بعد التعب والصداع والم الرقبة ......وريحة الصبغ
جيتكم بهذا العمل ............
اعمالكم الحلوة والروعة في طلاء الغرف هو اللي دفعتني اني اجازف ... وهذي اول مرة اصبغ فيها
((يقول المثل عط الخباز خبزه حتى لو أكل نصه )) أنا وين والصبغ وين
=
رحت واشتريت أصباغ عدة الوان ازرق وبني واخضر للحمام .. واحمر حق حجرتي
بس اول مافتحت هونت اول شي ولا لون ماعجبني وطلعت مش هي اللي انا اخترتها من الكتالوج
والحمدلله كان في اصفر في البيت ........... وسويت خلطات بالالوان وحتى استخدمت الوان البخاخ في العمل
عاد انا قلت بسوي نفس طريقتكم في الصبغ ..........بس طلعت وع
وكل شوي اغير في افكاري .. على هذا الاساس طلع العمل مب شي .......الحر في الحمام وريحة الصبغ
دوخوني ......... وقعدت اصبغ أي كلام بس عشان اخلص واخر شي قلت بصبغه لون واحد وخلاص
والامر اني ماقادرة اني ادخل النت وخلاص هذي اخر مرة افكر اصبغ فيها شفت العذاب
بعد ماقلت لكم قصة حياتي
براويكم الصور
صبغت باللون الازرق على اساس اني اسوي قواقع وطحالب اشياء بحرية
التعب ماخلاني
فسويت خط ثاني اصفر
رسمت شوية شجر وماكملت
اهني جدار وجرة
سور
==
وبعد رسمت على المرحاض
أعزكم الله .......... وكان موجود سيفون على الجدار رحت وقصيته بالمنشار
وجلدته وصار رف
وبعد جلدت الغسالة والزبالة ... وسويت غطاء حق الزبالة
واهني الباب شريت ستارة على اساس اني علقها في وسط الحمام
يعني يكون قسمين ... فطلع عرض الحمام كبير والستارة صغيرة
فرحت جلدت فيها الباب
وهذااااااا كان سبب تأخري عنكم وتأخري عن درس معلمتنا الطيور المهاجرة
والسموووووووووحة