السلام عليكم ورحمة الله وبركاته
بدخل بالموضوع على طول تخيلوا يابنات جتني بنت زوجي عمرها 8 سنوات ابوها شايل التلفزيون من بيتهم لان اخوانها يختبرون وهي مخلصه اختبارات جت للبيت عندي وقالت ابي اجلس معك تبي تتسلى المهم فتحت التلفزيون بعدين طفشت وكنت انا جالسه على الاب توب قالت ابي ارسم معك قلت يالله رسمنا وخلصنا قالت ابي احضنك قلت يالله على فكره انا لما تزوجت كانت صغيره وحبيتها مرررررره وهي حبتني لان وقت ماتزوجت امها كانت تعبانه والبنت تعلقت فيني وانا والله حبيتها وتعلقت فيها والحمدلله امها الحين بخير بس تعاملها مع البنت شوي قاسي ماتحضنها والبنت ذكيه ومافيه كلمه تعدي عندها بساهل امها لما ولدتها توفى جدها الله يرحمه وجت الام صدمه وماتدري عن البنت ابوها هو الي يسوي لها كل شي مع الخدامه ولما صار عمرها خمس سنين بدت تفهم وتشوف البنات كيف امهاتهم يعاملونهم المهم اني كنت ادللها وادلعها واخذها معي اذا بروح مشوار انا وابوها بس مو دايم ودايم امدحها الحين لما كبرت شوي صارت تردد انا محد يحبني كلكم تكرهوني وهي والله اكثر وحده في البيت دلال من اخوانها ومني ومن ابوها وامها لما تكون رايقه بس مع ذلك تقول كذا انا ابي اقربلكم الموقف
المهم لماحضنتها مسكتني بقوووه وقعدت تبكي تبكي وانا والله تقطع قلبي هذي ثاني مره تسوي كذا معي سألتها وش فيك ياماما ليه تبكين قالت انا محد يهتم فيني<<< قلت ياسلام ليه محد يهتم فيك لبسك مو حلو انتي موشاطره في المدرسه اليوم ماما ماقالت لك لاتأكلين موز علشان ماتسمنين ماما مو دايم تقولك وخري شعرك عن عيونك وكنت مركزه في كلامي معها على امها لانه كل هذا الي فيها علشان امها
والبنت ماشاءالله ذكيه مررره وكأنها كبيره يعني اتكلم مع وحده اكبر من سنها قالت لي انتي مافهمتيني قلت فهميني وهي طول الوقت بحضني قالت انا محد يحن علي قلت ياحبيبتي مو انتي قلتي لي مره انا ماما تعبانه واوقات ماتكون تعبانه كلنا لازم نعذرها قالت ادري والله يابنات مره امها باستها وحضنتها وتقعد تصارخ بالبيت وتروح لاخوانها واحد واحد وتعلمهم ان امها باستها وحضنتها ولما جيت عندهم قالت لي تصدقين ماما اول مره تحضني من نفسها وباستني بعد. قلت انتي ماتدرين وش كانت تسوي لك وانتي صغيره قالت لي ليه انتي من علمك قلت لها بابا وقعدت احكي لها عن اهتمام امها وحبها والف قصص طبعا من راسي والا كان العكس
المهم بكت شوي وقعدت اضحك معها لما حكيت لها قصص من راسي عن امها وش كانت تسوي لها طبعا ماقلت الا كانت ترضعك وتغير لك وتروشك وتسوي كذا لاني مااقدر االف اخاف تسال واطلع كذابه
الي صار اليوم اثر فيني كثير يوم تقول محد يحن علي محد يهتم فيني وانا اشوف بس امها الي ماتهتم فيها لكن ابوها واخوانها مره مدللينها بس امها قاسيه معها حتى اذا جت البنت تبي تبوسها ماتخليها وتقعد تتحايل عليها الين تخليها تبوسها اذا بتروح مناسبه البنت تبي تقعد جنب امها وتحس بدلع مثل البنات بس اول ماتجي البنت تبي تجلس بجنبها تضربها وتدفها عنها تخجل مره وتجي تجلس بجنبي وادللها واسوي لها كل شي تبيه وصارت تسالني اذا انا بنتك ووش بتصلحين لي قلت لها اسويلك زي ماما ماتسويلك قعدت تضحك وتقول امي اذا مشطت شعري الصباح لازم ابكي تمشط شعري بقووووه وتضربني وتعصب علي ماادري ليه تحب ترسم ودايم ترسم امها وانا وابوها وترسم يد وحده لامها طويله وانا دارسه فنون اطفال هي رمز ان امها بس تضربها علشان كذا ترسم لها يد وحده طويله وتحب ترسم امها بالنص وهي واخوانها وابوها على الاطراف
