عاشقة الكويت78 ...
اختي الغاليه اولا لازم تعرفين ان كرامه الانسان فوق كل شي ريلج ماله حق يستخدم هالاسلوب وياج الا وهو اسلوب القذف وين الثقه والاحترام اختي هو هان شرفج وعفافج لازم ماتسكتين ابدا لان صدقيني اذا سكتي عن هالموضوع باجر عادي يتمادى وياج فاشياء ثانيه يمكن تكون العن حسبي الله ونعم الوكيل لازم توقفين الموضوع عن حده .. شو انتي مب قاطعينج من غصن شجره لابوي انت انسانه عندج اهل وسند يوقفون وياج.. اياج ثم اياج تسكتين عن الموضوع والله مقهوره

الموضوع مب هين الله يعينج ويحفظج ويبعد عنج المشاكل

لا حول ولا قوة الا بالله العلي العظيم
يا اختي الغالية انا مع راي الاخوات تماما انتي يا اختي بنت ناس يعني لما تزوجتيه ما خذاج من الشارع اسمحيلي بالتعبير هذا بس بصراحه منقهرة عليج ولج اهل وناس واهم شيئ عند المرأة سمعتها وشرفها والحمدلله انتي مره مستوره وتخافين ربك اذا لازم توقفين بوجه وتوضيحين له ان اللي يسويه فيك طعن في شرفك وقذف والله يا اختي الغالية خوفي من بكره يجي ويشكك في اولادك ترا درب الشك كله شوك وراح يتمادى
ويارب يخفف عليج مصيبتك ويبعد الشر عنك

اشكركم يا خواتى على ردودكم صدقونى انا ما كتبت مشكلتى الا وانا خلاص بموت من الهم اللى فينى والذل اللى انا عايشه فيه وانا راح اسمع بنصايحكم واتوكل على الله واى شى يصير راح ابلغكم وراح ادخل اهلى بالموضوع لان حالى الحين ما يعلم فيها الا ربي . الاخت دانيا تقول ان المدمن هو اللى يشك من اللى حوليه انا زوجى مو مدمن وتدرين ان اهو انسان مصلى ومسمى ويصوم وما يترك فريضه بس هذا الشك اللى ذابحنى تدرون والله والله عمرى بحياتى ما فكرت حتى بخيانته حرام عليه اللى اهو يسويه فينى والله ينصرنى ويكشف له الحقيقه قولوا امين .

الله يوفقج يارب و ننتظر اخبارج:)

السلام عليكم ورحمت الله وبركاته


والله لا أعلم ماذا أقول لكن عليك بالتقرب لله والإكثار من الإستغفار والصلاة وخاصة صلاة الليل والصيام وقراءة القراءن
عسى أن يفرج الله عنك

يارب ياسميع ياعالم مافي القلوب فرج على أختي ويسر أمرها