شوفوا هاللي ابثرتني واقرفتني في عيشتي،، وشلون اتصرف معها؟؟؟؟

السلام عليكم

صبحكم/ مساكم ربي بالخير

قبل اسبوع توظفت عندنا موظفة جديدة
حبوبة واخلاق ودينه وكل شي
شغيلة وتحب الشغل وماعليها:27:

بس مشكلتها الله يهديها حكيها كثير

قرقااااااااااره وبثثثثثثثثثره

وكل شوي ناطة لي تسولف
ولا داقة علي التحويله عشان تقولي سالفة بايخة
وان ما لقت سالفة تجي تسلم
(كيفك وش اخبارك وش علومك الخ)
يعني تسلم في اليوم من 6 الى 8 مرات

والمشكلة ان ضغط العمل علي اكثر من اللي عليها
وانا ما احب احد يقاطعني في شغلي

بصراحة انا مطوووووووووولة باااااالي معها واجاريها:35:
ومرات اسوي مثلها من باب المزح

بس اخاف يوم ما امسك نفسي وانفجر عليها:mad:
صرت ما اتحملها مثل اول ما جات

تخيلي حالك بالدوام كل نص ساعة ناطة لك نفس الانسانة تسلم كأنها ما اشافتك من شهر أو اكثر
ما ادر ي هل هذا طبع؟؟
ولا تتعمد تنرفزني؟؟؟؟

ما ادري وش قصة هذي الانسانة

ومرات تحاول تتلزق وتحاول تتمصلح
ما ادري وش قايلين لها عني اوزع شرهات ولا ماسكة الديوان

ما ادري وشلون اتصرف معها؟؟؟؟؟؟

مره قلت لها باسلوب مزح
ودي اشوفك ساعة من غير ما تسلمين وش يصير فيك
قعدت تضحك
قالت لازم اسلم على صديقاتي كل شوي بالذات انتي :eek:
على بالها خفة دم

هل اتجاهلها؟؟؟
هل اعاملها بنفس اسلوبها علشان تحس بالمعاناة؟؟ ولا شكلها بتنبسط
هي الى الآن ما اخذت رقمي،، هل اعطيها رقمي اذا طلبته؟؟؟
هل اقولها ان اسلوبها ما يعجبني؟؟؟


تكفون ساعدوني مدري وشلون اتصرف معها:icon33: