(شوفوا وش صار فيني ..اللهم لك ..الحمد حتى ترضى"

يابنات اولا..

انا احمد الله واشكره عدد نعمه عدد خلقة عدد مانبيت بالارض وماينزل من السماء..
بقول لكم قصة صارت لي من اسبوع ..الشاهد من هالقصه بس عشان تعرفون فضل الدعاء وقيام الليل والعمل الصالح..."اللهم انفع بي"

المهم انا زواجي ان شاء الله بعد 4 ايام"ادعوا لي يتمم الله علينا على خير

المهم وصار لي اسبوعين انواع الضيق والهم والغم اعوذ بالله كل من شافني تروع مايحسبوني عروس ابدا
والسبب انه فيه احد مدري مين..قاعد يرسل على مسجات تهديد..بان زواجي راح يكون كارثه.زوجاني ماراح اتهنا بالهزواج..وانتظر الفضيحه الكبيره..وكاتب انتظري يوم عرسك محضرين لك مفآجأه


تخيلوا هالمسجات تجيكم كل ليله من 12 بالليل الى 2

وانواع ضيقة الصدر لاني مدري مين..ماودي اقول لااهلي اضيق صدورهم
ولااقدر اقول لااخواني لانهم راعين مشاكل
ولا قدرت اقول الا لزوجي وهو يصبرني توكلي على الله وارفعي يديك لرب العباد ربي معانا..وهالكلام..


المهم انا كنت اتوقع .. انه واحد من جماعتي..كان يبيني
او زوجته.....المهم ظليت في نكد وهم وغلقه مايعلم فيها الا الله...


الى امس يعني الثلاثاء19/12/2006

جاني مسج دمرني خلاني ورب البيت حتى المويه اذا بشربها ارجعها من شي احسه بمعدتي...


وانا ولله الحمد والمنه من الناس اللي الحمد لله الساعه 3:30الصبح اصحى اصلي الليل
وارجع انام
عاد امس قعدت ادعي ربي ادعيه في قيام الليل..
اللهم اكفنيهم بما شئت.زاللهم انهم بغوا على فمن ارادني بسوء فسلط عليه من لايخافك فيه ولا يرحمه..اللهم سلط عليه من عبادك..من يشغله في نفسه...
ظليت ادعي وادعي حد البكاء...

ولاني ولله الحمد والمنه كل يحبني واخصائيه لابنات معاقين امس وحده من امهات هالبنات دعت لي ادعيه مثل المطر لدرجة اني بكيت...


المهم البارح قفلت جوالي ماكنت مستعده اقرا اي مسج ثاني لدرجة فكرت الغي زواجي:(

عاد فتحت الجوال اليوم الظهر ابدق على احد وجا مسج وضاق صدري..

واتردد افتحه والا لا.. ها ه اه اه اه ا
وفتحته...

كان مكتوب((( اكيد اللي بلغ عني صديقك))) ) تفآجات:eek: وش صديقي قليل الادب وين احنا فيه


شوي يجيني مسج كاتب""" تكفين تنازلي عن شكواك.. والله اني مااعرفك بس حده من جماعتك سلطتني عليك"":eek:
بصراحه ضاق صدري عليه بس يستاهل
قمت اتطقس واسال لاني ماقلت لااحد يساعدني واللي قلت لها ماكانت تقدر اكتشفت ..انه احد مبلغ عنه والمباحث استدعوه... عشان هالموضوع..


الخلاصه:
1/الدعاء الدعاء الدعاء
لايرد الله يد عبد مدت له..صلاة الليل الذ واجمل واروع صلاه ظ..لاتقولون برد ترى وربي حتى بالبرد رب العالمين يدفيك..بكرمه ومنه..

2/كل ماضاقت فيكن الارض..تذكري ماتضيق بك ابواب السماء.

3/ لاتشتكين اي هم لغير الله الا اذا انتي تبين احد يخفف عنك لكن تبين منها حل ماللفرج الا ربك ادعيه وارتجيه سبحانه..

4/شفوا هالرجال ربي طيحه بشر اعماله والا انا مايعرفني ولا يدري من انا اذاني وحرمني من فرحتي بزواجي... الله يحرمه.. الفرح.

5/شفوا قدرت ربي سلط عليه من هو اقوى منه الخايس وجا يرتجيني وانا والله ماادري من استدعاه.زبس اذكر دعوة دعيتها ودعتها لي وحده" اللهم سلط عليه من عبادك من يشغله عني"
سبحانك ربي سبحانك ماالطفك..واكرمك معنا ونحن المقصرين في عبادتك...
وخلاص هذي قصتي دعواتكم لي بالتوفيق وان الله يتمم لي هالزواج على خير ياوجيه الخير