شوفوا مصيبتنا مع الشغالات

السلام عليكم
احنا عندنا شغالتين و سايق و صبي
الشغالتين يدعون الامانه
المهم قبل العيد جا حماي و عطا خالتي 550 دينار عشان تسوي سماعه لاذنها و راحت خالتي حطتهم تحت جنطتها و عقب يوم تدور عليهم مالهم اثر راحت قالت للشغالات انا مادري وين حطيت فلوسي دورو عليهم تقول وخرت عنهم عشان اعطيهم فرصه يرجعون الفلوس بس للاسف مافيش
و خالتي مخبيه علينا الموضوع و انا اشوفها راسها داير و ضغطها مرتفع اتاري بسبب هالسالفه
عقب يومين قالت لنا و حماي و ريلي الا يبون يوصلون الموضوع للشرطه و هي رافضه تخاف يسوون لنا سحر
اتفقوا اخر شي انه خالتي تطلع مع السواق و الشغالات سوق و ما يرجعون الا لما يعطونهم خبر و صرفوا الصبي
و قعدوا يدورون بغرفه السايق لقوا عنده فستاني و شنطتي و جوتي بنتي طبعا الي معطيهم اياه الشغاله
و لقوا تلفونات بغرفه الشغالات من ضمنهم تلفونين ايفون بكرتونتهم بس ما حصلوا الفلوس
ثاني يوم اشوف الشغاله وحده مرتبكه و الثانيه تبي رضاي بقوه مع اني معاها ما اتوالم قلت بس حسوا بتفتيش غرفتهم
صارت الساه 3 و نامو الشغالات و يفتشون المطبخ و غرفه الغسيل و الاستقبال و غرفه الطعام و يلقى حماي الفلوس
لقاهم خاشين الفلوس بالسحاب الي يجي بالغنفات المهم انه ناداهم و انكروا كل وحده تقول اي دونت نو
تالي قامو يرمون التهم على بعض و سطر الاولى كف وطاحت بالارض سوت روحها اغمى عليها و سطر الثانيه و سوت روحها اغمى عليها و قام يصرخ عليهم قوموا و قامو و نادو الشرطه و كلبجوهم و عالمخفر يحققون
المبلغ الي يدورون عليه هو 550 و الي لقوه 1650 و سلسلتين ذهب لهم القيمه و خواتم خالتي منهم خاتم الماس و منهم خواتم فالصو و منهم خواتم ذهب
اتاريهم سارقين المقتاح الاحتياطي لدرج خالتي و يسرقون من وراها و هي يا حرام تقفل الدرج و داخل الدرج مفتاح التجوري و يفتحون التجوري و سارقين خواتمها
و لقينا ورقه خاشينها بالمطبخ بتحويل لديرتها 180 اعتقد
طبعا هم متآمرين مع السايق و الصبي يشترون لهم ولا شلي ودا فستاني للسواق
و اعترفوا بالمخفر انه التلفونات و السلاسل الذهب من فلوس ماما و حجزنالهم وسفرناهم هم الاربعه
حسبي الله عليهم
و خالتي صارلها فتره تقول سحبت كذا و رحت هني و هناك و طارت الفلوس اتاريها ماتدري انهم يسرقون من وراها

طبعا هذا الي عرفناه غير الي ما ندري عنه شمسوين لنا و غير التحويلات الماليه الي ما ندري عنها

الدرس الي تعلمناه:
انه دلعنا للخدام خربهم علينا خالتي ما قصرت معاهم حتى ذهب شرت لهم تعشيهم احيانا بماكدونالدز و كل شي يبونه تشتري لهم الكاكاو تقسمه بين احفادها و الشغالات

البيت لازم يتركب فيه كاميرات مراقبه
و انه جناسي الخدم تكون كلهم مختلفه عشان ما يتفقون علينا