة ويقول لك أكسر وانتي ايوا يلا هوووبا
حاضربك يلاااا
ليش؟؟؟
خذيها قاعدة ثانية في حياتك لا تجادلي ولا تزيدي النار حطب
انتبهي اصلا قال لا يعني لا
مالها داعي اللكاعة
آنتي استفزيتيه انتي الغلطانة تحملي
اصلا المفروض من كلمة تنجرحي مؤ دا كله وآنتي تشجعيه وتزيدي الطين بله
يعني انتي عارفه مالك سند
متحمسة وتجادليه ليش؟؟
اسكتي وبس..

انا وصلت حدي قلت له بدي اروح لاهلي طلقني ولما هنا خلصنا

طلقني!!
عجيب والله الحريم عادي عاجبتهم الكلمة كل مازعلوا قالوا طلقني
وآخر شي لما تتطلق
تقوم تقول لا لا والله ندمانة عيالي بيتي زوجي
اووووم التفكير

رحت لميت ملابسي طبعا هو يقول احسن فكه ارتاح منك
والله من شدت مايرفع صوته جارتي واطفالها سامعيين كل شي 

تستاهلي!!
تشمتي جارتك فيكي اهلي اللي هما اهلي مايوم قلت لهم عن مشكلة صارت بيني وبين زوجي مهما كانت بسيطة
مين قال لك تجادليه عشان يرفع صوته؟؟!
لو سكتي كان ماصار ولا شي من اللي بعد كذا
من جد والله لسانك حصانك ان صنته صانك!!

قال انا ابغ اانام روحي لجارتك 
طبعا جارتي سامعه كل الفيلم
فتحت الباب سحبتني عندها وانا حطيت شنطتي عند الباب راحت سحبتها ودخلتها بيتها
تركت باب شقتي وشقتها مفتوح عشان ارجع بيتي 

ليش بترجعي؟؟
مؤ انتي فتحتي الباب؟؟؟
ولا كنتي تسوي مسلسل عشان يقول لك ادخلي!!؟

جاء وقفل عليه الباب وترك مفتاحه من جوه عشان مااقدر افتح 
دقيت له قلت له بس اخد الانسولين علاج السكر قال مالك شي عندي

ليييييييش لييييييييييييش اااااه منك
خلاص خربتي امها وطلعتي كمان داقه!
لو مكانك اطنش ولو أغمي عليا خليه يعاقب نفسه..

بيتنا ملك ومافي الا شقتين انا وجارتي 
قمت نطيت من فوق الجدار ودخلت عشان اخد علاجي

تمزحي صح؟؟؟
تنطي وانتي مطرودة لا لا لا أكيد تمزحي
وتقولي أَنٌـ«❤»ـآإ ماذليت نفسي والله لايحطكم مكاني
انتي استفزازيه بطريقة رهيبة
لو أَنٌـ«❤»ـآإ زوجك كان تصرفت نفس الشي
الواحد لما يعصب ينعمي
المفروض لما زوجك ينعمي تبعدي عنه لين يرجع لحالته الطبيعية

وقلت احاول معاه

كماااااااااااااااااااااان!!!!!!!!!!!!؟


والله بس شافني جرني وطردني من البيت صار بأعلى صوت يقول اطلعي بره ماابغاكي 
بيتي يتعذرك

ههههههههههه والله شر البلية مايضحك!
رجال عيونه طالعه ومعصب وطاردك
وناطه له!!!
لا وتحاولي فيه!!
طبعا بيسوي كذا!!
مؤ عشانه صح لا عشان معصصصصب

اقوله عيب اقوله فضحتني ولا حياة لمن تنادى

انتي زي ماما لما بابا يعصب تبدأ النصايح
وطي صوتك لحد يسمع عيب!!
خير يالطيبه محد فايق للنصايح

 والله لما جارتك صارت تدق الباب وتقوله اطلعي خلاص كفايه 

لازم دا اللي يصير!!

المهم طلعني بره البيت الكلام ده العصر
وصار كل مادخل وخرج يسمع كلام من عند الباب انا ماابغاكي وانتي خرجتي بيتك 
وانتي في حساب المطلقه قلت طلقني ريحني من همك وعذابك خليني اروح اشوف حياتي 
طبعا رفض ومااعرف ليه

لانه عاقل لانه الطلاق من لعبه لانه أكيد لك معزه..

