السلام عليكم
*
*
*
طبعا كلكم اخواتي تعرفون حنا الان باجازة وانا ساكنه بنفس عمارة حمولتي والحمدلله لاضرر ولاضرار صرت رسميه واغلقت بابي لكن اذا جت مناسبه او واجب ما اخليهم لكن تجمعات وسلايف وخرابيط بحمد الله قطعتها وريحت راسي المهم ....
جو العمات عند امهم مع بداية الاجازة وتفاجأت مره عيالهم وبناتهم يدقون الباب فتحت لهم وعادي جلسوا يلعبون وقالوا
خاله فلانه ترا اليوم بنتغدى معكم انا قلت كذا :09: لان الاكل قدنا بالضبط نص دجاجه وهم بسم الله عليهم 5 ولافيه وقت اسوي شي
ثانيا زوجي على وشك وصول قلت يمكن اهلهم ينادونهم ما احد نادى حطيت الاكل وتعرفون الاطفال الله يصلحهم انواع الفوضى ومابينت حيرتي قدام زوجي بالعكس حسيته هو تضايق ضحكت قلت يا بن الحلال الله يطرح فيه البرررركه وجلست اغرف لكل واحد شوي ونتفت الدجاجه وماشاء الله تغدوا وراحوا وحنا اكلنا شي بسيط الاهم اني مابينت لزوجي اني احترت او تضايقت علما (( اني ما احب البزران يعني ما اتحملهم وهذي طبيعتي احب الطفل لكن ما اداري ولااصالي ابدا :09: وغير كذا ماعندي لف ودوران اي غلط اشوفه ما اجامل اوجه الطفل حتى لو ما كان لي لانهم اطفال ..
المهم الصغيرين جازت لهم السالفه كل يومين ثلاثه يطبون علي يلعبون تحت واذا حسوا ان جيت خالهم قربت من الدوام جوا علشان يتغدون تقريبا حصلت 4 مرات واذا زودت الغداء قلت اكيد بيجون مايجون:icon33:
واخر مره كشفوهم امهاتهم وارسلوا معهم صحن رز
المضحك ان زوجي كل مانزل يقول البزرن يسألون عنك وش انتي مسويه لهم ؟؟؟؟
وبعدها بكم يوم نزلت اسلم على عماتنا ماتخيلون من فرح بي اكثر ( العيال الصغار )) يصرخوون خاله فلانه جت لا ويلاحقون عيالي وينتبهون لهم واذا صاحوا جابوهم لي وتفاجأت بالعمات يضحكون يقولون علمينا وش رزكم وطريقة طبخك عيالنا كل يوم يتمسخرون و يقولون رزكم مو زين مثل رز خاله ..اللي هي انا :)
شوفوا طهارة الاطفال تخيلو مرتين او ثلاثه تغدوا معنا وكان رز ابيض عادي:42:
والله طلعت من عندهم مبسوطه قلت الحمدلله اني ما اظهرت تضايقي قدام زوجي وتحملت لاني اقول كم يوم بيملون او بيروحون بيوتهم فليش اتضايق واضايق زوجي واكيد هالاطفال ماراح ينسون استقبالي لهم فلذلك انصح كل وحده قريبه من حمولتها بالذات وقت الاجازة تحملي بالذات الاطفال وترا الطفل ماينسى اذا كبر من اللي يحسن له وتذكري ان كل شي مايدوم وكل شي له نهايه وفوق كذا اكسبي زووجك واعتبريها حسن تبعل:26:
الناصحة 2 @alnash_2_1
محررة برونزية
يلزم عليك تسجيل الدخول أولًا لكتابة تعليق.
ام نواره الاموره
•
صححححححححح كلاااااااامك
فعلا حبيبتي كلامك صحيح وعين العقل ...
وانا مجربته مع عيال حمولتي وأحسهم يحبوني ويحبون عيالي غصبا عن اهاليهم خخخخخخخخخخخخ ...
وانا مجربته مع عيال حمولتي وأحسهم يحبوني ويحبون عيالي غصبا عن اهاليهم خخخخخخخخخخخخ ...
الصفحة الأخيرة