السلام عليكم ورحمة الله وبركاته
ها يمه وشرايك فيني الحين....
ماشاءالله....والله يابنتي انك ذكيه وتعلمتي بسرعة
والغدا اليوم ماينشبع منه.... كنك تطبخين من سنين
لا اوصيك وانا امك تري جوع الرجال حار
الله الله برجلك لايجي من الدوام الا كل شي زاهب
دخلت الام تقيل....
وسحبتها اختها جواهر....
اضن الحين ماله عذر لا يتغدا عند امه ولا عند جده
طبخ وتعلمتي....وغداه من اليوم ورايح ببيته
اسمعيني زين....
امي عجوز وعايشه علي مفاهيم اول...
.............................................
مثل ما له حقوق... عليه واجبات
تراك للحين عروس ومن حقك تروحين مطاعم
وتتمشين....عوديه يصرف عليك
روحي السوق واشتري.....
بس ياجواهر وش اشتري ماناقصني شي
الحمدلله ليه انا اللي كان ناقصني يوم خليته يوديني
الحكمه انك تعودينه من البدايه يصرف ويطلعك
ويعرف ان لك حقوق لازم يأديها......
...........................................
من شدة الحماس...ماجاها نوم
وكانت تنتظر الصبح بفارغ الصبر....
عشان تفاجأ بابداعتها....وتوريه انها راعيه بيت
(اذا اشتهت).....
بعد ما لبس واستعد للدوام.....
كان احلي....
فطور ينتظره....مع احلي ابتسامه
هذا الصباح كان مميز وبدايه يوم رائع....
للاثنين....
الله يعطيك العافيه ياحبيبتي...
بس لاعاد تتعبين نفسك....مسوين قطيه
ونفطر فالدوام علي راحتنا تعرفين انا اقوم
ويالله يمديني اوصل علي بدايه الدوام..اذا مو متأخر
بنفس الابتسامه العذبه....خلاص اجل او ما تطلع
من الدوام ترجع البيت علي طول لاتغدي عند اي احد
حاضر ياروحي....حاضر
صوت تسكير الباب نبها من افكارها....
معقول معقول فطور قلب كيانه وخلاه كذا
شلون لو اسويله غدا....
غدا...الا غدا وعشاء وحلا وكل ما تشتهي نفسه
اذا بيرجع حبيبي اللي كان فشهر العسل....
جلست تنظف البيت وترتبه....بكل همه ونشاط
ودخلت المطبخ وكانت تسوي الغدا بكل حب وجهد
بنفس مفتوحة للحياة....
الله يخليك لي يمه والله ان كلامك صحيح
لازم اكون راعيه بيت...لازم اذا رجع يعين
غداه زاهب ومرته بانتظاره...والله اني كنت ظايعة
افكاري غلط ووووووووووووووووووووو...
والكثير من (الافكار) الايجابيه العقلانيه
كانت تدور براسها وهي تطبخ.....
بشهقه طالعت الساعه....يالله يمديني
اخذ شور واتزهب قبل يجي...
نظراته وابتسامته....كانت تحمل الكثير والكثير
من المعاني....بين حب وغزل وشكر.... وراحة
يتبع....
ان مرته عقلت وبدت تهتم بيتها وتقوم بواجباتها
مر اليوم سريع وجاء الليل والاثنين غاطسين بالعسل
والغزل...كل شي طعمه كان غير حتي الشاهي والقهوه
(الله ياحلو العرس....الحمدلله اني تزوجت
والا كان للحين عايشه حياة فارغه من غير معني
او هدف نفس فلانه وفلانه... (تكلم نفسها)....)
تعاتبوا واعترفت بتقصيرها......
وهو اعتذر عن عصبيته واهماله لها....
واتفقوا يبدون من جديد...
كان عذب عاشق.....
وكانت سيدة منزلها......
..........................................
كان كل يوم يلقي صنف جديد.....
وصارت عبارات الشكر البسيطه....
التلقائيه.......هي اللي تنقال
الحمدلله....الله يعطيك العافيه....
وراح حتي من غير ما ينتظر يسمع ردها.....
آآآه الشرهه علي اللي اكرف لواحد ما يستاهل
ملأ بطنه وراح يخمد....
والمفروض خدامته الحين تغسل المواعين
وتنظف المطبخ......
واذا قام يلقي القهوه زاهبه....
(اف عيشه تقصر العمر)....
......................................................
بعد اسبوعين.....
قامت قبل حزت جيته بساعة....
وراحت المطبخ وهي تتحلطم اف لين متي
بقعد بين هالبصل واللحم والدجاج....
يوووووووه والصاله معفوسه والبيت ما ترتب
والاخ علي وصول...متي يمديني اخلص....
(كانت تحسب الامر شي مؤقت وينتهي)
تطبخ وهي تتحسر علي حالها...وتقارن نفسها باختها
اللي ما تزوجت وباقي صديقاتها البنات....
(آآآآآآه والله اني صغيره علي ذا كله)
..............................................
قبل يطلع شقته مر علي امه صاكه فيه الدنيا...
مساك الله بالخير يالغاليه....
هلا ومرحبا....وشفيك عسي ماشر
والله يايمه مدري وش اسوي ضايقتن فيني الوسيعة
كل شوي داق علي واحد من هالديانه وطالبن فلوسه
معليه ياولدي هونها وتهون....رح يابوي تغد وريح
وانا بكلم ابوك واخوانك يساعدونك....
دخل البيت يتغصب الابتسامه.....
شفيك تأخرت....
مريت الوالده وقعدت اسولف معها شوي
وهم يتغدون.....
انا زهقانه وشرايك نطلع نتمشي العصر....
خليني اريح واذا قمت يصير خير....
(اييييييه الوالده اكيد اياديها البيضاء واضحة
قام حتي الله يعطيك العافيه ما قالها)
...................................................
العصر..
زهبت القهوه والحلا....
وبعد ما تقهوي.....قال يالله مشينا
صحيح الله يخليك لي....
طلعوا وفروا شوي....قالت ابي السوق....
ليه.....
محتاجة شوي اغراض....
ضروري يعني....
أكيد....
يتبع....