شوفوا معاملته وبعدين قولولي هو يحبني ولا لاااا

أنا صارلي من يوم تزوجة ولد عمي سبع سنوات من هذيك السنه إلى اللحين حتى في أيام العرس الأولى ماعمره قالي كلمة حلوه ولاضمني على صدره ولاسوالي ولاحركة من حركات الشوق اللي اشوف اخوانه يسوونها مع حريمهم وناااااااااادرا يصوتلي في البيت أو يذكر اسمي لاعمره قالي انتي محتاجه شي طبعا أنا موظفة لكن عمره مابين لي انه يشتاقلي حتى احيانا يسافر ولا أدري إلا وهو في الطريق ويجي من السفر ولاادري أنه جاي إلا لما يدخل البيت لاتقولون اجلسي معه وصارحيه واسأليه انا جلست معه وحاكيته ويقولي انتي موسوسه تبغين دكتور نفساني طبعا أهو أخلاقه محترمه معي عمره ماهزئني وعمره ماقل احترامه معي عند اهله لكن أنا في حيره من أمري من يوم أخذته مابين غلاتي عندة إذا كنت فعلا غالية أرجوككككككككم ساعدوني هل اطلب الطلاق منه لاني بصراحة طفشة من هل الحياة مايبغى مني إلا الجـ .....فقط لان حاجاته واموره وحتى أكله وقهوته يبغى أمه وخواته هم اللي يسونها له وإذا بجلس اتقهوى معه يقولي روحي الغرفة الثانية أو هو يقوم ويروح الغرفة الثانية