شوفوا لي حل في هالمشكلة اللي ضيقت صدري الله يعافيكم

السلام عليكن


بنات أكيد كل وحدة تعرف معاناة أهل المعرس وأهل العروس في اختيار ملابس ليلة العرس

وأنا من أهل المعرس ( اللي هو أخوي ) ، أبغى ثوب للزواج يكون حلو وناعم ،

الزبدة : شريت القماش من الرياض ( عشان أضمن ما ألقى على وحدة من المعزومات مثله)
وفصلت القماش وطلع ملبسه زين والحمد لله ، لكن المشكلة اللي ما انتبهت لها أن القماش
(وهو من النوع التل اللي عليه حاشية فضيه)وجدت عليه بقع صغيرة مثل بقع الطين ولاتروح مع الغسيل ( جربت في قطعة من القماش)
واحترت وش أسوي فيه ما صدقت أفتك منه إلا طلعت لي هالبلوى ، وعاد أنا من النوع اللي ما أحب التفصال
وخاصة أن الخياطين الحين ما ياخذون والعرس بعد 4 أسابيع يعني ما عاد فيه وقت
وأنا غيرت الكم لكن ما فيه قماش يكفي أغير الصدر

الله يعافيكم اللي عندها خلفية عن كيفية إزالة مثل هذه البقع لاتبخل علي عسى الله يفرج عنها في الدنيا
والآخرة

ملاحظة : البقعة ربما كان سببها من التصاق اللمعة الفضية بالتل أثناء تسفيط القماش