شوفوا وش صار لبنتي بالمستشفى اليوم الى متى الاستهتار بارواح البشر والاخطاء الطبي

والله متضايقه حيل وراسي مصدع من مشكله صارت اليوم بالمستشفى لبنتي الله يحفظها ويستر عليها

الى متى الاستهتار بارواح البشر

الى متى الاخطاء الطبية

الى متى الاجانب وعنصريتهم تلعب فينا وبأطفالنا وحنا ساكتين

اعذروني حروفي ملخبطه لاني تعبانه حيل من اللي صار لبنتي ام اربع سنوات اليوم بالمستشفى

بنتي اليوم وحنا طالعين بالسياره جاها مغص مفاجيء قطع بطنها مسكينه بالصياح واستفراغ كل عشر دقايق كل هذا صار بظرف ساعه متنا خوف عليها تصيح وتقول ماما بطني آآآآآآآآآآآآآآآآآىه تتألم وتصرخ بعدين تستفرغ

المهم وقفنا عند مستشفى كان بالطريق نبيه يسعف بنتنا بحي النسيم بالرياض مستشفى اهلي طبعآ

وعلى طول ع الاسعاف وهي تبكي وماسكه بطنها ياقلبي عليها بكيت معها

جاء الطبيب شافها وقال لازم تاخذ ابره مهديه الان

وجو ممرضتين حسبي الله عليهم حسبي الله عليهم حسبي الله عليهم

ممرضتين وحده هنديه والثانيه فلبينيه وكلهم مسيحيات وكان معي اطفالي وبنتي تصيح وحالتي حاله

دخلوا الممرضات وقلبوا بنتي مثل الخروف وبسرعه عطوها الابره ولامسكوا يدينها ولاشي حتى انا ما امداني اروح امسك يدين بنتي من سرعتهم وجت بنتي خافت لانها ماتدري وش يسوون وصرخت ومسكت الابره وهم مدخلينها وهات ياصراخ وانا بنجن ونصارخ كلنا لان الابره انطعجت جوا ومالت مرررا وانا اصارخ والممرضات طلعوا الابره بكل برود واسألهم الابره طلعت كامله ولا انكسرت ودخلت جوا البنت ويطالعوني ثنتينهم باستهتار ويمرون من عندي متأففين ويهشون بيديهم كنهم يهشون ذبان قدامهم وانا الحقهم اسألهم طمنوني بشوف الابره واخفوها عني وقلت ليش تسون كذا ليش بسرعه ليش ما مسكتوا يدين البنت ولا كلمتوني انا امسك يدينها لييييييييييش ليييييييييش ولاكأني اتكلم

ساعتها انفجرت فيهم داخل المستشفى وصارخت عليهم والتموا الناس حولي وقلت والله ما اطلع من هنا الا مقابله المدير الى متى استهتاركم بارواح الناس ويحاولون يهدوني وانا ضامه بنتي واصيح فيهم وجاني المدير وعلمته السالفه وقلت الحين مادري الابره انكسرت جوا بنتي ولا لا اسألهم وانحاشوا اقولهم وروني الابره واخفوها عني بنتي وش وضعها الان جبتها لكم مريضه وحالتها حاله والحين طلعت فيها مشكله جديده بسببكم وجاب الممرضات عندي والله ان اسلوبهم غير اللي شفتهم قبل شوي ويتوددون لي وماما وماما وحنا اسفين وصرخت فيهم وقلت انتي كذابه انتي وياها وانا احملكم مسئولية بنتي وانا راح اشتكيكم ولا اسكت الحين بنتي ماعرف وش وضعها ورفع فيهم مدير المستشفى شكوى خطيه مني وقال راح نكلمكم يوم السبت
قلت له ليييييه هالاستهتار ابفهم الى متى الاستهتار بارواح الناس
الى متى عنصرية هالاجانب وغيرهم علينا وعلى اطفالنا
بنتي وش ذنبها الحين فهمني

قال تعرفين وش المشكله اختي

ان اكثر السعوديين مايشتكون 90% منهم مايشتكون عشان كذا الاخطاء الطبيه في تزايد
لانه من امن العقوبه اساء الادب

الله يخليكم ادعوا لبنتي بالشفاء العاجل وان الله يطمني عليها تكفون ادعوا لها :44: