شوفوا هالموقف المحير الي صار لي مع زوجي !!!

يابنات هذا الموقف صار معاي وابيكم تشاركوني بآرائكم طبعاً اذا تضايقت اكتب وش صار معاي على طول يعني كمذكرات واحس اني بعدها ارتاح هالمره قلت ابكتب هالموقف وابيكم تقرون القصه وتقولون لي الحل لأني محتاره ..
كان موقفاً صعباً .. كان قلبي يخفق بشده
كانت اطرافي ترجف خوفاً عليك ياحبيبي
لماذا ..لماذا .. تفعل بي هذا كله
بكيت بكاءً فضعياً من شدة القلق كنت عند صديقتي في زيارة لها
وكانت تخفف عني تقول ان شاء الله انه بخير وسوف يرد عليك
سوف يأتي ..
ثم بدأت تقلق معي .. لقد رأيت الدموع في عينيها حتى هي
جلست ساعة صمت دون كلام لم استطع ان انطق بكلمه
كانت الوساوس تلعب بي حينها .. تذكرت ليلة البارحه وانا ابكي في حضنه .. خفت ان يكون آخر حضناً ,, اقسم بالله انني شارفت على الجنون من كثر التفكير والوساوس ..
لقد اتصل بي قي تمام الساعه 11:52 وقال لي انه سوف يكون عندي بعد 10 دقائق ذهبت ولبست عبائتي وجلست انتظره
مرت عشر دقائق ربع ساعه ثلث ساعه نصف ساعه .. امسكت بالجوال واتصلت به اسأله لماذا تأخر .. لم يرد عاودت الاتصال مره ومرتان وخمسين مره لم يرد .. انه بالسياره ولقد اتصل بي قبل اكثر من نصف ساعه والجوال يرن ولا احد يرد .. ترى مالذي حدث .. بدأت ارجف ولااعرف ماذا افعل .. قالت صديقتي ربما نزل الى البقاله او ذهب الى البيت !! اتصلت على هاتف المنزل لااحد يرد .. يالله ارحمني
بكائي ليلة البارحه لم يغب عن بالي لحظه يارب سلم لي زوجي وارجعه لي سالماً ياااارب .. قلت الامر فيه مستشفى او شرطه مرت ساعه الاربع ولايوجد اي خبـــــر !!
كنت ادعي الله ان يرد حتى ولو يقول لي انه سيتأخر ساعه ساعتان اسبوع شهر المهم انه بخير واسمع صوته ..
يااالله مااصعبها من لحظات .. صديقتي كانت مرتبكه واوشكت على الاتصال بزوجها الذي كان مسافر اصلاً ..
انا في بالي صورة بكاء ونحيب وخوف من المصير !! :icon33:
وفي تمام الساعه 1:12 امسكت بالجوال بيد راااجفه لعل وعسى ان يرد احداً وكل توقعاتي ان يرد علي طبيباً او شرطياً وليس في حسباني ان اسمع صوته .. والا المفـــاجأه ,, الــــو .....
صوت زوجي معقوله ولا انا اتخيل !!
انا: وينك ؟؟
زوجي:انا جاي عشر دقايق وانا عندك
انا: وش صاير
زوجي:بعدين اقولك
وقفل
انا مو مصدقه زوجي رد الحمد لله لك ياربي الحمد لله والشكر انه طيب وبخير وسمعت صوته
صديقتي تسألني وين كان قلت لها مادري يقول بعدين اقولك
قالت يالله الحمد لله المهم انه طيب بس اذا رحتي البيت وقالك وش صار طمنيني تراني قلقت والله قلت لها خير
المهم جلست ربع ساعه وبعدين جا
طلعت ركبت السياره على طول قلت له خير وش فيك واناظره قال مافي شيء
متأخر ساعه ونص وماترد علي ومافيه شيء
قول لي من حقي اعرف وش الي صاير
قال مااتصلتي علي
نعم ؟؟؟؟؟
متصله فوق خمسين مكالمه وربي يشهد
ويقول ماجاني الا اخر مكالمه الي رديت عليها
طيب اوكي ماجاك ولامكالمه وانا ادري انه كذاب طيب متأخر فوق الساعه ولا تتصل ليه
قال كنت عند اخوي بالخبر
عند اخوك بالخبر!!! وانت قايل لي انك دخلت الجبيل
وش السالفه !!
قال لاعاد تطلعين من البيت خلاص ازعجتينا
قلت على الي بيجلس لك بالبيت انا خلاااااص وصلت معي مو قادره اتحمل تعــبت
قال خلااااص بصوت عالي وانا بعدها ماعاد ابي اتكلم معه ولا ابي اسمع صوته كرهته خلاص
والله العظيم تعبت .. هذي مو اول مره يسوي فيني مثل هالمواقف والله اعصابي تلفت ومتفشله من الحرمه الي كم مره تشوفني بهالحاله
وهالحين بس افكر وش الي صار وليش تأخر وليه مايبي يقولي لا وبعد هو مسوي نفسه زعلان ومايطالعني ولا يتكلم معي الحمد لله والشكر هالحين من المفروض الي يزعل انا ولا هو
وربي اني مو قادره انام واعصابي لسى احسها متوتره ومشدوده الله يعيني بس على هالحيـــاه ,,

بالله يابنات ابي اسألكم حطي نفسك مكاني وش كانت ردة فعلك لو صار لك مثل هالموقف انا احترت وراسي بينفجر من كثر التفكير من البارح ماني قادره ارتاح ومتزاعلين وماهو راضي يقول وش الي خلاه يتأخر كل الي يقوله عادي كنت بالطريق اصلاً الجبيل وش كبرها عشان يقعد ساعه ونص بالطريق وهو اصلاً قال انه دخل الجبيل لأنه هو كان مداوم بالخبر المهم الي جنني ليه ماكان يرد علي ؟؟؟ ارجوكم وش تتوقعون وش الي كان صاير معاه ,, الله يجزاكم الجنه :44: