شوفوا معاناتي مع مستشفى قوى الامن

اهلين اخواتي انا بصراحه حابه اكتب معاناتي مع مستشفى قوى الامن والرعب اللي عشته اثناء الولاده
وخوفي على اللي في بطني
انا كنت حامل قبل اسبوعين وكنت في شهري الثامن ومن بداية حملي وانا اراجع عندهم المهم سبحان الله نزلت عندي المويه وانا في الشهر الثامن في الاسبوع 34 فجاءه بصراحه اول مانزلت خفت مرره ماخفت على نفسي كثر ماخفت على البيبي الي في بطني المهم على طول رحت للمستشفى وكشفت علي الدكتوره وقالت عندك طلق منتظم والرحم فاتح 2 سم وبصراحه راح احولك فورا على مستشفى المواساه لعدم توفر حاضنه للطفل عندناقلت لها لاتكفين الا المواساه قالت مافيه امكانيه عندنا الا المواساه او الشميسي او الايمان او اليمامه او مدينة الملك فهد الطبيه بصراحه انصدمت قلت حوليني على مدينة الملك فهد قالت ماعندي صلاحيه الا المواساة لتوفر الحاضنه عندهم قلت طيب بطلع باسعاف المستشفى لمدينة الملك فهد ونشوف عن الحاضنه قالت لا روحي بسيارتكم الخاصه اذا تبغين اسعاف فيه المواساة يجي ياخذك بس بشرط تولدين عندهم علما ان ولادتي تقررت قيصريه نظرا لنزول البيبي بالمقعده قلت لا خلاص المهم توكلت على ربي وطلعت من عندهم وانا مرعوبه واستودعت الله نفسي واللي في بطني ورحت للمواساة بس ماقدرت انزل استخرت ورحت لليمامه وسالهم زوجي عن الحاضنه والحمد لله كانت متوفره وعلى طول كشفوا علي ودخلوني عمليات الفجر وسويت العمليه والبيبي بالحاضنه والحمد لله على كل حال
كتبت موضوعي هذا للاخوات اللي يراجعون عندهم اقولهم لا تعبون انفسكم لانهم في الغالب يحولون اغلب الحالات وحجتهم مافيه حاضنه او مافيه سرير للام وهذا مو كلامي كلام الطبيب عنهم في مستشفى اليمامه يقولون ان اغلب مرضاهم عندنا مستشفى سيئ يحولون علينا حالاتهم .