شوفوا لي حل مع هالحريم ..

السلام عليكم

شوفوا لي حل مع هالحريم .. !!

هقول لكم مواقف تصير معي وما أعرف أتصرف :

** لو زارتني وحدة تمام طبعا أقوم بالواجب ، ما في مشكلة ، .. ؟؟
المشكلة إني لما أروح عندها تعمل نفس الشئ معي من طريقة لبس .. يعني لبست طقم تلبس
طقم لبست دراعة تلبس مثلي ، حطيت مك أب تحط ما حطيت ما تحط ، .. حتى في الضيافة
مثل ما قدمت تقدم ..
شئ ينرفز .. !!!

حتى لو أنا رحت لها تقلدني لما هي تروح من عندي .. بكل شئ ..
لا أفم شو يعني هذه التصرفات ؟؟
كيف أتصرف معها .. ؟؟
للعلم معرفتي لها سطحية .. عكس علاقة زوجي بزوجها ..



** وفي وحدة ثانية .. تجلس تشتكي حالها .. وما تسكت .. بس المشكلة إنها تبالغ والكلام
هذا كله كذب والدليل أوقات زوجي يخبرني العكس على لسان زوجها ..
ولما تجي عندي تتفقد بيتي وشو عندي .. أعوذ بالله ؟؟

أنتظركم ..