مرحبا....... ياحلوات ........يا مملوحات
في احدى الأيام الجميلة من حياتي وأقول جميلة لأني طلبت من زوجي طلب وووافق فورا دون أخذ ورد <<لذلك هو جميل جميل
قلتله شرايك يالمزيون نروح أيكيا ...... قال يلا مشينا ....... من جد أتوقع كان وقتها موطبيعي <<خاصة الرجال كلهم يكرهوا أيكيا بل يحقدون عليها ........ ههههه شافطة جيوبهم شفط هالأيكيا
المهم رحنا وبدينا ندور فيها وكل ماتمقلت بكنب زوجي يقولي تراهم نصابين صناعة صينية معفنه اطالع بالمكاتب حقت البلازما زوجي يقولي شوفي السعر مدبلينه بخمسة حسبي الله عليهم ...... جنني قاعد يراقبني ويتناقش معي بالمواد والسعر بالله هذا وقته
المهم قلتله خلاص بطلت اشتري شي ....... تعال خلنا نروح ناكل ...... عاد هو ماصدق قال والله أنا قايل عندي حرمة عاقلة وماينضحك عليها ....... قلتله وأنا قايلة عندي زوج نشبة مايخليني أشتري براحتي <<لو يخليني على راحتي كان قحشت المحل هههههه تصدقون ترى للحين ماأتكلمت عن الموقف اللي صار ورحنا ياطويلات العمر وكل واحد فينا أستل صينية وقعدنا نجمع أكلنا الملاعق بجهه والسلطات بجهة والصحون بجهة ....... والمين كورس بجهة أخرى <<مانجمع الطلب ألا بشق الأنفس خخخخخخ
وجينا عشان نحاسب على الاكل وكانت قدامنا حرمة كبيرة مصرية وعيونها خضرا ياحلوها بس ....... والمسكينة كانت مرتبكة مرررررة ....... وتلتفت يمين ويسار ........ وعويناتها فيها دموع ..... ماقلتلكم كان حمودي ولدي معنا وقعد يطالع فيها
ويقولي شفيها تصيح ..... أمها مهاوشتها ....... <<ياكره كذا لما الولد ياخذ فكرة أن بس الام هي اللي تخلي الواحد يصيح أحس قناعات ولدي تحتاج تغيير ....... عاد هي قالت لزوجي ...... تفضل حاسب حضرتك .... ,انا حستنى شوي
زوجي أستحى وقالها لا أنتي قبل ......... وقالت عادي حضرتك كلو واحد <<,لآحظوا أنا مسحوب علي بقوة من زوجي والحرمة
تصدقون ..... تصدقون ولا ماتصدقون ..... <<أنتي كملتي عشان يصدقون للحين ماجا الموقف
وفجأة في خضم هذي الأحداث ....... ظهر رجل عريض المنكبين <<بالله يمديكم عالدراما
وأتجه لعندنا أنا تخيلت ممكن يكون زوج الحرمة لأن عيونوا برضو خضرا <<سبب منطقي ههههه....... وتخيلت أنه ممكن يرقع وجه زوجي بصينية الأكل
لأنه كان يتكلم مع الحرمة ...... مصيبة عاد بنرجع نجمع الأكل من جديد <<هذا همك
صراحة تخيلت كيف كرامتنا راح تتبعثر على أرض أيكيا ...... وشلون شجاعة زوجي راح تهتزقدامي <<ليه متخيلته عنتربن شدادهههههه...... وبعدين طالع بالحرمة أم عيون خضر تخبرونها <<ياذا العيون الخضر ماصارت
وقالها أنتي رحتي فين ...... دنا بألي ساعة وأنا أدور عليكي ...... وشكلي بأى وحش أودام الناس ....... ماتتكلمي تنطئي أنك حتمشي من جمبي << تحلفون علي لي عرق مصري ههههههه مناك بس
وطلعت هالحرمة أخته ..... ومسكينة قعدت تعتذر منه ........ وتقوله معليه ياأخوي حئك عليه أنا توهت منك
من جد يابنات منظر الحرمة كان يحزن ....... وهو قاعد يصارخ عليها قدامنا وكأنها أصغر عياله ....... حتى ولدي يقول لأبوه طقه عشان يصارخ على أمه<<ولدي كل حدث يلزقه بالأمومة ... .....وأنا أقول بقرارة نفسي أبوك ياحبيبي الحين كانت طاقته الروعة من الرجال تبيه يناقشه
أخيرا طلع الموقف .... مابغيت أقوله
من جد يابنات أنا أتعقد لما أشوف رجال ينهر حرمة ويصارخ عليها قدام الناس سواء كانت أخته زوجته بنته
وخاصة لو تجي الحرمة كبيرة بالعمر........ حقيقة يكون الرجل قمة باللؤم والنذاله ....... يأخي تضايقت منها عاتبها بشويش
بينك وبينها موقدام الناس ..... معقول أيها الرجل المتعجرف ماتدرك الآثار النفسية السيئه اللي تخلفها ورائك بعد أن أن أظهرت رجولتك المزعومة قدام الناس
عجبي وعجبي وعجبي من هؤلاء الذكور ..... لانهم لايحملون من الرجولة شيء <<يازين السوالف بس
وبعدها تعشيت أنا وزوجي ....... وقلتله خلنا نشتري أي حاجة ....... عيب عمال أيكيا يشوفونا ماأخذنا شي من عندهم <<هذا همك
وأبشركم أشترينا عاد ورد مجفف وشموع ....... وقوالب سيلكون على شكل قلوب <<ذابحتنا الرومنسية ههههههههههه
وسلامتكم ....... نسيت أقولكم شرايكم بالموقف ...... شرايكم بالموضوع ككل
بليز يامشرفات ياحلوات لاتنقلون موضوعي أي مكان ..<< موضوعي مايحب الدواجة ههههههههه
شوفوا هالموقف اللي حصل بأيكيا بطولة زوجي والحرمة المكسورة والرجل الشرير !!!!!!!!!
180
19K
هذا الموضوع مغلق.
مسامحة الجميع
•
الله يسعد قلبك ويخليلك حمودي وعن الموقف حرام احنا ياالحريم متبهذلات مع ذاالرجال الله يعين
اولآ :اسلوبك جدآ جميل وحلووو
والله ضحكت كثير وانااقرأ
ثانيآ :بصراحة اسلوب هذا الشخص غيرلائق ويحزن حرام يحرج اخته
لواني مكانها والله اغسل اشراعه واحدة شريرةههههههه
والله ضحكت كثير وانااقرأ
ثانيآ :بصراحة اسلوب هذا الشخص غيرلائق ويحزن حرام يحرج اخته
لواني مكانها والله اغسل اشراعه واحدة شريرةههههههه
والله حزنت على هالحرمه موقف محرج فعلا بس بنفس الوقت والله شوقتيني اروح ايكيا من زمان ما رحته
الصفحة الأخيرة