الرجال ما يفهمو هالاشياء
طالما ما قصر معك وكان دايم يزورك عند اهلك
يعني ونعم والله فيه
وبالبيت جاب عمال نظفو البيت لما رجعتى

اذا تبي شئ اطلبي مباشره الرجال مايعرفو الي في بالك والا الي في خاطرك
وش دراه
وش مصبرك ساكته ونتتظري تنتظري
على بالك كل الرجال اول ماتولد يجيبون هدايا وشئ وشويات
خاصه الناس البسيطه مالها بالهالرسميات وهالشغلات تلاقيه
باله مشغول بالف شغله
يعنى من الاخير زوجك ونعم في ومالك حق تزعلى عليه
واذا تبي شئ منه حتى لو هديه لمحى مافهم صرحي
وقولي كل شئ بخاطرك
ولاتسوين بعمرك كذا مره ثانيه
تعشين مع نفسك فلم طويل
وش يدريه الرجال عن الي براسك وش عرفه بهالسوالف


انا قلتله بصريح العباره ابي هديه قال لازم قلت ايه خخخخخخ وورحت معه واشتريت الي ابي

انا اطلب الهدية من زوجي وفوق هذا يقول انا اكبر هدية ويطنش وبصراحة عادي ليش مكبرة الموضوع

يابنت الحلال الموضوع مايستاهل كل هالدموع وش دعوى انتي قاعده تقولين ان ظروفه الماديه مو هذاك الزود اعذريه والله في رجال مايدرون عن نظام انه لازم يجيب هديه لحرمته بعد الولاده جهاله مو عدم تقدير وبعضهم ماعندهم نظام الهدايا اصلا وبعضهم يحب زوجته وحاطها على راسه من فوق بس ظروفه مره ماتسمح لازم ينعذر انا زوجي بولادتي الاولى ماجاب لي شي ولا انا دققت بالموضوع لان اي شي اطلبه منه يجيبه مايقصر اذا يقدر بس صرت اشوف اختي الكبيره بعد ولادتها هدايا ذهب مواي شي وحتى خواتي الباقيات بعد ماتزوجوا اشوف ازواجهم بعد الولاده يتفننون بالهدايا ولازم يجيبونها ذهب واذا ماعندم حق ذهب اقل شي قيمه الهديه ماتنزل عن الالف عاد انا قلتله شوف الناس اللي تفهم مو انت اعطيته بالوجه ماكثرت هرج عليها صراحه بولادتي الثانيه جاب لي تشكيله هدايا علبه مكياج كبيره ماركه كلفته 600 ريال يمكن وعطر ومبلغ بسيط تحت تصرفي ماكنت اتوقعها منه بالعاده مايفهم بالامور هذي تبع الولاده الصراحه فاجئني فيها الصباح مدري كم مر على ولادتي وقتها راح اشتراها وانا نايمه ولمن صحيت فرجني عليها بعض الرجال يحتاج تذكير وبعض الحريم تعاف الهديه اذا وصت عيها يعني مافي حل وسط 0000

عاادي جدا
اهم شي دخلته عليك وحبه لك

حالتي نفس حالتك وزوجي نفس زوجك

من أول شهر وأنا ألمح له عن هالموضوع وكل ماطلعت وحده نفاس من قرايبنا قمت امدح في هدية زوجها لها ......الخ

وولدت ولدي الأول ولا جاب لي شي الا عقب الطقاق جوال خخخخخخخ

وحملت وجبت الثاني وعبالي انه بيتأدب خلاص وطول حملي وأنا أصرح مو بس ألمح له ومع كذا ولدت ولا فكر يجيب ولا شي و عقولتك جلست انتظر ل 25 وقت الراتب ولا فيه امل مااش مافهم

آخرتها جت بعد صياح وزعل وعتب عقب طلعتي بشهر

ولا لها طعم بصراحه لأنها غصب بس ع قولتك علشان حكي هالناس وأسئلتهم أهم شي حاجة تسد حلوقهم