المهم بقيت عند جارتي وصار كل شويه يدق الباب ويقول هاتي المفاتيح ولا اجيب نجار يغير الاقفال
بالاخير رميتهاا عند الباب
والله صار كل مايخرج يقفل الباب بالمفتاح عشان لا ارجع
لما صارت الدنيا ليل وجاء زوج جارتي من عمله
دق الباب على زوجي مارد اتصل عليه مارد
زوجها مسكين ماقدر ينام لما الصباح قاعد يستنى الاخ يطلع للدوام بطلعته البهيه
لما شافه طالع اتكلم معاه 
قاله انا ماابغاها وخليها عندكم هي طلعت من بيتها
وانا ماارجعها الا اذا امها كلمتني
اتصلت على امي وقلت لها مسكينه ياامي اتصلت عليه قال نص واتصلي انا افطر 
رجعت اتصلت قال 5 دقايق واتصلي 
المهم جاء البيت وكلمها الله العظيم صوته واصل لبيت جارتي 
قالها لا عاد اشوف رقم احد منكم على جوالي وقالها بنتك من امس شالت ملابسها وخرجت ولا ادري عنها فينها
امي قالت جارتها سمعتك وانت تطردها قالها انا مااعرف احد شوفي بنتك وين
وقفل في وجه امي 
وجاء خارج للدوام طلعت اتكلمت معاه 
قلت له بس بحق تضحيتي لك وعشرتنا وكل معروف بيننا 
قام فتح باب الشقه وقال ادخلي 
وخرج 
المهم انا دخلت نمت لاني كنت منتهيه من الهم والبكاء طول الليل
هو ماكلمني ولا كلمته
رجع من الدوام وخرج ولا عاد رجع الا صلاة الفجر
وكمان ماكلمته ولا كلمني 
وخرج للدوام ورجع وعلى نفس الحال انا من غرفتي ماطلعت 
قفل باب الشقه بالمفتاح واخد المفتاح جارتي كلمتني جيت اشوفها لقيته مقفل
تركته وماسألت
وهو راح مجلسه وقفل على نفسه بالمفتاح وجلس هناك
اه نسيت لما جاء من الدوام حسب اني فطست ناداني فتحت عيوني قال كويس وراح بعدين جاء رمى كت كات على السرير جنبي وراح

ههههههههههههه معليش بِــ̯͡سّ ع قد القهر الا اني ضحكت ع الكت كات الرجال احيانا عندهم تصرفات غريبة!

قمت العصر دقيت عليه الباب قلت ابغا مويه قال الجالون بره رحت اخدت منه 
لحقني على المطبخ حاول يتكلم

ورب العباد انه زوجك طيب وفيه خير ويحبك
لكن انتي مستفزه مررررا هو يبغاكي ماتجادليه أبدا والله تكسبي

قلت له مااتوقع اني بحياتي اقدر اسامحك على اللي عملته قال انا ماعملت شي
المهم جارتي قالت لي بتجيب اكل قمت رميت الباقي من كرامتي في الزباله ورحت دقيت عليه وقلت ابغا مفتاح الشقه 
صار يكلمني قلت له نفسي اعرف ليش كل ده ايش جاك مني 
قال انتي اللي خرجتي قلت قفلت مني الباب جيتك مع السور صرت انا اللي خرجت
طبعا قال معليش وسلم عليه

لو واحد مؤ طيب كان قال مع نفسها اقول معليش!

وقلت ليش عملت كده مع امي قال يعتذر لها 
ونسيت اقولكم اتصلت على اخوه قلت له انا في بيت الجيران ولا عبرني الا تاني يوم الظهر اتصل على زوجي ولا اتوقع قاله عيب ولا حرام
وغير كده زوجي متصل على عمي مشتكيني عنده قال خالته مسكينه ماعندها اولاد وانا رافضه يروح يجيبها
اااااااااااااااااااااااااخ واااااااااااااااه 
والحمد لله على كل حال 
ورجعت ريمه لعادتها القديمه 
كل يوم سوي شغل نظف كنس غسل لازم بابا انا كل يوم سوي شغل بس انا مسكين كل شغل سوي بس مافي راتب
اهئ اهئ اهئ اهئ 
نفر مسكين
اعتذر جدا على الاطاله بس من وجع قلبي 
هيا اعطوني رأيكم