انا يابنات ارحمها مره بس امر بظروف واخذ ادويه وفي نفس الوقت احس البنت بحاجتي واخاف تتعلق فيني زياده وانا مااقدر ابدا اعوضها عن امها وابيها اذا كانت تحتاج شي تلجا لي بس في نفس الوقت لحوحه وتزعجني بالبيت وتخرب وتأخذ اغراضي لاني مااقول لها شي وتضغط علي علشان اسوي لها شي انا ماابغى مثلا ابي اقصص اطراف شعرك ابي احط لك روج ابي اختار لك تغير اماكن الكراسي اي لوحه احطها تغير مكانها والا تشيلها التلفزيون اذا شغلتها تقول ابي القناه الفلانيه واذا خليتها ورحت للاب توب تقول ابي الاب توب اذا كلمت ابوها وقلت له شي تفرض رايها وتتدخل وانا عادي اخليها تسوي الي تبي لاني اعرف ان هالشي تسويه لامها بس امها على طول تضربها والله اذا اكلت يابنات تهاوشها اذا اخذت منديل تهاوش واذا قعدت بطريقه معينه تضربها كل تفاهمها معها ضرب وتجي عندي علشان ادللها علشان كذا ماابي افرض عليها وفي نفس الوقت تصير عندي بحاله غريبه تشرب عصير وتكب الباقي بالارض تدخل الحمام ولاتنظف بعدها تلعب بااي شي حتى اغراضي الشخصيه تسوي حركات تحرجني اذا كان فيه ضيوف واذا جلست بالبيت تجلس بحضني واخليها اذا بتأكل عندي لازم انا اكلها حتى اذا كنا عند الناس تحب يشوفونها الناس وانا ادلعها بدلع مايصلح الا للصغيرين مره تقعد بحضني وتحط راسها على صدري تشرب قهوتي تلعب بشنطتي وشعري والله امها حتى لو كانت عندي تهاوشها وماتسمح لها بس انا مااقدر ارحمها من تعامل امها معها وفي نفس الوقت ماابي اخرب اخلاقها والله يابنات اذا رحنا مكان انا وامها ورجعنا للبيت لما تشوفني تجي تضمني ماتضم امها وتزعل اذا ابروح لااهلي والله يابنات امها تروح وماتبكي عليها وانا والله مااقدر اروح لااهلي الا لما اتحايل عليها وتقعد تبكي واكلمها واعطيها وعد اني ارجع بسرعه ومااطول وهي بيني وبينكم تضايقني كثييير بتصرفات بتطول السالفه وانا اقولكم وانا والله احبها وفي نفس الوقت اتضايق مع انها حريصه انها ماتزعلني بس ماابي افرض عليها قيود وتروح لامها بعد تتضايق لانها مره صار لها موقف في المدرسه ولاحد عرف عنها الا انا والله ابوها واخوانها وامها مايدرون وش في البنت بس من جلسه وحده عرفت وش فيها وحليت الموضوع وانا عندي مسؤليه وعندي ضروف ماادري كيف اتعامل معها:26::26:
مسلمه الحمدلله @mslmh_alhmdllh
عضوة فعالة
يلزم عليك تسجيل الدخول أولًا لكتابة تعليق.
معليش اعذريني هذي مو ماهي لايقه اهتمام
هذي مدلعه بزياده وعمرها كبير عالحركات اللي تسويها اللي بعمرها مايسوون كذا
اوكي امها تضغط عليها وتجي عندك تلاقي الحنان بس مو كل شي تتساهلين فيه معاها
وخليك حازمه شوي معاها
ولا راح تخرب البنت بالدلع والمصاخه
هذي مدلعه بزياده وعمرها كبير عالحركات اللي تسويها اللي بعمرها مايسوون كذا
اوكي امها تضغط عليها وتجي عندك تلاقي الحنان بس مو كل شي تتساهلين فيه معاها
وخليك حازمه شوي معاها
ولا راح تخرب البنت بالدلع والمصاخه
والله يااختي مدري وشقولك بس تراك معطيه البنت وجه اكثرمن الازم وهي مازالت طفله الله يعينك لاكبرت ماراح تطلع منك بس نصيحه لاتجيك كل يوم وشكرا
ياااااااااااااااا رب الفرج القريب
سبحان الله والحمد الله ولا اله الا الله والله أكبر
بنات تكفون لا تنسونا من دعائكم لنا بالفرج
سبحان الله والحمد الله ولا اله الا الله والله أكبر
بنات تكفون لا تنسونا من دعائكم لنا بالفرج
مدري وش اقول لك يعني فهميها انو اذا جوكي ضيوف انها تساعدك ولا توسخ ونتي تعطيها هديه والله يحنن قلب أمها بس احس انو بالغتي في الكلام عن أمها لن لأنني ولا أبوها بتحنو عليها زي أمها يعني مافي ام تكره عيالها
الصفحة الأخيرة
الله يعيينك يارب