ياقلبي أصبر @yaklby_asbr

عضوة جديدة

شوفوا وش سويت .. من يومها وانا مهمووووومه :(

السلاام عاليكم ..

ابخش بالموضوع بسرعة ..

بناااااااااااات ضميري يأنبني بقوووووة بقولكم سالفتي واحكموا /

كان عندنا شغاله اندونيسيه , قبل تسافر سوت حركة تحسب اننا غافلين عنها

طلعت كل اغرااااااضها ولابسها وسفطتها قدامنا حتى فلوسها اللي هي مجمعتهم والذهب اللي شاريته لاهلها ومن ضمن اغراضها شناط قديمة لي ولخواتي وبعض الطفاس اللي مايسوى كنا معطينها اياه بعد ماغسلتهن .

المهم رتبت جمييييييييع اغراضها بشناطها على اساس ان هذي كل اغراضها وعطت امي كل فلوسها عشان تعدهم لها امي بزعم ان عقلها مشوش الحين وماهي مركزة بالعد ,,, عدت امي فلوسها بالريااااااااال وقسمت لها مبلغ عشان تخليه معها بشنطة يدها لما تحتاجه بالمطار ..
الاخت دخلت شناطها بغرفتها على اساس انها على السليم وكل شي سوته قدامنا وحنا ماغفلنا عنها دارين وراها شي ..
هي طبعا ماكانت تدري متى رحلتها , وبنفس يوم رحلتها خلتها امي تنزل شناطها بغرفتي وراحت تكمل شغل , دخلت انا وامي الغرفه وفتشنا اغراضها براحتنا ومثل ماتوقعنا لقيناها قاااااااااشه مننا شي وشوي ومن ضمنهن صور لاخواني الصغار ولافتهم بمنديل ولافزتهن بزاوية الشنطه ..
ومآخذه برضوه شباصات واكسسوار شعر وميداليات جول لخواتي جديدااااااااااات وهلكن خواتي يدورون عنه ماحصلوهن ويسألونها وتجحد شوفتهن وحاطه مع كيسة المسروقات ريالات مكويات ومسفطات بحرفنه الله يآخذها ..

انا هنا انقهرت .. صور اخواني وشباصات خواتي وبقايا فسحة اخواني << ياعمري عليهم هم يجمعونهن بدروجهم وهي تسرقهم عساها الماحي ..
قلت لامي / والله ماتفرح بهن واخذتهن كلهن حتى الفلوس ..

اللي مأنبني هنا / اخاف الفلوس تكون لها وانا اخذتهن منها (الفلوس ماهي شي بس انقهرت وتحاميت لاخواني ليه تسرق تجميعهم من فسحتهم وهي لما عطت امي فلوسها كانت فوق الـ 15000 ؟؟)

انا متأكده ان امي لما سألتها بالليل / هذي كل فلوسك ؟؟ قالت ايوه ماما خلاص هذا كلووه غرض حق انا ..

الحين تصدقت بالفلوس ان كانت سارقتهم انها عني وعن اهلي وزوجي .. وإن كانت لها تكون عنها هي وبنتها ..

على فكرة : بعض الشباصات تقول اختي انها هي معطيتها اياها , بس لما كنا نفتش انا وامي اختي كانت بالدوام وخفت تكتشف اننا فتشنا وتسحر خواتي باللي عندها عشان كذا اخذتهن منها ..

قهرني زوجي يقول انتي سرقتي منها الفلوس وقعد يحامي عنها :icon33:

الموضوع له يومين شاااااااااغل بالي الله يقلع هاك الشغاله وين جت بطريقي ؟؟ انا ناقصه هموم يومها تزيد طينتي بلة ؟؟ حسبي الله ونعم الوكيل فيها ..

دلووووني هل اللي سويته صح وإلا غلط ؟؟؟ :44:

يلزم عليك تسجيل الدخول أولًا لكتابة تعليق.

تسجيل دخول

ام سويسه وخالد • 14 سنة

اذا مابعد سفرتوها رجعي لها الفلوس يمكن تكون لها

وردة ذات شوك • 14 سنة

صح وأنا معاك في اللي سويتيه ..أنت قصدك أخذ الحيطة والحذر..والفلوس فيه من أهل البلد منهم اولى بها منها

لا تهتمين الله أعلم بنيتك.......:26:

ياقلبي أصبر • 14 سنة

سفرناها بنفس اليوم اللي فتشناها فيه ..

وانا ما اخذت الفلوس إلا لاني متأكده انها سارقتهم , ومتكده لما قالت لامي هذي كل اغراضي وفلوسي ولا حطت الفلوس اللي اخذتهن مع فلوسها اللي عطتهن امي .. وإلا ليش لافزتهن بالشتطة الكبيرة مع باقي المسروقات ؟؟

بس احيان اوسوس انهن لها :(

جوهرة s • 14 سنة

انت اللي سويتيه من حرصك وخوفك من شر الخدامات واخذك للفلوس حليتيه ان شاء الله بتصدقك يالفلوس واذا على تانيب الضمير طالعه لي كل شئ اسويه اقعد اانب نفسي عليه لين تعبت

❥غرور❥ • 14 سنة

دامهن ملفوزات واضح انهن مو لها سارقتهم ارتحي ماعليك