كان رديتي عليها من لحظتها
لييييييه شايفتني وحده من الشـــــارع
ولا ماتعرفي أنا بنت مين وأخويا مين
أنا بنت رجال وأخت رجـــــال
وإذا كان عــــادي عند غيري فكبيرة عندي وعند أهلي
إنتخي بأهلك
صدقيني ماعاد تكررها المرجوجه هذي..
ولاعاد تسكتي لها
بلا أخوي بلا بطيخ
أخوي على عيني وراسي لكن يسمع زوجته تقولي كذا ويسكت ويرضاها لي حتى إذا كان من باب المزاح
معليش لكل شئ حدووود..

أختي أبدئي بالهدؤ أخذي أخوك على جنب و خبريه ان اللي قاعده تقوله عيب و ممكن تتطور الأمور

و تقول هذا الكلام في وجود ناس خارج العائله عندها مين اللي راح يصدقكـ

و إذا ما لقيت تجاوب من أخوكـ ، كلمي الوالده أكيد راح توقفها عند حدها

و إذا ما فيه فائده من هذه الحلول عليكـ بحل أختي "إبريز" لكن أهم شيء

تبدئي بالهداوه لأن العصبيه ما راح تجيب نتيجه .

و الله يهديها .

الله يعينك على قله العقل بس نصيحه لاتتركينها ترى تتمادى
امسكى اخوك على جنب وكلميه عشان يعرف ان زوجته ماتستحى وهذا كلام خطير وعيب
اوتقولين لامك تكلمهوعشان يعرف انها تغلط
وهى تجنبيها ولاتخلينها تاخذعليك يعنى لاتسولفين معها كلمه وردغطاها لان شكله شرانيه وتدور الشر وانتى لاتخلين لها فرصه
الله يعينك عليها

مو انتى الى ترد كان المفروض اخوكى الى يسكت زوجتة

كان قلتي لها ليش شايفتني جاية من الشارع
ولو بكلم ماكلمت عندكم
وقولي في وجها حسبي الله
وردي ولاعليك منها يزعل اخوك ولايقعد اذا صار ماعنده شخصية ويصدق كل كلمة تقولها زوجتة هذي مشكلته
بس الاتهام هذا ماينسكت علية مهوب شي بسيط هذا في شرفك ونزاهتك
واذا كان اخوك من النوع العاقل المتفهم تكلمي انتي ويه بدون وجود زوجتة
وقولي له يرضيك زوجتك تتكلم على اختك بهالشكل بدون دليل ماتهمك كرامة اختك وقفها عند حدها قولي له انك مابغيتي تردين عليها لانك ماتبين مشاكل بس الموضوع هذا ماينسكت علية
واذا صار مخفة ويسمع كلام زوجتة لو كذب ويصدقة خذي حقك بلسانك ولاعليك منها