شوفوا وش شفت بالملاهي هالطفله ياحراااااام وين أهل الخيرر وين الي يبي الآخره

السلام عليكم ورحمة الله وبركاته

اول شي اتمنى من المشرفات ماينقلون الموضوع او يحذفونه لانه قد يكون سبب بمساعدة طفله تنظر للحياة بأمل
وانا وربي مو متأكده هل هو هذا مكان هالموضوع او لا

بصراحه قبل فتره كنت رايحه العب بناتي بالملاهي وكنا واقفين ننتظر اللعبه توقف ولفتت انتباهي بنت تبي تلعب وامها تبعدها عن اللعب والبنت ترجع تطلب امها تركب هاللعبه لفت انتباهي هالشي استغربت من الام ليه ماتلعبها كان ودي اعرف بس استحي اسأل لكن الله أراد انو البنت تجيني وتطالع بناتي وانا أركبهم فقلت لها تعالي أركبك وانا اتبسم لها الأم سمعتني وجت قالت لا معليش مقدر أركبها قلت لها ليه
اللعبه موخطيره قالت ادري بس بنتي عندها هبوط في الضغط طبعآ أنا ضاق صدري وانصدمت البنت عمرها اقل من3سنوات بريئه بكل معنى الكلمه دفعني الفضول أسأل والدتها ايش سبب الهبوط وهي بهذا السن آآآآآآآآه ياربي قالت عندها فشل كلوي وخلل في الوظائف وشفت زي الانبوب حق غسيل الكلى سألتها قالت ايه احنا نغسل كلاها كل يومين تقريبآ

يا اللـــــــــــه يابنات احنا بنعمه كبيره يارب لك الحمد لو شفتوا البنت كيف نظرتها وعيونها وبراءتها وأمها تطالعها بكل حسره قلت لها ليه ماتسوي زراعه كلى قالت اسمها مدرج بالقائمه من سنه والى الآن مافيه متبرع :(

طبعآ واكيد لازم يسفرونها برى ومافيه أحد مستعد يمد يد المساعده ليه ماادري كيف يصير القرش غالي لما يفكر الواحد يساعد فيه اخوه المسلم وهو بالنهايه يساعد نفسه وراح يلقاها عند رب العالمين
من جد شي يقطع القلب
والناس قاعده تصرف فلوس على اشياء تاااااافهه

انا وربي مابيدي شي لكن قلت بطرح هالموضوع اذا الله أراد لها خير هي وبنتها ممكن ينفع به وأخذت رقمها قلت لها لاتتأملين بغير ربك انا بحاول أساعدك
على فكره اليوم بجريدة الرياض منزلين صورة هالطفله ويارب تنفرج
قبل اسبوع دقيت بتطمن عليها قالت لي 3اسابيع متنومه معاها بمستشفى الحرس ونفسيتي تعبانه طبعآ أنا ماالومها الي يقابل المريض يتعب كيف اذا كان المريض فلذة كبده الله لايورينا فيهم مكروه يااااااارب

واذكر حديث عن الرسول اللهم صلي وسلم عليه بما معناه لأن مااذكر النص انو قال لجبريل عجبت لناس مروا على الصراط كسرعة البرق لاهم من المصلين ولاهم من الصائمين ولاهم من الصابرين فسأل جبريل عليه السلام قال جبريل هؤلاء أناس كانت تقضى على ايديهم حوائج الناس

اللهم اجعلنا على الصراط من العابرين والله الدنيا ماتسوى لكن سبحان الله مفتونين فيها







بنات انا طرحت الموضوع بين يدينكم والي بيدها تقدر تساعدها او تنقل الموضوع لأحد ممكن يفيدها فالله يجعله بموازين حسناتها
والي مابيدها شي لاتبخل بدعوه لهالطفله بظهر الغيب

والله يعطي كل انسان على قد نيته ويشفي مرضى المسلمين ياااااارب