شوفوا وش حصل لبنيتي الله يخليها لي/ضميري يانبني/

لسلام عليكم ورحمة الله وبركاته
ابقولكم وش صار لديمه دلوعة امها امس عشان تنتبهون لاطفالكم لانهم امانه باعناقنا ولو صار لهم شي بسيط راح نحاسب نفسنا مثل ما صار لبنتي ولو انه حاجه بسيطه ولله الحمد لكن كل ما تذكرت خوفها بوقتها ينعصر قلبي والبارح عجزت انام
شكلي طولت السالفه وهي قصيره المهم اقولكم وش صار
حنا سيرنا على جدانها خميس وجمعه بالقريه وحنا اصلا لنا بيت جنب بيتهم المهم يوم جينا نبي نمشي لديرتنا قلت لبناتي شيلن الاغراض للسياره وانا ابقفل البيت طلعن وقلت اكيد انهن راكبات بالسياره المهم دقرت باب الحريم من داخل بالمدقار وليس المفتاح وطلعت لزوجي عند باب الرجال عشان يقفله ونمشي ولما رحت للسياره ما لقيت بنتي الصغيره معهن عمرها خمس سنوات وقلت اكيد راحت تسلم على جدتها وارسلت لها حواتها فجئه سمعت صراخها من داخل البيت وهي تناديني ماما لا تروحون ناديتها لكن من صياحها ما سمعتني وكان ابوها اقرب مني لاني رحت عند السياره بالباب الثاني وابوها كان توه مقفل الباب بس ما مشى فتحلها واخذها وهي كانت تبكي ومفجوعه تحسبنا خليناها
وهي فتحت الباب اللي كان مدقر والا كان ما نسمع صوتها لان حوشنا كبير
ولما هدت قالت لابوها ليه امي ماتحبني قفلت علي ومشت وانا /الكلمه هذي ذبحتني/ نسيت اقولكم هي كانت بالحمام وانا احسبها طلعت مع خواتها ومن امس كل ما سالتها عن اللي صار تقولي اسكتي لا تذكريني وهي ما هي عادتها انها ماتكلم باللي يصير لها تحب تكرر السالفه 100مره الا هالسالفه اخاف انها سببت لها عقده وانا ضميري يانبني ومتضايقه من امس
وانا اقولكم انتبهوا لعيالكم الصغار لانه لو صار لهم شي لا قدر الله انتم اللي تبون تندمون
الله يحفظ عيالنا وعيال المسلمين ااااااااااااااااااااامين