لولا السقاف :

حصل معايا موقف من 4 سنوات بس الين دحين لمن اتذكر احس اني اعرق وابرد في نفس الوقت كنت حامل في الشهور الاولى ومعايا الم في ظهري وبطني زي الم الدورة وابو زوجي عزم رجال عندي في البيت وكان ابويه من ضمن المعازيم وطبعا ابوية حينزل في بيتي لانو انا في مكة واهلي ساكنين ينبع الصتاعية وطبعا البيت كان فل الفل الحمدلله والعشا كان يوجه ويبيض الوجه الحمدلله بس بعد العشا طبعا تراكمت المواعين في المطبخ وصحون الضيوف وطبعا غرف الضيوف اكيد الكل عارف كيف تكون حوسة وفناجين الشاهي وصحون الحلا والفواكة بس انا كنت منتهية من التعب والالم فرفعت الاكل وقسمت باقي اللحم والرز في اكياس للفقراء والمساكين وتركت باقي المواعين وفرشت لابويه حبيبي فراش وجهزت طلباتو وتركتو ينام ورحت انسدحت من قوة التعب وماحسيت اني نمت طبعا اكيد عارفين كيف الحامل تنام في الشهور الاولى وما صحيت الا على اذان الفجر طبعا قومت قولت خليني اصلي وابدا انظف البيت وطبعا شايله هم الشغل الي متراكم ........... وافتح باب غرفة النوم اشم ريحة الكلوركس والنظافة استغربت مره ولا اشوف بابا الله يديه العافية صحى بالليل يبغى مويه وشاف المطبخ والحوسه فحزن عليه اني حامل فحب انو يساعدني ونظف المطبخ وغسل المواعين والقدور وغسل ارضية المطبخ وغسل حمام الضيوف ورتب غرفة الضيوف وكنسها ياربي كيف ما سمعت صوت المكنسة مع اني نومي خفيف مره والله اني شفت البيت يشع من النظافة صرت ابكي من قوة الاحراج وابوس اياديه ونزلت على رجولو ابغى ابوسها واقولو لازم انا اخدمك مو انت يا تاج راسي تخدمني وهو يا حياتي يقولي انت بنتي حبيبتي مو عيب لو ساعدتك بس سامحيني ما عرفت ارجع المواعين اماكنها والله اني بعد ذاك اليوم ماعدت اترك حوسه بعد الضيوف حتى لو كنت ميتة تعب وحتى لو مو موجود احد غريب بالبيت بس اني تعقدت من الموقف يارب انك تسعد ابويه حبيبي وتطول عمرو في طاعتك وتحميه من العين والحسد ولا تحرمني من حنانه وعاطفته بنات الله يخليكم كل وحدة تقراء الموقف تذكر الله لان العين حق

حصل معايا موقف من 4 سنوات بس الين دحين لمن اتذكر احس اني اعرق وابرد في نفس الوقت كنت حامل في...