الله يعينك

شوفي ياقلبي أَنٌـ«❤»ـآإ فعلا اعتذر لو قسيت في ردي السابق
لكن والله اني كنت انصحك كأخت
ومقهورة عليك
ياحبيبتي انتي عندك مشكلتين ..
اول شي انه زوجك عنده مشكلة في الإنجاب
ودا مخلي أسلوبه معاك سيء
الحل:
لاتجيبي طاري العيال أبدا قدامه ولو حاول يلمح لاتتكلمي انتي في الموضوع
ولو مثلا قال نبغى عيال
قولي ياقلبي ربنا بيعطينا أَنٌـ«❤»ـآإ متأكدة بِــ̯͡سّ في الوقت المناسب
وكذا يعني..

المشكلة التانية:
النقاش والاستفزاز والجدال اعطيك مثال:
انتي:إديني المفتاح..
زوجك:لا..
انتي:طيب ليش؟
زوجك:بِــ̯͡سّ كذا..
انتي:كيف بِــ̯͡سّ كذا؟
زوجك:احسن معايا..
انتي:ليش أَنٌـ«❤»ـآإ ابغاهم..
زوجك:لا<<بصوت عالي..
انتي:طّيُـ6վթ ـبٌ ليش تصرخ؟؟
زوجك:يووووه بِــ̯͡سّ خلاص قرفتيني..
انتي:أَنٌـ«❤»ـآإ قرفتك؟؟؟في ايش؟؟؟
قوووول؟!! أَنٌـ«❤»ـآإ ماعمري قلت لك لا
ماقد قصرت في حقك
زوجك:انتي لسانك طويلة وما تحترمي
اسكتي ولا والله لا أكسر اللاب..
<<اعتقد التكملة انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَي عارفه ايش هيا..
اعطيك الحوار الصح..
انتي:إديني المفتاح..
زوجك:لا..
انتي:طيب ليش؟
زوجك:بِــ̯͡سّ كذا..
انتي:خلاص فديتك مؤ مشكلة خليهم عندك ياغالي أَنٌـ«❤»ـآإ بِــ̯͡سّ كنت مفكره أخذهم احتياطا..

فهمتي عليا؟؟؟
لاتجادلي اسكتي وبس
قولي حاضر ابشر
لاتعصبيه وتسمعي الجيران حتقولي مؤ أَنٌـ«❤»ـآإ هو يصرخ
طّيُـ6վթ ـبٌ مين اللي جادل؟؟؟
وبسببه ارتفع الصوت انتي طبعا..
ماله داعي تجيبي طاري الطلاق..
انتبهي تتركي بيتك أبدا أبدا
اصلا استنقص الحرمة اللي تطلع من بيت زوجها الا في اقوى الحالات..
ولو طبقتي الكلام بحذافيره وصارت لك مشكلة
انتبهي تذلي نفسك
انط وانطرد واتشحطط انتبهي
اخر شي واهم شي
الاستغفار العجب العجاب لاتستقلي موضوعه
جربي بنفسك وانتي موقنه وشوفي كيف


وسامحيني تاني لو قسيت عليك&#55356;&#57145;

الله يكون في عونك

اشكر الكل على الردود
عموما انا مالي غيره
وبالنسبه لاي وحده قالت اسلوبي غلط وياليت ماجادلت
انا مااجادل ودايما اقول سمعا وطاعه
بس انا اصلا مضغوطه ومزعوجه بسبب كذا موضوع
واعصابي فلتت مني
في يقولوا اني احاول اشغل نفسي او اشتغل
زوجي يرفض تماما اني اشتغل او حتى اخرج من البيت انا من المدينه وزوجي من بلد صغيره والهرج فيها
على اللي يسوى واللي مايسوى وهو يخاف من كده
يعني العادي عندنا عندهم كبيره من الكبائر
وموضوع المصاريف تماما مايحط ريال في يدي ولو طلبت يعطيني وبعد دقيقه ياخدها
عموما هو لما دحين احسه شايل في نفسه مني
اخد مني مفاتيح البيت ولا رجعها ليه
وصاير بس يخرج يقفل مجلسه بالمفتاح
ويكلمني بدون نفس
ولما جيت اتكلم معاه قال انه ماغلط في حقي ابدا ابدا
انا الغلطانه وبس